ఆస్తమా ఉంటే వీటిని తీసుకోవడం తగ్గించండి.. లేదంటే ఊపిరి తీసుకోవడం కష్టమవుతుంది..!

రోజు ఉదయం, సాయంత్రం కాఫీ, టీ తాగే అలవాటు అనేక మందిలో కనిపిస్తుంది. ఈ డ్రింక్ లలో కెఫిన్ స్థాయి అధికంగా ఉంటుంది.. ఇది నాడీ వ్యవస్థను ఉత్తేజపరిచే గుణం కలిగి ఉంటుంది. దీంతో హృదయ స్పందన వేగంగా మారవచ్చు. శ్వాసకోశ సమస్యలు ఉన్నవారికి ఈ కెఫిన్ డ్రింక్ లు సమస్యను మరింత తీవ్రతరం చేయవచ్చు. అందుకే ఇలాంటి డ్రింక్ ల వినియోగాన్ని తగ్గించడం అవసరం.

వంటకు వెంటనే వాడే తాజా పదార్థాలు ఆరోగ్యానికి మంచివి. కానీ ఫ్రిడ్జ్‌లో నిల్వ ఉంచిన పచ్చళ్లు, బాగా చల్లగా ఉన్న ఆహారం కొన్ని సందర్భాల్లో శరీరానికి హానికరంగా మారుతుంది. ఇవి ఎలర్జీ ప్రభావాన్ని పెంచేలా ఉంటాయి. శ్వాసనాళాలు బిగుసుకుపోవడానికి కారణం కావచ్చు.

చల్లగా ఉండే డ్రింక్ లు తాగడం వల్ల గొంతు చల్లబడుతుంది. ఇది కొందరికి ఓ రిలీఫ్ లా అనిపించినా.. ఆస్తమా ఉన్నవారికి ఇది ప్రమాదమే. గొంతులో వాపు ఏర్పడి శ్వాస తీసే మార్గాలు తడబాటుకు గురవుతాయి. సమస్య తీవ్రమవుతుంది.

పిజ్జా, బర్గర్ వంటి ఫుడ్ పదార్థాలు ఎక్కువగా ప్రాసెసింగ్ చేసినవి. ఇవి ఎక్కువకాలం నిల్వ ఉండేందుకు కెమికల్స్ వాడతారు. అలాంటి పదార్థాలు శరీరంలోని రోగ నిరోధక వ్యవస్థను బలహీనపరచడమే కాకుండా.. శ్వాస సమస్యను మరింత కష్టతరం చేస్తాయి.

నూడిల్స్, ఫ్రైడ్ రైస్, మంచూరియా వంటివి ఎక్కువగా సగం ఉడకబెట్టిన నూనెలో వేయించబడతాయి. వీటిలో సోడియం, ఎమ్‌.ఎస్‌.జి. (మోనోసోడియం గ్లుటామేట్) వంటి పదార్థాలు అధికంగా ఉండటం వల్ల శ్వాసకోశ వ్యవస్థపై ఒత్తిడి పెరుగుతుంది. ఆస్తమా ఉన్నవారు వీటిని పూర్తిగా మానేయటం మంచిది.

చల్లదనంతో పాటు అధిక తీపి కలిగిన ఐస్‌ క్రీమ్‌లు గొంతులో సమస్యలు కలిగించవచ్చు. శరీర ఉష్ణోగ్రత తగ్గడం వలన శ్వాస మార్గాల్లో ఇబ్బందులు వస్తాయి. దాంతో పాటు గొంతులో శ్లేష్మం పెరిగి సమస్య తీవ్రమవుతుంది.

ఆల్కహాల్ శరీరాన్ని బలహీనపరుస్తుంది. రోగనిరోధక శక్తి తగ్గిపోతుంది. ఇదే విధంగా పొగతాగడం వలన శ్వాస నాళాలు నేరుగా హానికర పదార్థాల ప్రభావానికి లోనవుతాయి. ఇవి రెండూ ఆస్తమా బాధితులు పూర్తిగా దూరంగా ఉంచాల్సినవి.

కొంతమంది చక్కెరకు బదులుగా ఆర్టిఫిషియల్ స్వీట్‌నర్లు వాడుతారు. ఇవి తీపిగా ఉన్నా.. శరీరంలో హార్మోన్లపై ప్రభావం చూపుతాయి. దాంతో శ్వాస సంబంధిత మార్గాల్లో ఇబ్బందులు వచ్చే అవకాశం ఉంటుంది. ఆస్తమా ఉన్నవారు ఇవి తీసుకోవడం మానేస్తే ఆరోగ్యానికి మంచిది.

ఆస్తమా ఉన్నవారు ఆరోగ్యాన్ని రక్షించుకోవాలంటే ప్రతిరోజూ తినే ఆహారం విషయంలో అప్రమత్తంగా ఉండాలి. చల్లగా ఉన్నవి, ప్రాసెసింగ్ చేసినవి, కెఫిన్ ఎక్కువగా ఉండే డ్రింక్ లు, ఆల్కహాల్ వంటి వాటి వినియోగం తగ్గించడం అవసరం. వీటిని నివారించడం ద్వారా శ్వాస సమస్య తీవ్రతను నియంత్రించగలుగుతారు.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)