Heart Health: అర్థరాత్రి చేసే ఆ పాడు అలవాట్ల వల్లే హార్ట్ ఎటాక్ ముప్పు విపరీతంగా పెరుగుతోంది!
ప్రస్తుత ఆధునిక కాలంలో గుండె జబ్బులు హార్ట్ ఎటాక్ల రేటు వయసుతో సంబంధం లేకుండా విపరీతంగా పెరిగిపోతోంది. మునుపటిలా కాకుండా 30, 40 ఏళ్ల లోపు యువత కూడా గుండె నొప్పుల బారిన పడటానికి ప్రధాన కారణం మారుతున్న జీవనశైలి నిద్రపోయే విధానమేనని ప్రపంచ ఆరోగ్య నివేదికలు స్పష్టం చేస్తున్నాయి. సాధారణంగా మనం పగటిపూట తీసుకునే... ఆహారం, వ్యాయామం గురించే ఎక్కువగా ఆలోచిస్తాం. కానీ..
రాత్రి వేళల్లో మనం చేసే కొన్ని చిన్న చిన్న పొరపాట్లు మన గుండె ఆరోగ్యాన్ని లోపల తీవ్రంగా దెబ్బతీస్తున్నాయనే విషయం చాలా మందికి తెలియదు. నిద్రపోయే ముందు మన శరీరం విశ్రాంతి స్థితిలోకి వెళ్లాల్సి ఉంటుంది, ఆ సమయంలో మనం చేసే పనులు గుండెపై విపరీతమైన ఒత్తిడిని పెంచుతాయి. మరి రాత్రిపూట మనకు తెలియకుండానే గుండెకు హాని కలిగించే ఆ 4 మోస్ట్ డేంజరస్ తప్పులు ఏంటో ఇప్పుడు పూర్తి వివరంగా తెలుసుకుందాం.
1. ఆలస్యంగా భారీ భోజనం చేయడం
చాలా మంది రాత్రి 9 లేదా 10 గంటల తర్వాత, అదీ బిరియానీలు లేదా జంక్ ఫుడ్స్ వంటి భారీ ఆహారాన్ని తీసుకుంటారు. తిన్న వెంటనే పడుకోవడం వల్ల జీర్ణక్రియ రేటు మందగిస్తుంది.
రాత్రిపూట శరీరం విశ్రాంతి తీసుకోవడానికి బదులు.. భారీ ఆహారాన్ని అరిగించడానికి ఎక్కువ రక్తాన్ని పంప్ చేయాల్సి వస్తుంది. దీనివల్ల రక్తపోటు కొలెస్ట్రాల్ స్థాయిలు పెరిగి, గుండె ధమనులలో కొవ్వు పేరుకుపోయే ముప్పు 50% పైగా పెరుగుతుంది.
2. బెడ్పై మొబైల్ వాడకం – బ్లూ లైట్ ఎఫెక్ట్
నిద్రపోయే ముందు లైట్లు ఆపేసి, చీకట్లో గంటల కొద్దీ స్మార్ట్ఫోన్ స్క్రీన్ చూడటం ఒక పెద్ద వ్యసనంగా మారింది. మొబైల్ నుండి వచ్చే ‘బ్లూ లైట్’ మెదడులో నిద్రను కలిగించే ‘మెలటోనిన్’ హార్మోన్ ఉత్పత్తిని నిలిపివేస్తుంది.
దీనివల్ల నిద్ర సరిగ్గా పట్టకపోగా, నాడీ వ్యవస్థ నిరంతరం అప్రమత్తంగా ఉండి.. శరీరంలో ఒత్తిడి హార్మోన్ అయిన కార్టిసాల్ విడుదలవుతుంది. ఇది గుండె కొట్టుకునే వేగాన్ని పెంచి, దీర్ఘకాలంలో కార్డియాక్ అరెస్ట్లకు దారితీస్తుంది.
3. నిద్ర లేమి లేదా సరిపోని నిద్ర
నిత్యం 6 గంటల కంటే తక్కువ సమయం నిద్రపోయే వారిలో గుండె జబ్బులు వచ్చే అవకాశం చాలా ఎక్కువగా ఉంటుందని హార్వర్డ్ హెల్త్ స్టడీస్ స్పష్టం చేస్తున్నాయి.
మనం గాఢ నిద్రలో ఉన్నప్పుడు మాత్రమే మన గుండె మరియు రక్తనాళాలు తమను తాము రిపేర్ చేసుకుంటాయి. ఆ సమయంలో బీపీ హార్ట్ రేట్ సహజంగా తగ్గుతాయి. సరైన నిద్ర లేనప్పుడు గుండెకు ఆ విశ్రాంతి దొరకదు, ఫలితంగా ధమనులు గట్టిపడిపోతాయి.
4. పడుకునే ముందు కెఫిన్ లేదా ఆల్కహాల్ తీసుకోవడం
రాత్రిపూట పని చేసేవారు లేదా అలసట తగ్గించుకోవడానికి బెడ్టైమ్కు ముందు టీ, కాఫీలు తాగే అలవాటు చాలా మందికి ఉంటుంది. కెఫిన్ గుండెను విపరీతంగా ఉత్తేజపరిచి నిద్రను పాడు చేస్తుంది.
అలాగే, ఆల్కహాల్ తాగితే నిద్ర బాగా పడుతుందని కొందరు భావిస్తారు, కానీ అది కేవలం తాత్కాలికమే. ఆల్కహాల్ వల్ల రాత్రి రెండో భాగంలో నిద్రకు తీవ్రమైన భంగం కలుగుతుంది మరియు హార్ట్ రిథమ్ దెబ్బతింటుంది.
ఆరోగ్యకరమైన గుండె కోసం రాత్రి పడుకోవడానికి కనీసం 2 గంటల ముందే తేలికపాటి భోజనం పూర్తి చేయడం, నిద్రపోయే ముందే ఫోన్లను పక్కన పెట్టడం మరియు ప్రతిరోజూ 7 నుండి 8 గంటల పర్ఫెక్ట్ నిద్రను పొందడం ఎంతో అవసరమని వైద్యులు సూచిస్తున్నారు.
గమనిక: ఇది కేవలం సమాచారం మాత్రమే. పైన పేర్కొన్న వివరాలు అంతర్జాతీయ కార్డియాలజీ జర్నల్స్, ఆరోగ్య నిపుణుల నివేదికలు మరియు జీవనశైలి అధ్యయనాల ప్రాతిపదికన అందించబడ్డాయి. దీనికి సంస్థ ఎలాంటి బాధ్యత వహించదు.