Vijay Thalapathy: విజయ్‌- వంశీపైడిపల్లి సినిమా విడుదలయ్యేది అప్పుడే.. క్యాస్టింగ్‌తో పాటు రిలీజ్‌పై క్లారిటీ ఇచ్చిన మూవీ మేకర్స్‌..

Vijay and Rashmika

Vijay Thalapathy66 : ప్రముఖ కోలీవుడ్‌ హీరో దళపతి విజయ్‌ (Thalapathy Vijay)నేరుగా తెలుగులో ఓ సినిమా చేయనున్న సంగతి తెలిసిందే. విజయ్ సరసన నేషనల్ క్రష్ రష్మికా మందన్న (Rashmika Mandanna) హీరోయిన్‪గా నటిస్తోంది. వంశీ పైడిపల్లి (Vamshi Paidipally) దర్శకత్వం వహిస్తున్నాడు. శ్రీ వెంకటేశ్వర క్రియేషన్స్‌, పీవీపీ సినిమా బ్యానర్లపై దిల్ రాజు (Dil Raju), శిరీష్, పరమ్ వి పొట్లూరి, పెరల్ వి పొట్లూరి సంయుక్తంగా భారీ స్థాయిలో ఈ చిత్రాన్ని నిర్మిస్తున్నారు. కాగా ఇప్పటికే సెట్‌పైకి వెళ్లిన ఈ సినిమాకి సంబంధించిన తాజా అప్‪డేట్‪ని మేకర్స్ అధికారికంగా ప్రకటించింది చిత్రబృందం. ఈ చిత్రంలో నటించే తారాగణంతో పాటు, విడుదల విషయంలోనూ దర్శక నిర్మాతలు ఓ క్లారిటీ ఇచ్చారు.

కాగా విజయ్ 66వ చిత్రంగా తెరకెక్కుతున్న ఈ ప్రాజెక్ట్‪లో భారీ తారాగణం కనువిందు చేయనుంది. సీనియర్‌ నటీనటులు శరత్ కుమార్, ప్రభు, ప్రకాష్ రాజ్, శ్రీకాంత్, జయసుధతో పాటు కిక్‌ శ్యామ్, యోగిబాబు, సంగీత, సంయుక్త ఇతర కీలక పాత్రల్లో సందడి చేయనున్నట్లు అధికారికంగా ప్రకటించింది చిత్రబృందం. అలాగే 2023 సంక్రాంతి కానుకగా ఈ సినిమాను విడుదల చేస్తున్నట్లు చిత్రయూనిట్ ప్రకటించింది. కాగా విజయ్‌ మొదటిసారిగా తెలుగులో నేరుగా నటిస్తుండడం, దీనికి తోడు టాలీవుడ్ డైరెక్టర్‌ వంశీ పైడిపల్లి డైరెక్ట్‌ చేయడం, దిల్‌రాజు ప్రొడ్యూస్‌ చేయడంతో ఈ ప్రాజెక్టుపై భారీ అంచనాలున్నాయి. కాగా ఈ సినిమాకు మ్యూజిక్ సెన్సేషన్ ఎస్ థమన్ స్వరాలు సమకూరుస్తున్నారు. మరి భారీ తారగణం, అంచనాలతో వస్తోన్న ఈ క్రేజీ ప్రాజెక్టు ఎన్ని సంచలనాలు సృష్టిస్తుందో చూడాలి.

మరిన్ని సినిమా వార్తల కోసం క్లిక్ చేయండి..

Also Read: 

Drugs Smuggling: యువతిపై అనుమానంతో మెడికల్ టెస్టులు చేయించిన అధికారులు.. రిపోర్ట్స్ చూడగా మైండ్ బ్లాంక్!

Sri Lanka Crisis: మహీంద రాజపక్స కుటుంబాన్ని వెంటాడుతోన్న ఆందోళన కారులు.. నేవీ స్థావరంలో  తల దాచుకున్నా..

Megastar Chiranjeevi: మెగాస్టార్‌ గాడ్‌ ఫాదర్‌ రిలీజ్‌ డేట్‌ ఫిక్సయిందా? ఆరోజే రానుందంటూ జోరుగా ఊహాగానాలు..