Ram Charan: ఇండియన్ 2, RC15పై శంకర్ ఇంట్రెస్టింగ్ పోస్ట్.. ఆసక్తికర రిప్లై ఇచ్చిన రామ్ చరణ్..

Ram Charan

ప్రస్తుతం మెగా పవర్ స్టార్ రామ్ చరణ్ (Ram Charan) సక్సెస్ ఫుల్ డైరెక్టర్ శంకర్ దర్శకత్వంలో ఓ సినిమా చేస్తున్న సంగతి తెలిసిందే. ఆర్సీ 15 అనే వర్కింగ్ టైటిల్‏తో తెరకెక్కుతున్న ఈ మూవీ పొలిటికల్ నేపథ్యంలో ఉండనున్నట్లుగా సమాచారం. ఇందులో చెర్రీ సరికొత్త లుక్‏లో కనిపించనున్నట్లుగా టాక్ వినిపిస్తోంది. ఎన్నో అంచనాల మధ్య తెరకెక్కుతున్న ఈ మూవీలో బాలీవుడ్ బ్యూటీ కియారా అద్వానీ, శ్రీకాంత్ కీలకపాత్రలలో కనిపించనున్నారు. అయితే ఈ సినిమా కంటే ముందు శంకర్.. కమల్ హాసన్ ప్రధాన పాత్రలో ఇండియన్ 2 తెరకెక్కించాల్సి ఉంది. షూటింగ్ సెట్‎లో ప్రమాదం జరగడంతో వాయిదా పడిన ఈ మూవీని బుధవారం పూజా కార్యక్రమాలతో తిరిగి ప్రారంభించారు. ఈ విషయాన్ని తెలియజేస్తూ డైరెక్టర్ శంకర్ తన ట్విట్టర్ వేదికగా చెర్రీ ఫ్యాన్స్ కు స్పెషల్ అప్డేట్ ఇచ్చిన సంగతి తెలిసిందే.

ప్రస్తుతం తాను ఇండియన్ 2, ఆర్సీ 15 రెండు చిత్రాలను తెరకెక్కిస్తున్నాని. ఈ సినిమాలు ఒకేసారి షూటింగ్ జరుపుకుంటున్నాయని తెలిపారు. అలాగే ఆర్సీ 15 తదుపరి షెడ్యూల్ సెప్టెంబర్ మొదటి వారంలో హైదరాబాద్, విశాఖపట్నంలో ప్రారంభం కానున్నట్లు తెలిపారు. తాజాగా శంకర్ ట్వీట్ కు రిప్లై ఇస్తూ ఆసక్తికర కామెంట్స్ చేశారు చరణ్. ఆర్సీ 15 సెట్లో మిమ్మల్ని కలిసేందుకు ఎదురుచూస్తున్నట్లు పేర్కొన్నారు. అంతేకాకుండా ఇండియన్ 2 సినిమా మళ్లీ ప్రారంభమైనందుకు ఎగ్జైట్ గా ఉన్నట్లు తెలిపారు. చరణ్ చేసిన ట్వీట్ ఇప్పుడు నెట్టింట వైరలవుతుంది.

ట్వీట్..

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.