Varun Tej: మొదటి పంచ్‌ కొట్టడానికి సిద్ధమైన ‘గని’.. వరుణ్‌ తేజ్‌ కొత్త సినిమా అప్‌డేట్ ఎప్పుడంటే..

Varun Tej: ‘ఎఫ్‌2’, ‘గద్దల కొండ గణేశ్‌’ వంటి బ్యాక్‌ టు బ్యాక్‌ హిట్‌ల తర్వాత మెగా హీరో వరుణ్‌ తేజ్‌ నటిస్తోన్న చిత్రం ‘గని’. బాక్సింగ్‌ నేపథ్యంలో తెరకెక్కుతోన్న ఈ సినిమాపై భారీగా అంచనాలున్నాయి. కిరణ్‌ కొర్రపాటి దర్శకత్వంలో తెరకెక్కుతోన్న ఈ సినిమా కోసం వరుణ్‌ తన మేకోవర్‌ను పూర్తిగా మార్చేశారు. మునుపెన్నడూ లేని విధంగా వరుణ్‌ జిమ్‌లో కఠోరమైన వ్యాయామాలతో బాడీ పెంచాడు. ఈ సినిమాలో వరుణ్‌కు జోడిగా బాలీవుడ్‌ బ్యూటీ సాయి ముంజ్రేకర్ హీరోయిన్‌గా నటిస్తుండగా.. న‌వీన్ చంద్ర, జ‌గ‌ప‌తిబాబు, సునీల్ శెట్టి, ఉపేంద్ర కీల‌క పాత్రల్లో న‌టిస్తున్నారు. న‌దియా మ‌రో ముఖ్యపాత్ర పోషిస్తున్నారు.

ఇదిలా ఉంటే ఈ సినిమా షూటింగ్‌ ఇప్పటికే పూర్తి కావాల్సి ఉండగా.. కరోనా కారణంగా వాయిదా పడుతూ వచ్చింది. అయితే తాజాగా మళ్లీ పరిస్థితులు మెరుగుపడడంతో సినిమా చిత్రీకరణ మళ్లీ ప్రారంభమైంది. ఇక ఈ సినిమా నుంచి అప్‌డేట్‌ రాక చాలా కాలం అవుతుండడంతో వరుణ్‌ ఫ్యాన్స్‌ కాస్త నిరుత్సాహంగా ఉన్నారు. అయితే అభిమానుల నిరీక్షణకు చెక్‌ పెడుతూ చిత్ర యూనిట్‌ తాజాగా సినిమా నుంచి మరో అప్‌డేట్‌ ఇచ్చేందుకు సిద్ధమైంది.

రేపు అంటే  బుధవారం ‘గని’ చిత్రానికి సంబంధించిన అప్‌డేట్ ఇవ్వనున్నట్లు ప్రకటించారు. ఈ విషయమై వరుణ్‌ ట్విట్టర్‌ వేదికగా సినిమా పోస్టర్‌ను విడుదల చేశారు. ఇందులో ‘రేపు సాయంత్రం 5:05 గంటలకు ఫస్ట్‌ పంచ్‌ వచ్చేస్తోంది’ అంటూ తెలిపారు. దీంతో వరుణ్‌ ఫ్యాన్స్‌ ఆ పంచ్‌ ఏంటా అని ఆసక్తితో ఎదురు చూస్తున్నారు. ఇక ఈ సినిమాను దీపావళి కానుకగా విడుదల చేయడానికి మేకర్స్ ప్లాన్ చేస్తున్నట్లు సమాచారం.

Also Read: Aryan Khan Arrest: షారుఖ్ కొడుకు ఆర్యన్‌పై నమోదైన చట్టాలు ఏమిటి… కేసు నిరూపణపైతే శిక్ష ఎన్నేళ్లంటే..

Bigg Boss 5 Telugu: రాజ్యానికి రాజయ్యేది ఎవరు.? ఆసక్తికరంగా బిగ్‌బాస్‌ కెప్టెన్సీ టాస్క్‌.. సిరి, షణ్ముఖ్‌ ఎందుకలా చేశారు.?

Kondapolam Pre Release Event: వైష్ణవ్ తేజ్ కొండపొలం ప్రీ రిలీజ్ ఈవెంట్ లైవ్..