Hair care: విటమిన్ల లోపంతో జుట్టు ఊడిపోవడం, చుండ్రు సమస్యతో ఇబ్బంది పడుతున్నారా? ఇలా చేయండి
Hair care: జుట్టు ఊడిపోయే సమస్య చాలా మందిలో ఉంటుంది. అందుకు కారణాలు తెలుసుకుని చర్యలు తీసుకుంటే సమస్యను అధిగమించవచ్చు. ఒత్తిడి, కాలుష్యం..
Hair care: జుట్టు ఊడిపోయే సమస్య చాలా మందిలో ఉంటుంది. అందుకు కారణాలు తెలుసుకుని చర్యలు తీసుకుంటే సమస్యను అధిగమించవచ్చు. ఒత్తిడి, కాలుష్యం, విటమిన్ లోపం తదితర కారణాల వల్ల చాలా మందికి జుట్టు ఊడిపోతుంటుంది. అలాగే చుండ్రు సమస్య కూడా పెరిగిపోతుంటుంది. శరీరంలో కొన్ని విటమిన్ల లోపం ఉంటే దాని ప్రభావం జుట్టుపై కూడా కనిపిస్తుంది. అటువంటి విటమిన్ల లోపం వల్ల జుట్టులో చుండ్రు వస్తుంది. ముఖ్యంగా వర్షాకాలంలో జుట్టు రాలడం, తల దురద పెట్టడం వంటి సమస్యలు బాగా ఇబ్బంది పెడతాయి. అందుకే ఈ సీజన్‌లో జుట్టుపై ప్రత్యేక శ్రద్ధ అవసరం. వర్షాకాలంలో జుట్టు ఎక్కువ తేమగా ఉంటుంది. దీనిని నిర్లక్ష్యం చేస్తే డాండ్రఫ్‌, హెయిర్ ఫాల్‌ లాంటి సమస్యలకు దారి తీయవచ్చు. అంతే కాదు, కాలానుగుణంగా ఉండే తేమతో చర్మం కూడా పాడవుతుంది.
బయోటిన్: స్కాల్ప్‌ని ఆరోగ్యంగా ఉంచే విటమిన్లలో ఇది ఒకటి. విటమిన్ B7 అని పిలువబడే ఈ పోషకం శరీరంలో ఎర్ర రక్త కణాలను ఉత్పత్తి చేస్తుంది. మీరు దీన్ని బాదం, మాంసాలు, తృణధాన్యాలతో భర్తీ చేయవచ్చు.
విటమిన్ సి: శరీరంలో కొల్లాజెన్ ఏర్పడటం జుట్టుకు చాలా ముఖ్యమైనది. శరీరంలో కొల్లాజెన్ ఉత్పత్తిలో విటమిన్ సి ముఖ్యమైన పాత్ర పోషిస్తుంది. జుట్టులో చుండ్రు లేదా ఇతర జుట్టు సమస్యలు ఉన్నవారు వారి శరీరంలో విటమిన్ సి లోపం ఖచ్చితంగా ఉంటుంది. నిమ్మకాయ వంటి వాటిని తీసుకోవడం మేలు జరుగుతుంది. జుట్టు విషయంలో జాగ్రత్తలు తీసుకోవాలి. ఈ విటమిన్ల మూలాన్ని ఆహారంలో భాగంగా చేసుకోవడంతో పాటు, మీరు హెయిర్ రొటీన్‌ను అనుసరించాలి. దీని కోసం వారానికి రెండుసార్లు జుట్టుకు నూనె రాయండి. మంచి షాంపులను వాడాలి.
కలబంద అన్ని జుట్టు సమస్యలను తొలగించడంలో కూడా చాలా ఉపయోగకరంగా ఉంటుంది. వర్షాకాలంలో వెంట్రుకలు రాలిపోయే సమస్యను దూరం చేసుకోవాలంటే నాలుగు టీస్పూన్ల కలబందను కొబ్బరినూనెలో కలిపి రాసుకుంటే మంచి పేస్ట్ లా తయారవుతుంది. తర్వాత ఈ పేస్ట్‌ని మీ జుట్టు మొత్తానికి అప్లై చేయండి. ఈ మాస్క్‌ని జుట్టు మీద ఇరవై నిమిషాల పాటు అప్లై చేయండి. ఆ తర్వాత జుట్టును చల్లటి నీటితో కడగాలి. ఇది జుట్టు రాలడాన్ని తొలగించడమే కాకుండా, చుండ్రును వదిలించుకోవడానికి కూడా సహాయపడుతుందని ఆయుర్వేద నిపుణులు చెబుతున్నారు.
మెంతి గింజల్లో ఇ-విటమిన్ పుష్కలంగా ఉంటుంది. ఇది జుట్టు రాలడాన్ని నివారిస్తుంది. మెంతి గింజలను రాత్రి పూట నానబెట్టి ఉదయాన్ని వడకట్టి ఆ నీటిని తాగినా ఫలితం ఉంటుంది. వర్షాకాలంలో లభించే నేరేడు పండులో విటమిన్ సి పుష్కలంగా ఉంటుంది. ఇది కొల్లాజెన్‌ను ఉత్పత్తి చేయడంలో ప్రధాన పాత్ర పోషిస్తుంది. నేరేడు పండ్లను తీసుకోవడం వల్ల జుట్టు సమస్యలను దూరం చేసుకోవచ్చు.
(నోట్‌: ఇందులోని అంశాలన్ని కేవలం అవగాహన కోసం మాత్రమే. నిపుణులు తెలిపిన వివరాల ప్రకారం అందించడం జరుగుతుంది. ఏవైనా సందేహాలుంటే వైద్య నిపుణులను సంప్రదించండి.)
మరిన్ని హెల్త్ వార్తల కోసం ఇక్కడ క్లిక్ చేయండి