Period Pain Relief: పీరియడ్స్ పెయిన్ పై బ్రహ్మాస్త్రం.. పైనాపిల్ పై ఈ పొడి చల్లి తింటే నొప్పి మాయం!

Natural Remedies For Period Cramps

హోలిస్టిక్ హెల్త్ న్యూట్రిషనిస్ట్ ఖుషీ ఛబ్రా వెల్లడించిన వివరాల ప్రకారం.. అనాస పండులో ఉండే ‘బ్రోమెలైన్’ అనే ఎంజైమ్ వాపును తగ్గించి, గర్భాశయ కండరాలను సడలించడంలో సహాయపడుతుంది. దీనికి తోడు దాల్చినచెక్కలోని ‘సిన్నమాల్డిహైడ్’ రక్త ప్రసరణను మెరుగుపరిచి నొప్పిని తగ్గిస్తుంది. అయితే, ఈ చిట్కా ఎంతవరకు శాస్త్రీయమైనది? ఎవరెవరు దీనిని తీసుకోకూడదు? నిపుణుల విశ్లేషణ ఇప్పుడు వివరంగా తెలుసుకుందాం.

ఎలా పనిచేస్తుంది?

అనాస పండు :

ఇందులోని బ్రోమెలైన్ ఎంజైమ్ యాంటీ ఇన్‌ఫ్లమేటరీ గుణాలను కలిగి ఉంటుంది. ఇది పీరియడ్స్ సమయంలో గర్భాశయ కండరాల సంకోచాన్ని తగ్గించి, నొప్పి నుండి ఉపశమనం ఇస్తుంది.

దాల్చినచెక్క :

ఇది శరీరంలో రక్త ప్రసరణను క్రమబద్ధీకరిస్తుంది. అనేక పరిశోధనల ప్రకారం, పీరియడ్స్ మొదటి 2-3 రోజుల్లో 1 నుండి 3 గ్రాముల దాల్చినచెక్క పొడిని తీసుకోవడం వల్ల నొప్పి తీవ్రత తగ్గుతుంది.

రక్తాన్ని పలచబరిచే మందులు: ఇప్పటికే బ్లడ్ థిన్నర్స్ వాడుతున్న వారు లేదా రక్తస్రావం సమస్యలు ఉన్నవారు బ్రోమెలైన్ సప్లిమెంట్లకు దూరంగా ఉండాలి. పండుగా తినడం సురక్షితమే.

గర్భిణీలు: గర్భవతులు అధిక మొత్తంలో బ్రోమెలైన్ తీసుకోవడం శ్రేయస్కరం కాదు.

లివర్ సమస్యలు: దాల్చినచెక్కను అతిగా తీసుకోవడం వల్ల కాలేయంపై ప్రభావం పడే అవకాశం ఉంది, కాబట్టి పరిమితంగా వాడాలి.

డయాబెటిస్: మధుమేహం ఉన్నవారు దాల్చినచెక్కను మందుల రూపంలో తీసుకునే ముందు వైద్యుడిని సంప్రదించాలి.

ఎలా తీసుకోవాలి?:

నెలసరి సమయంలో కొన్ని అనాస పండు ముక్కలపై కొద్దిగా దాల్చినచెక్క పొడిని చల్లుకుని తినవచ్చు. లేదా వేడి నీటిలో దాల్చినచెక్క వేసి టీ లాగా మరిగించి తాగడం వల్ల కూడా మంచి ఫలితం ఉంటుంది.

గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. నొప్పి తీవ్రంగా ఉంటే లేదా ఇతర ఆరోగ్య సమస్యలు ఉంటే ఖచ్చితంగా గైనకాలజిస్ట్‌ను సంప్రదించాలి.