Baby Movie: బాలీవుడ్‌లోకి బేబీ సినిమా.. హీరోయిన్‌గా ఎవరో తెలిస్తే అవాక్ అవ్వాల్సిందే

విజయ్ దేవరకొండ సోదరుడు ఆనంద్ దేవర కొండ హీరోగా నటించిన ఈ సినిమాలో వైష్ణవి చైతన్య హీరోయిన్ గా నటించింది. అందమైన ప్రేమకథగా తెరకెక్కిన ఈ సినిమా ప్రేక్షకులను విపరీతంగా ఆకట్టుకుంది. యవతను ఆకట్టుకునే కథతో ఈ సినిమాను తెరకెక్కించాడు సాయి రాజేష్. ఇక సోషల్ మీడియాతో విపరీతమైన ఫాలోయింగ్ సొంతం చేసుకుంది వైష్ణవి చైతన్య.

Baby

Rajeev Rayala |

Updated on: Feb 07, 2024 | 4:27 PM

కంటెంట్ బాగుంటే చాలు సినిమాలు ఎంత పెద్ద హిట్ అవుతాయో ప్రత్యేకంగా చెప్పాల్సిన అవసరం లేదు. అలాంటి సినిమాల్లో బేబి సినిమా ఒకటి. సాయి రాజేష్ దర్శకత్వంలో వచ్చిన ఈ సినిమా సూపర్ హిట్ గా నిలిచింది. విజయ్ దేవరకొండ సోదరుడు ఆనంద్ దేవర కొండ హీరోగా నటించిన ఈ సినిమాలో వైష్ణవి చైతన్య హీరోయిన్ గా నటించింది. అందమైన ప్రేమకథగా తెరకెక్కిన ఈ సినిమా ప్రేక్షకులను విపరీతంగా ఆకట్టుకుంది. యవతను ఆకట్టుకునే కథతో ఈ సినిమాను తెరకెక్కించాడు సాయి రాజేష్. ఇక సోషల్ మీడియాతో విపరీతమైన ఫాలోయింగ్ సొంతం చేసుకుంది వైష్ణవి చైతన్య. తన నటనతో ఈ సినిమాలో మంచి మార్కులు కొట్టేసింది.

ఇక ఈ సినిమా థియేటర్స్ లోనే కాదు ఓటీటీలోనూ సూపర్ హిట్ గా నిలిచింది బేబీ సినిమా ఇక ఇప్పుడు ఈ సినిమాను బాలీవుడ్ లో రీమేక్ చేయనున్నారు. అయితే బాలీవుడ్ లోనూ సాయి రాజేశే దర్శకత్వం వహిస్తున్నారని తెలుస్తోంది. ఎలాంటి మార్పులు చేర్పులు లేకుండా అదే కథను హిందీలోనూ తెరకెక్కించనున్నారు సాయి రాజేష్. అంతే కాదు ఈ సినిమాకు ‘కల్ట్‌ బొమ్మ’ అనే టైటిల్ ను కూడా పరిశీలిస్తున్నారట.

బేబీ మూవీ నిర్మాత ఎస్‌కేఎన్‌ ఈ సినిమాను హిందీలోనూ నిర్మిస్తున్నారు. అర్జున్ రెడ్డి రీమేక్ గా వచ్చిన కబీర్ సింగ్ సినిమా ఎంత పెద్ద విజయం సాధించిందో ఇప్పుడు బేబీ రీమేక్ కూడా అంతే రేంజ్ లో హిట్ అవుతుందని తెలిపారు ఎస్‌కేఎన్‌. ఇక బేబీ మూవీ రీమేక్ లో హీరోయిన్ గా స్టార్ కిడ్ నటిస్తుందని తెలుస్తోంది. వైష్ణవి చైతన్య పాత్రలో శ్రీదేవి చిన్న కూతురు ఖుషి కపూర్ నటిస్తుందని తెలుస్తోంది. బోనీ కపూర్‌ కానీ, కరణ్‌ జోహార్‌ కానీ ఈ సినిమా నిర్మాణంలో భాగమయ్యే అవకాశం ఉందని తెలుస్తోంది. త్వరలోనే దీని పై క్లారిటీ రానుంది.