చెప్పిన కథ ఒకటి.. తీసిన సినిమా మరొకటి.. అందుకే ఆ సినిమా ఫ్లాప్ అయ్యింది
సీనియర్ ఎడిటర్ మార్తాండ్ కె వెంకటేష్ సినిమా విజయాలను అంచనా వేసే తన 90 శాంతి కచ్చితత్వాన్ని పంచుకున్నారు. శక్తి వంటి సినిమాలకు మారిన కథ, ఎడిటర్ల ప్రాముఖ్యత, గుర్తింపు లేకపోవడంపై ఆవేదన వ్యక్తం చేశారు. ఇడియట్, బొమ్మరిల్లు, ఫిదా వంటి చిత్రాలతో తన వ్యక్తిగత అనుబంధాన్ని వివరిస్తూ, సురేష్ ప్రొడక్షన్స్ తన ఎదుగుదలకు ఎలా తోడ్పడిందో వెల్లడించారు.
తెలుగు సినీ పరిశ్రమలో ప్రముఖ ఎడిటర్ మార్తాండ్ కె వెంకటేష్, ఒక యూట్యూబ్ ఛానెల్ ఇంటర్వ్యూలో తన సినీ అనుభవం, సినిమా అంచనాలు, ఎడిటర్ల పాత్ర, పరిశ్రమలోని గుర్తింపు లేమి వంటి అనేక అంశాలపై విలువైన ఆసక్తికర విషయాలను పంచుకున్నారు. సినిమా ప్రస్థానంలో, ఆయన సినిమాల భవిష్యత్తును దాదాపు 90 శాతం కచ్చితత్వంతో ముందే అంచనా వేయగలనని ధైర్యంగా పేర్కొన్నారు. ఒక చిత్రం విజయం సాధిస్తే, దానిని ఆనందిస్తామని, ఒకవేళ అది విఫలమైతే, అది ఎందుకు జరిగిందో విశ్లేషించుకుంటామని వివరించారు. ఈ ప్రక్రియలో దర్శకులు మరియు నిర్మాణ బృందంతో కలిసి కూర్చొని, లోపాలను చర్చించుకుంటామని తెలిపారు.
Aditi Myakal : మేడమ్ సార్ మేడమ్ అంతే..! మెంటలెక్కిస్తున్న అర్జున్ రెడ్డి భామ
ఎన్టీఆర్ శక్తి చిత్రం విషయంలో, నిర్మాణ సమయంలో చెప్పిన కథకు, విడుదలైన చిత్రంలోని కథకు మధ్య తేడాలున్నాయని, ఇది సినిమా ఫలితంపై ప్రభావం చూపిందని వెంకటేష్ గుర్తు చేసుకున్నారు. ఇలాంటి మార్పులు కొన్నిసార్లు అంచనాలు తప్పు కావడానికి కారణమవుతాయని ఆయన అభిప్రాయపడ్డారు. 14 ప్రధాన విభాగాల్లో, నటీనటులు, దర్శకులు, సంగీత దర్శకులకు మాత్రమే ప్రాధాన్యత లభిస్తుందని, మిగతా వారిని గుర్తించరని ఆయన అన్నారు. ఆడియో ఫంక్షన్ల వంటివి సంగీత దర్శకులకు మాత్రమే జరుగుతాయని, కెమెరామెన్ను కొద్దిగా ప్రస్తావించినా, ఇతర టెక్నీషియన్లను అసలు పట్టించుకోరని చెప్పారు. ఈ కారణంగానే తాను సినిమా ఫంక్షన్లకు వెళ్లనని, అక్కడ తమకు సరైన గౌరవం లభించదని ఆయన వివరించారు. ఎడిటింగ్ రూమ్లో తాము సినిమాకు ఎంతగా సహాయం చేశామో నిర్మాతలకు, దర్శకులకు తెలుస్తుందని, అదే అసలైన గుర్తింపు అని ఆయన అన్నారు.
ఒకే ఒక్క సినిమా.. విపరీతమైన క్రేజ్ తెచ్చిపెట్టింది.. కట్ చేస్తే సోషల్ మీడియాను షేక్ చేస్తుంది
తనకు వ్యక్తిగతంగా నచ్చిన, ప్రభావితం చేసిన చిత్రాలను కూడా మార్తాండ్ కె వెంకటేష్ పంచుకున్నారు. పూరి జగన్నాథ్ “ఇడియట్” లోని ధైర్యమైన క్యారెక్టరైజేషన్, “బొమ్మరిల్లు” లో తండ్రి-కొడుకుల బంధం, “పరుగు” లో తండ్రి బాధ, “ఆనంద్”, “గోదావరి” వంటి చిత్రాల్లోని సహజత్వం, “హ్యాపీ డేస్” లోని కాలేజ్ జీవితం, “ఫిదా” లో తండ్రి-కూతురు సంబంధం, “గీత గోవిందం” లోని హీరోయిన్ ఏడుపు తనను ఎంతగానో ఆకట్టుకున్నాయని తెలిపారు. వ్యక్తిగతంగా కనెక్ట్ అయిన చిత్రాలు పెద్ద విజయం సాధిస్తాయని ఆయన బలమైన నమ్మకాన్ని వ్యక్తం చేశారు.
అప్పుడు తెలుగులో క్రేజీ హీరోయిన్.. కట్ చేస్తే మాజీ సీఎం భార్య.. ఇద్దరి మధ్య 27ఏళ్ల ఏజ్ గ్యాప్
మరిన్ని సినిమా వార్తల కోసం ఇక్కడ క్లిక్ చేయండి.