Health Tips: మోకాళ్ల నొప్పిని తట్టుకోలేకపోతున్నారా.. ఈ 5 ఆహారాలని డైట్‌లో చేర్చండి..!
Health Tips: ప్రస్తుత కాలంలో మోకాళ్ల నొప్పులు చిన్న వయసులోనే వస్తున్నాయి. సాధారణంగా 40 ఏళ్ల తర్వాత ఇలాంటి సమస్యలు కనిపిస్తాయి. కానీ ఇప్పుడు
Health Tips: ప్రస్తుత కాలంలో మోకాళ్ల నొప్పులు చిన్న వయసులోనే వస్తున్నాయి. సాధారణంగా 40 ఏళ్ల తర్వాత ఇలాంటి సమస్యలు కనిపిస్తాయి. కానీ ఇప్పుడు 30 ఏళ్లకే వస్తున్నాయి. దీనికి కారణం అనేకం ఉన్నాయి. జీవనశైలిలో మార్పులు, చెడు అలవాట్ల వల్ల ఏర్పడుతున్నాయి. సాధారణంగా గాయాలు, ప్రమాదాల వల్ల మోకాళ్లలో నొప్పి రావడం సహజం. కానీ కొన్నిసార్లు ఆహారంలో పోషకాల కొరత వల్ల కూడా ఈ సమస్య ఎదుర్కొంటారు. అందుకే రోజువారీ ఆహారంలో కొన్ని ఆహారాలను చేర్చుకోవడం ద్వారా ఈ సమస్యని తగ్గించుకోవచ్చు. మీ శరీరంలో కాల్షియం లేదా ప్రోటీన్ లేకుంటే మోకాలి నొప్పి వచ్చే అవకాశాలు ఎక్కువగా ఉంటాయి. కొన్నిసార్లు నొప్పి కారణంగా వాపు కూడా మొదలవుతుంది. ఈ పరిస్థితిలో మీరు ఏమి చేయాలో ఈ రోజు తెలుసుకుందాం.
1. గ్రీన్ లీఫీ వెజిటేబుల్స్
గ్రీన్ లీఫీ వెజిటేబుల్స్ క్యాబేజీ, బ్రోకలీ వంటి ఆకు కూరలు తినడం వల్ల శరీరంలో మంటను కలిగించే ఎంజైమ్‌లు తగ్గడం ప్రారంభిస్తాయి. అందువల్ల మీ రోజువారీ ఆహారంలో వీటిని చేర్చుకోండి. తద్వారా ఎముకలు దృఢంగా ఉంటాయి. మోకాళ్ల నొప్పులు దూరమవుతాయి.
2. నట్స్
నట్స్‌లో విటమిన్లు, ప్రొటీన్లు పుష్కలంగా ఉంటాయి. అందుకే ఆరోగ్య నిపుణులు తరచుగా తినమని సూచిస్తారు. ఇవి ఎముకలను బలపరుస్తాయి. అందుకే నట్స్ తినడం వల్ల మోకాళ్ల నొప్పులు తగ్గుతాయి.
3. అల్లం, పసుపు
అల్లం, పసుపులో యాంటీ ఇన్ఫ్లమేటరీ లక్షణాలు ఉంటాయి. అందుకే ఈ మసాలా దినుసులు శతాబ్దాలుగా ఔషధాలలో ఉపయోగిస్తున్నారు. మోకాళ్ల నొప్పులు ఉంటే కచ్చితంగా ఈ రెండు దినుసులని డైట్ లో చేర్చుకుంటే మంచిది. అల్లం, పసుపు కలిపి కషాయం చేసి తాగినా మంచి ఫలితం ఉంటుంది.
4. పండ్లు
కొన్ని పండ్లు తినడం వల్ల మోకాళ్ల నొప్పులు నయమవుతాయి. వీటిలో నారింజ, స్ట్రాబెర్రీ, చెర్రీస్ ఉంటాయి. వీటిలో విటమిన్ సి, లైకోపీన్ వంటి పోషకాలు ఉంటాయి. ఇవి ఎముకల వాపును తగ్గిస్తాయి.
5. పాలు
విటమిన్ డి, కాల్షియం పాలు, అన్ని పాల ఉత్పత్తులలో పుష్కలంగా లభిస్తాయి. ఇవి ఎముకల పటిష్టతకు మేలు చేస్తాయి. పాలలో ఎక్కువ కొవ్వు ఉండకూడదని గుర్తుంచుకోండి. లేకపోతే బరువు పెరుగుతారు. ప్రతిరోజు ఒక గ్లాసు పాలు ఉదయం, సాయంత్రం తీసుకుటే ఆరోగ్యానికి చాలా మంచిది.
మరిన్ని హెల్త్‌ వార్తల కోసం ఇక్కడ క్లిక్ చేయండి.
గమనిక :- అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించండి.