Bubblegum Movie: అప్పుడే ఓటీటీలోకి వచ్చేస్తోన్న ‘బబుల్ గమ్’.. ఎప్పుడు ఎక్కడ స్ట్రీమింగ్ కానుందో తెలుసా ?..

Bubblegum Movie

యాంకర్ సుమ తనయుడు రోషన్ కనకాల హీరోగా బబుల్ గమ్ సినిమాతో తెరంగేట్రం చేసిన సంగతి తెలిసిందే. యూత్‏ఫుల్ రొమాంటిక్ డ్రామాగా వచ్చిన ఈ సినిమా థియేటర్లలో పర్వాలేదనిపించింది. కమర్షియల్ హిట్ కాకపోయినా రోషన్ కనకాల నటనకు మంచి మార్కులే పడ్డాయి. ఇందులో రోషన్ సరసన మానస చౌదరి కథానాయికగా నటించింది. విడుదలకు ముందే టీజర్, ట్రైలర్ తో క్యూరియాసిటిని పెంచేసిన ఈ చిత్రం థియేటర్లలో పాజిటివ్ రెస్పాన్స్ అందుకుంది. ఇక ఇందులో హీరో రోషన్, మానస నటన ప్రేక్షకులను ఆకట్టుకుంది. డైరెక్టర్ రవికాంత్ పేరుపు దర్శకత్వం వహించిన ఈ మూవీని పీపుల్ మీడియా ఫ్యాక్టరీ సహకారంతో మహేశ్వరి మూవీస్ ఈ సినిమాను నిర్మించింది. ఈ చిత్రానికి శ్రీచరణ్ పాకాల సంగీతం అందించారు. ఇందులో హర్ష చెముడు, కిరణ్ జి, అనన్య ఆకుల, హర్షవర్దన్, అను హాసన్, జైరామ్ ఈశ్వర్, బిందు చంద్రమౌళి కీలకపాత్రలు పోషించారు.

థియేటర్లలో పర్వాలేదనిపించుకున్న ఈ సినిమా ఇప్పుడు ఓటీటీలోకి రాబోతుంది. ప్రస్తుతం ఫిల్మ్ వర్గాల్లో వినిపిస్తున్న సమాచారం ప్రకారం ఈ సినిమా ప్రముఖ ఓటీటీ ప్లాట్ ఫాం డిస్నీ ప్లస్ హాట్ స్టార్ లో త్వరలోనే స్ట్రీమింగ్ కాబోతుందంటూ ప్రచారం నడుస్తోంది. ఇందుకు సంబంధించిన అధికారిక ప్రకటన త్వరలోనే రానుందని.. మరో పది రోజుల్లోపే ఈ మూవీ ఓటీటీలోకి వస్తుందని అంటున్నారు. అయితే దీనిపై ఇప్పటివరకు ఎలాంటి క్లారిటీ మాత్రం రాలేదు.

డైరెక్టర్ రవికాంత్ పేరుపు తెరకెక్కించిన ఈ యూత్ ఫుల్ రొమాంటిక్ చిత్రం గతేడాది డిసెంబర్ 29న రిలీజ్ అయ్యింది. ఈ మూవీ విడుదలై కేవలం పది రోజులు మాత్రమే అవుతుంది. అప్పుడే ఓటీటీలో స్ట్రీమింగ్ కాబోతుందని ప్రచారం నడుస్తుంది. కమర్షియల్ హిట్ కాకపోయిన.. తన నటనతో తెలుగు ప్రేక్షకులను ఆకట్టుకున్నాడు రోషన్. ఇక థియేటర్లలో పర్వాలేదనిపించుకున్న ఈ సినిమా ఇప్పుడు ఓటీటీలో ఎలాంటి రెస్పాన్స్ అందుకుంటుందో చూడాలి.

మరిన్ని సినిమా వార్తల కోసం ఇక్కడ క్లిక్ చేయండి.