Vijay Deverakonda: సినిమాల్లోకి రాకముందు విజయ్ నటించిన సీరియల్ ఏదో తెలుసా? .. వైరలవుతున్న ఓల్డ్ వీడియో..

Vijay Deverakonda

అర్జున్ రెడ్డి సినిమాతో యూత్‏లో క్రేజ్ సొంతం చేసుకున్నాడు హీరో విజయ్ దేవరకొండ (Vijay Deverakonda). ఆ తర్వాత గీతగోవిందం, డియర్ కామ్రెడ్ చిత్రాలతో సూపర్ హిట్స్ అందుకున్నాడు. ఈ సినిమాల తర్వాత అభిమానులకు రౌడీగా మారిపోయాడు విజయ్. ప్రస్తుతం ఈ హీరో లైగర్ (Liger) ప్రమోషన్లలో బిజీగా ఉన్నాడు. డైరెక్టర్ పూరి జగన్నాథ్ రూపొందించిన ఈ సినిమాపై అంచనాలు భారీగానే ఉన్నాయి. ఇటీవల విడుదలైన ట్రైలర్‏తో పూరి మరోసారి తన మార్క్ చూపించడంతో లైగర్ చిత్రం కోసం అభిమానులు ఆసక్తిగా ఎదురుచూస్తున్నారు. బాలీవుడ్ భామ అనన్య పాండే, రమ్యకృష్ణ, మైక్ టైసన్ కీలకపాత్రలలో నటిస్తోన్న ఈ సినిమా ఆగస్ట్ 25న పాన్ ఇండియా లెవల్లో విడుదల కానుంది. ఈ క్రమంలో తాజాగా సోషల్ మీడియాలో విజయ్ చిన్ననాటి జ్ఞాపకం ఒకటి వైరల్ అవుతుంది.

విజయ్ సినిమాల్లోకి అరంగేట్రం చేయకముందే చైల్డ్ ఆర్టిస్ట్‏గా స్క్రీన్ పై మెరిశాడు. బాలనటుడిగా కెరీర్ ఆరంభించి మెప్పించాడు విజయ్. సత్యసాయి బాబా గురించి తెలుగు సీరియల్‏లో నటించాడు విజయ్. ఇందుకు సంబంధించిన ఓల్డ్ వీడియో ఇప్పుడు సోషల్ మీడియాలో తెగ వైరల్ అవుతుంది. తన పాఠశాల విద్యను ఆంధ్రప్రదేశ్‏లోని పుట్టపర్తిలోని సత్యసాయి హయ్యర్ సెకండరీ స్కూల్‏లో చదివాడు. అక్కడ చదువుతున్న సమయంలోనే సత్యసాయి బాబా జీవిత చరిత్రను తెలిపుతూ రూపొందించిన సీరియల్లో విజయ్ నటించాడు. ఈ వీడియోను రౌడీ స్వయంగా తన ట్విట్టర్ ఖాతాలో షేర్ చేశాడు. ప్రస్తుతం విజయ్.. శివ నిర్వాణ దర్శకత్వంలో ఖుషి సినిమా చేస్తున్నాడు. ఇందులో సమంత కథానాయికగా నటిస్తోంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.