Health Tips: నిద్ర లేవగానే శరీరంలో నొప్పులు ఉన్నాయా..? ఇలా చేయండి
కొన్ని సమయాల్లో శరీరం అన్ని విధాలుగా సహకరించదు. ఎందుకంటే ఇప్పుడున్న బిజీ లైఫ్‌లో ప్రతి మనిషికి ఏదో ఒక అనారోగ్య సమస్య ఉంటుంది. ఉద్యోగాల్లో..
కొన్ని సమయాల్లో శరీరం అన్ని విధాలుగా సహకరించదు. ఎందుకంటే ఇప్పుడున్న బిజీ లైఫ్‌లో ప్రతి మనిషికి ఏదో ఒక అనారోగ్య సమస్య ఉంటుంది. ఉద్యోగాల్లో అలసిపోవడం, ఎక్కువ శ్రమించినప్పుడు వివిధ అనారోగ్య సమస్యలు రావడం, అలాగే రోజంతా పనులు చేసి రాత్రి నిద్రించిన తర్వాత నిద్ర లేవగానే మెడ, శరీరంలో నొప్పులు వంటివి వస్తుంటాయి. చాలా మందికి నిద్రలో లేదా నిద్ర నుండి లేచిన తర్వాత శరీరంలో నొప్పి వంటి సమస్యలు ఉంటాయి. దీంతో ప్రజలు తీవ్ర ఇబ్బందులు పడుతున్నారు. కొన్నిసార్లు ఆఫీసులో పని చేస్తున్నప్పుడు కూడా ఈ సమస్యలు వస్తుంటాయి. అయితే నిద్ర లేవగానే శరీరంలో నొప్పి ఎందుకు వస్తుందో తెలుసుకోండి.
నిద్ర తర్వాత శరీరంలో నొప్పికి కారణాలు:
నిద్ర తర్వాత శరీరంలో నొప్పికి అనేక కారణాలు ఉండవచ్చు అంటున్నారు వైద్య నిపుణులు. శారీరక బలహీనత, నిద్ర లేకపోవడం లేదా శారీరక శ్రమ లేకపోవడం వంటివి. కానీ శరీరంలో పోషకాహార లోపం దీనికి పెద్ద కారణమని చెబుతున్నారు.
నిద్ర నుండి లేచిన తర్వాత, శరీరంలో నొప్పి ఉంటే ఏం చేయాలి..?
నిద్రలోంచి లేచిన తర్వాత శరీరంలో ఏదైనా నొప్పి ఉంటే ఆహారానికి సంబంధించిన నియమాలు పాటించాలని సూచిస్తున్నారు నిపుణులు. పోషకాలు అధికంగా ఉండే ఆహారం తీసుకోవాలంటున్నారు. నిద్ర నుంచి లేచిన తర్వాత కూడా శరీరంలో నొప్పి ఉన్నట్లు అనిపిస్తే ఎక్కువ మొత్తంలో పోషకాలు ఉండే ఆహారాలను తీసుకోవాలని, ఇలా పోషకాలు అధికంగా ఉండే ఆహారాలనే భోజనంలో చేర్చుకుంటే ఎంతో మేలంటున్నారు. ఎందుకంటే ఇది మీ కండరాలు, ఎముకలు, జీర్ణక్రియ, శరీరంలో రక్తం లేకపోవడం వంటి సమస్యను తీరుస్తుంది. దీని కోసం మీరు మీ ఆహారంలో పాలు, పెరుగు, మజ్జిగ, సోయాబీన్స్, పప్పు చేర్చుకోవాలి.
వ్యాయామం:
ప్రతిరోజూ నిద్రలేచిన తర్వాత మీరు తప్పనిసరిగా 30 నిమిషాలు వ్యాయామం చేయడానికి ప్రయత్నించండి. ముఖ్యంగా స్ట్రెచింగ్, యోగా, మార్నింగ్ వాక్ కూడా చేయవచ్చు.
వేడి నీళ్లతో స్నానం చేయండి:
వేడి నీటితో స్నానం చేయడం వల్ల అలసట తొలగిపోతుంది. దీని కారణంగా మీ కండరాలు ఉద్రిక్తత, వాపు నుండి ఉపశమనం పొందుతాయి. అంతే కాకుండా వేడి నీళ్లతో తలస్నానం చేస్తే రిఫ్రెష్ గా ఉండి నొప్పులు దూరమవుతాయి. ఇలా నొప్పులను తగ్గించుకునేందుకు ఇలాంటి జాగ్రత్తలు తీసుకుంటో ఏంతో మేలంటున్నారు నిపుణులు.
(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరుగుతుంది. ఏవైనా సందేహాలు ఉంటే నిపుణులను సంప్రదించండి.)
మరిన్ని హెల్త్ వార్తల కోసం ఇక్కడ క్లిక్ చేయండి