Diabetes: ఈ సింపుల్ టిప్స్‌ పాటిస్తే.. మధుమేహన్ని నియంత్రణలో పెట్టుకోవచ్చు..
మధుమేహం వ్యాధి ఉన్న వాళ్లు ఎన్నో జాగ్రత్తలు తీసుకోవాలి. లేకపోతే ఈబ్లడ్ షుగర్ జీవితంలో మరిన్ని ఆరోగ్య సమస్యలకు కారణమవుతుంది. డయాబెటిస్ కంట్రోల్ లో లేకపోతే భవిష్యత్తులో తీవ్రమైన సమస్యలకు దారితీస్తుంది. ఈక్రమంలో మధుమేహం వ్యాధిని నియంత్రణలో..
Updated on: Nov 13, 2022 | 9:12 AM
మధుమేహం వ్యాధి ఉన్న వాళ్లు ఎన్నో జాగ్రత్తలు తీసుకోవాలి. లేకపోతే ఈబ్లడ్ షుగర్ జీవితంలో మరిన్ని ఆరోగ్య సమస్యలకు కారణమవుతుంది. డయాబెటిస్ కంట్రోల్ లో లేకపోతే భవిష్యత్తులో తీవ్రమైన సమస్యలకు దారితీస్తుంది. ఈక్రమంలో మధుమేహం వ్యాధిని నియంత్రణలో ఉంచాలంటే జీవనశైలిలో కొన్ని మార్పులు అవసరం. రోజూ రోజుకు డయాబెటిక్ రోగుల సంఖ్య పెరిగిపోతుంది. భవిష్యత్తులో దాని బారిన పడకూడదంటే.. ఇప్పటినుంచే మెరుగైన లైఫ్ స్టైల్ ఫాలో అవ్వాలంటున్నారు వైద్య నిపుణులు. మధుమేహం వంటి వ్యాధి శరీరంలో వ్యాప్తి చెందడం ప్రారంభించినప్పుడు.. శరీరంలో అనేక ఇతర శారీరక వ్యాధులు కూడా వస్తాయి. అందుకే మధుమేహానికి దూరంగా ఉండాలి. లైఫ్ స్టైల్ లో మార్పులతోమధుమేహనికి చెక్ పెట్టవచ్చని అంటున్నారు. మధుమేహం నుంచి బయటపడటానికి మొదటి మార్గం బరువు తగ్గడం. ఊబకాయం ఉన్నవాళ్లు త్వరగా మధుమేహం బారిన పడతారు. బరువు తగ్గడం వల్ల మధుమేహాన్ని 60 శాతం తగ్గించవచ్చని నిపుణులు సూచిస్తున్నారు. ఆహారం, వ్యాయామం ద్వారా మీ శరీర బరువులో 7 శాతం కోల్పోవడం.. మధుమేహం నుంచి బయటపడటానికి సహాయపడుతుంది. వైద్యులు సూచించిన సలహాలను పాటించడంతో పాటు ఈ నాలుగు చిట్కాలు పాటిస్తే షుగర్ వ్యాధిని కంట్రోల్ లో ఉంచుకోవచ్చు.
శారీరక వ్యాయమం
మధుమేహం వ్యాధి ఉన్న వ్యక్తి ప్రతిరోజూ తన దినచర్యలో భాగంగా శారీరక వ్యాయమం చేయాలి. కనీసం 40 నుంచి 45 నిమిషాల పాటు వ్యాయమం చేయడం ద్వారా రక్తంలో షుగర్ స్థాయిని నియంత్రిస్తుంది. వాకింగ్, సైక్లింగ్, రోలర్ బ్లేడింగ్, జాగింగ్, స్విమ్మింగ్, స్కిప్పింగ్ లేదా క్రీడలు ఆడటం వంటి శారీరక వ్యాయమాలు చేస్తే మధుమేహం నియంత్రణలో ఉంటుంది.
బరువు తగ్గడం
బరువు అధికంగా పెరగకుండా చూసుకోవడం ద్వారా షుగర్ వ్యాధిని నియంత్రించవచ్చు. ప్రతి రోజు వ్యాయమం చేయడం, సమతూకంలో ఆహారం తీసుకోవడం ద్వారా బరువు తగ్గే ప్రయత్నం చేయాలి. బరువు తగ్గడం కోసం ఎటవంటి ఆహారం తీసుకోకుండా ఉండటం ఆరోగ్యంపై ప్రతికూల ప్రభావం చూపించే అవకాశం ఉంటుంది.
ఆహార అలవాట్లలో మార్పు
మధుమేహంతో బాధపడేవారు తప్పనిసరిగా తీసుకునే ఆహారంలో సమతుల్యత పాటించాలి. ఎప్పుడు పడితే అప్పుడు ఏ ఆహారం పడితే అది తీసుకోకూడదు. కొవ్వు పదార్థాలు లేని ఆహార పదార్థాలను తీసుకోవాలి. రక్తంలో షుగర్ స్థాయిని పెంచే పదార్థాలు తినకూడదు. రోజులో నాలుగు చపాతీలు ఒకేపూట తీసుకుంటే.. పూటకు రెండు చొప్పున ఒక రోజులో రెండు సార్లు తీసుకోవాలి.డయాబేటిస్ ఉన్న వారు ఆహారంగా తృణధాన్యాలను ఎక్కువుగా తీసుకోవడం మంచిది. కూరగాయలు, బీన్స్ వంటివి తినాలి. పిజ్జా, బర్గర్లు, నూడిల్స్, పేస్ట్రీలు, అధికంగా కొవ్వు ఉండే జంక్ ఫుడ్ కు మధుమేహం వ్యాధి ఉన్నవాళ్లు దూరంగా ఉండాలి. స్కిన్ లెస్ చికెన్ ను భోజనంతో పరిమితంగా తీసుకొవచ్చు. డయాబెటిస్ ఉన్న వ్యక్తులకు ఆల్కహాల్ తీసుకునే అలవాటు ఉంటే పరిమితంగా తాగాలి.
ఒత్తిడిని తగ్గించుకోవాలి
ఒత్తిడికి గురవ్వకుండా..టెన్షన్ తో కూడిన పనులకు డయాబేటిస్ ఉన్నవాళ్లు దూరంగా ఉండాలి. ఒత్తిడికి గురికావడం వల్ల రక్తపోటుకు గురయ్యే అవకాశం ఉంది. గుండెపోటు లేదా గుండె సంబంధిత వ్యాధులకు గురయ్యే ఛాన్స్ ఎక్కువుగా ఉంది. అందుకే ఒత్తిడికి లోనుకాకుండా ప్రతిరోజూ 8 గంటలకు తక్కువ కాకుండా నిద్రపోవాలి. మనస్సు రీలాక్స్ గా ఉంచుకునేందుకు సంగీతం వినడం, సినిమాలు చూడటం వంటివి చూడటం మంచిది.
మరిన్ని హెల్త్ వార్తల కోసం ఇక్కడ క్లిక్ చేయండి
