Vettaiyan The Hunter: రజినీకాంత్ ‘వెట్టైయాన్’ ట్రైలర్ అదిరిందిగా.. అమితాబ్, రానా మరింత స్పెషల్..

Vettaiyan Trailer

సూపర్ స్టార్ రజినీకాంత్ ప్రధాన పాత్రలో నటిస్తోన్న లేటేస్ట్ చిత్రం ‘వెట్టైయాన్. ది హంటర్’. జైభీమ్ డైరెక్టర్ టీజీ జ్ఞానవేల్ దర్శకత్వం వహిస్తున్న ఈ చిత్రాన్ని భారీ బడ్జెట్‏తో ప్రముఖ నిర్మాణ సంస్థ లైకా ప్రొడక్షన్స్ బ్యానర్ పై నిర్మిస్తున్నారు. ఇప్పటికే ఈ సినిమా నుంచి విడుదలైన పోస్టర్స్, టీజర్ ఆకట్టుకున్నాయి. అలాగే ఇటీవలే విడుదలైన ‘మనసియాలో’ సాంగ్ యూట్యూబ్‏లో సెన్సెషన్ సృష్టిస్తుంది. ఇప్పటివరకు ఈ సాంగ్ సోషల్ మీడియాలో సంచలనంగా మారింది. ఇందులోని స్టెప్స్, రజినీ, మంజు వారియర్ లుక్స్ తలైవా అభిమానులను ఆకట్టుకుంటున్నాయి. జైలర్ సూపర్ హిట్ తర్వాత రజినీ నటిస్తోన్న ఈ మూవీ పై ఇప్పటికే ఓ రేంజ్ హైప్ నెలకొంది. అలాగే ఈ చిత్రంలో అమితాబ్ కీలకపాత్రలో నటిస్తుండడంతో ఈ మూవీని ఎప్పుడెప్పుడూ చూద్ధామా అని ఎంతో ఆసక్తిగా వెయిట్ చేస్తున్నారు మూవీ లవర్స్. తాజాగా వేట్టైయాన్ ట్రైలర్ రిలీజ్ చేశారు మేకర్స్.

కాసేపటి క్రితం విడుదలైన ట్రైలర్ ఆద్యంత ఆకట్టుకుంటుంది. ఈ చిత్రంలో రజినీ పవర్ ఫుల్ పోలీస్ ఆఫీసర్ పాత్రలో నటిస్తున్నట్లు తెలుస్తోంది. అలాగే ఈ చిత్రంలో అమితాబ్ బచ్చన్, రానా దగ్గుబాటి కీలకపాత్రలు పోషిస్తున్నారు. వీరి ముగ్గురి మధ్య రాబోయే సీన్స్ కోసం ఫ్యాన్స్ ఎదురుచూస్తున్నారు. ఇప్పటికే షూటింగ్ పూర్తి చేసుకున్న ఈ సినిమాను దసరా పండగ సందర్భంగా అక్టోబర్ 10 ప్రపంచవ్యాప్తంగా థియేటర్లలో విడుదల చేయనున్నారు. ఈ చిత్రానికి అనిరుధ్ రవిచందర్ సంగీతం అందించాడు.

ఈ దేశంలో ఆడ‌పిల్ల‌ల‌కు భ‌ద్ర‌త లేదు. కానీ, పోరంబోకుల‌కు బాగా భ‌ద్ర‌త ఉంది. ఇలాంటి మ‌గ మృగాల‌ను ఎన్‌కౌంట‌ర్‌లో చంపేయాలి` అని ట్రైల‌ర్‌లో వినిపించే డైలాగుల‌తో అక్క‌డ జ‌రిగిన విష‌యమేంటో స‌గ‌టు ప్రేక్ష‌కుడికి ఇట్టే అర్థ‌మైపోతుంది. `నేర‌స్తుడిని వెంట‌నే ప‌ట్టుకోవాలి. అందుకు ఏ యాక్ష‌న్ అయినా తీసుకోండి.. ఇట్ వాజ్ ఎ బ్రూట‌ల్ మ‌ర్డ‌ర్ సార్.. ఇదే క్రిమిన‌ల్ ఐడెంటిటీ అని ఏదీ ఐసోలేట్ చేసి చెప్ప‌లేక‌పోతున్నాం సార్‌.. మీరు లా అండ్ ఆర్డ‌ర్ మెయింటెయిన్ చేయ‌లేక‌పోతే అంద‌రూ రిజైన్ చేసి వెళ్లిపోండ‌య్యా..`.. ఈ డైలాగుల‌న్నీపోలీస్ డిపార్టుమెంట్‌లో ర‌క‌ర‌కాల సంద‌ర్భాల‌ను క‌ళ్ల‌కు క‌డ‌తాయి.

ఈ చిత్రంలో ఫహాద్ ఫాజిల్, రితికా సింగ్, మంజు వారియర్, దుషారా విజయన్ ముఖ్య పాత్రలలో నటించారు. తాజాగా విడుదలైన వెట్టైయాన్ ట్రైలర్ ఆకట్టుకుంటుంది. ఈ సినిమాతోపాటు డైరెక్టర్ లోకేష్ కనగరాజ్ దర్శకత్వంలో కూలీ చిత్రంలో నటిస్తున్నాడు. కొన్నిరోజులుగా ఈ మూవీ షూటింగ్ చిత్రీకరణ జరుగుతుంది.

‘వెట్టైయాన్’ ట్రైలర్..

మరిన్ని సినిమా వార్తల కోసం ఇక్కడ క్లిక్ చేయండి.