Pushpa 2: కిస్సిక్ సాంగ్ వచ్చేది అప్పుడే.. బన్నీతో శ్రీలీల రచ్చ మాములుగా ఉండదుగా..
పాన్ ఇండియా మూవీ లవర్స్ ఎప్పుడెప్పుడా అని ఆసక్తిగా ఎదురుచూస్తున్న సినిమా పుష్ప 2. ఐకాన్ స్టార్ అల్లు అర్జున్, డైరెక్టర్ సుకుమార్ కాంబోలో రాబోతున్న ఈ ప్రాజెక్ట్ పై ఇప్పటికే భారీ హైప్ నెలకొంది. ఇందులో రష్మిక మందన్నా, ఫహద్ ఫాజిల్ కీలకపాత్రలు పోషిస్తుండగా.. కిస్సిక్ అనే స్పెషల్ సాంగ్ చేయనుంది హీరోయిన్ శ్రీలీల.
ప్రస్తుతం ఎక్కడ చూసిన పుష్ప 2 క్రేజ్ కనిపిస్తుంది. డైరెక్టర్ సుకుమార్ దర్శకత్వంలో రూపొందించిన ఈ సినిమా డిసెంబర్ 5న ప్రపంచవ్యాప్తంగా విడుదల కానుంది. ఈ క్రమంలోనే ఈ మూవీ ప్రమోషన్స్ మరింత వేగవంతం చేసింది చిత్రయూనిట్. ఇప్పటికే బీహార్ లోని పాట్నాలో జరిగిన ట్రైలర్ లాంచ్ ఈవెంట్ ఏరేంజ్ లో సక్సెస్ అయ్యిందో చెప్పక్కర్లేదు. దాదాపు 2 లక్షలకు పైగా ఈ ఈవెంట్లో పాల్గొన్నారు. ఇక ట్రైలర్ తోనే ఈ మూవీపై మరింత హైప్ క్రియేట్ అయ్యింది. ఇందులో ఐకాన్ స్టార్ అల్లు అర్జున్, రష్మిక మందన్నా, ఫహద్ ఫాజిల్ చేయబోయే మాస్ జాతర చూసేందుకు అడియన్స్ ఎంతో ఆసక్తిగా వెయిట్ చేస్తున్నారు. ఇప్పుడు అందరి దృష్టి పుష్ప 2లోని స్పెషల్ సాంగ్ పైనే పడింది. ఇందులో వచ్చే కిస్సిక్ అనే స్పెషల్ పాటలో శ్రీలీల నటించింది.
గతంలో పుష్ప ది రైజ్ చిత్రం ఊ అంటావా మావ ఊహు అంటావా అంటూ ప్రత్యేక పాటలో దుమ్మురేపింది హీరోయిన్ సమంత. దీంతో ఇప్పుడు కిస్సిక్ స్పెషల్ సాంగ్ లో శ్రీలీల ఎలాంటి మ్యాజిక్ చేయనుందో చూసేందుకు అడియన్స్ ఎదురుచూస్తున్నారు. అయితే ఫిల్మ్ వర్గాల్లో వినిపిస్తున్న టాక్ ప్రకారం ఈ పాటలో బన్నీతో కలిసి శ్రీలీల దుమ్మురేపిందని అంటున్నారు. అలాగే దేవి శ్రీ ప్రసాద్ ఇప్పటివరకు ఇచ్చిన స్పెషల్ సాంగ్స్ లో ఇదే ది బెస్ట్ అంటూ ప్రశంసలు కురిపిస్తున్నారు. తాజాగా వినిపిస్తున్న సమాచారం ప్రకారం ఈ పాటను ఈనెల 23న విడుదల చేయాలని ప్లాన్ చేస్తున్నారట మేకర్స్. అలాగే ఈనెల 24న చెన్నైలోని భారీ ఈవెంట్ నిర్వహించనున్నట్లు చిత్రయూనిట్ ప్రకటించింది. ఈ ఈవెంట్ కంటే ముందే కిస్సిక్ అంటూ సాగే స్పెషల్ పాటను విడుదల చేయాలని భావిస్తుందట మూవీ టీం.
ఈ విషయంపై త్వరలోనే అధికారిక ప్రకటన రానుందని ప్రచారం నడుస్తుంది. పుష్ప 2 ఫైర్ కాదు.. వైల్డ్ ఫైర్ అంటూ ట్రైలర్ తో అంచనాలు పెంచేసింది చిత్రయూనిట్. ఇక ఇప్పుడు కిస్సిక్ సాంగ్ అంటే మాస్ కాదు.. వైల్డ్ మాస్ అన్నట్లుగా ఉండబోతుందట. ఇందులో బన్నీ, శ్రీలీల ఊర మాస్ స్టెప్పులతో రచ్చ చేయనున్నారని సమాచారం. పుష్ప 2పై యావత్ ప్రపంచవ్యాప్తంగా భారీ హైప్ నెలకొంది. ఇప్పటికే అమెరికాలో ప్రీ బుకింగ్స్ సేల్స్ లో రికార్డ్స్ సృష్టిస్తుంది ఈ మూవీ. త్వరలోనే తెలుగు రాష్ట్రాల్లో ఫస్ట్ డే ఫస్ట్ షో టికెట్స్ వేయనున్నారనే ప్రచారం కూడా జరుగుతుంది.
ఇది చదవండి : Tollywood: వార్నీ.. ఏందీ బాసూ ఈ అరాచకం.. పద్దతిగా ఉందనుకుంటే గ్లామర్ ఫోజులతో హీటెక్కిస్తోందిగా..
Tollywood: ఇరవై ఏళ్లపాటు స్టార్ హీరోయిన్.. బాత్రూమ్ గోడలో రూ.12 లక్షలు దొరకడంతో కెరీర్ నాశనం..
Chandamama: దొరికిందోచ్.. టాలీవుడ్కు మరో చందమామ.. ఈ హీరోయిన్ కూతురిని చూశారా.. ?
మరిన్ని సినిమా వార్తల కోసం ఇక్కడ క్లిక్ చేయండి.