ఒకేరోజు విడుదలకు సిద్దమైన ది ప్యారడైజ్, ఇరుముడి.. ఆ హీరో సినిమా వాయిదా తప్పదా.?

ఈ సమ్మర్ లో పెద్దగా బడా సినిమాల సందడి కనిపించలేదు. సంక్రాంతి నాలుగు, ఐదు సినిమాలు విడుదలై సందడి చేశాయి. కానీ సమ్మర్ లో మాత్రం పెద్దగా సినిమాలు విడుదలవ్వలేదు.. ఈ నెలలో విడుదలైన ఏకంగా పెద్ద సినిమా పెద్ది. బుచ్చిబాబు దర్శకత్వంలో వచ్చిన పెద్ది సినిమా బ్లాక్ బస్టర్ టాక్ సొంతం చేసుకుంది. అలాగే భారీ కలెక్షన్స్ వసూల్ చేసుకుంటూ రాణిస్తుంది పెద్ది సినిమా ఇక ఇప్పుడు రెండు బడా సినిమాలు ఒకేసారి థియేటర్స్ లో విడుదల కానున్నాయి. ఈ రెండు సినిమాల పై ఇప్పటికే భారీ అంచనాలు నెలకొన్నాయి. ఆగస్టు నెలలో విడుదల కానున్న బడా సినిమాలు మరేవో కాదు. నాని ది ప్యారడైజ్, అలాగే రవితేజ హీరోగా నటించిన ఇరుముడి సినిమా.

నేచురల్ స్టార్ నాని నటిస్తున్న నయా మూవీ ది ప్యారడైజ్. రీసెంట్ డేస్ లో నాని వరుసగా హిట్స్ అందుకుంటూ దూసుకుపోతున్నాడు. దసరా సినిమా దగ్గర నుంచి వరుసగా హాయ్ నాన్న, సరిపోదా శనివారం, హిట్ 3 సినిమాలతో హిట్స్ అందుకుంటున్నాడు నాని. ఇక ఇప్పుడు దసరా దర్శకుడు శ్రీకాంత్ ఓదెల దర్శకత్వంలో మరో మాస్ సినిమా చేస్తున్నాడు అదే ది ప్యారడైజ్. ఇప్పటికే ఈ సినిమా నుంచి విడుదలైన ఆయా షేర్ సాంగ్ భారీ హిట్ అయ్యింది. ఈ సినిమా ఆగస్టులో విడుదల చేయనున్నారు. ఆగస్టు 21న సినిమా రిలీజ్ చేయాలని ప్లాన్ చేస్తున్నారు.

ఇక రవితేజ నటిస్తున్న ఇరుముడి సినిమా కూడా అదే తేదీన విడుదల చేయనున్నారు. శివ నిర్వాణ దర్శకత్వంలో రవితేజ నటిస్తున్న సినిమా ఇరుముడి. ఇంటెన్స్ ఎమోషనల్ డ్రామాగా ఈ సినిమాను తెరకెక్కిస్తున్నాడు దర్శకుడు శివ నిర్వాణ. ఈ సినిమాలో రవితేజ గతంలో ఎన్నడూ చేయని పాత్రలో కనిపించనున్నాడు. ఈ సినిమా నుంచి విడుదలైన టీజర్ ప్రేక్షకులను విశేషంగా ఆకట్టుకుంది. ఇక ఇప్పుడు ప్యారడైజ్, ఇరుముడి సినిమాలు రెండు ఒకే రోజు బరిలోకి దిగనున్నాయి. అయితే ఈ భారీ క్లాష్ నేపథ్యంలో నాని సినిమా పోస్టుపోన్ అయ్యే ఛాన్స్ ఉందని టాక్ వినిపిస్తుంది. త్వరలోనే దీని పై క్లారిటీ వస్తుందేమో చూడాలి.

మరిన్ని సినిమా వార్తల కోసం ఇక్కడ క్లిక్ చేయండి