Tillu Square: టిల్లు స్క్వేర్ సినిమా చూస్తూ ఈ పెద్దాయన చేసిన పని చూస్తే.. నెట్టింట వీడియో వైరల్..

Tillu Square, Anupama

ఉరుకుల పరుగుల జీవితానికి కాసేపు ఉపశమనం కలిగించేది సినిమా. దాదాపు రెండు గంటలు ప్రేక్షకులను థియేటర్లలో కూర్చొబెట్టి కడుపుబ్బా నవ్వించడమంటే చిన్న విషయం కాదు. జీవితంలోని కష్టాలు, బాధలు మర్చిపోయి.. ప్రపంచంతో సంబంధం లేకుండా హాయిగా ఉండాలంటే ఓ మంచి సినిమా చూడాల్సిందే. హారర్ కంటెంట్.. సస్పెన్స్ థ్రిల్లర్ మూవీస్ కాకుండా.. మనసుకు ఉత్సాహన్ని కలిగించే కామెడీ ఎంటర్టైనర్స్ చూసేందుకు జనాలు ఎక్కువగా ఆసక్తి చూపిస్తుంటారు. ఇప్పుడు థియేటర్లలో సక్సెస్‏ఫుల్ గా రన్ అవుతున్న టిల్లు స్క్వేర్ సినిమా కూడా అలాంటిదే. ఉద్యోగం, ఫ్యామిలీ టెన్షన్స్ అన్ని మరిచి.. యూత్‏తో కలిసి ఎంజాయ్ చేయాలంటే ఈ సినిమా చూడాల్సిందే అంటున్నారు మూవీ లవర్స్. రొమాంటిక్ కామెడీ ఎంటర్టైనర్ గా వచ్చిన ఈ సినిమాకు ప్రేక్షకులు బ్రహ్మారథం పట్టారు. ఈ మూవీలో టిల్లు పంచులకు.. యాక్టింగ్ చూసి ఖుషి అవుతున్నారు.

తాజాగా టిల్లు స్క్వేర్ సినిమా చూస్తూ ఓ పెద్దాయన తెగ సిగ్గు పడిపోయాడు. వయసును మర్చిపోయి కుర్రాళ్లతో కలిసి ఈ మూవీ చూస్తూ ఫుల్ ఎంజాయ్ చేసాడు. ప్రస్తుతం ఇందుకు సంబంధించిన వీడియో నెట్టింట వైరలవుతుంది. ఆ వీడియో.. కుర్రాళ్లతో కలిసి టిల్లు స్క్వేర్ సినిమా చూసేందుకు వచ్చిన ఓ పెద్దాయన.. మూవీలో అనుపమ, సిద్ధూ జొన్నలగడ్డ మధ్య వచ్చే ఓ రొమాంటిక్ సన్నివేశం ప్లే అవుతుంది. సరిగ్గా అప్పుడే అనుపమ ఇచ్చిన ఎక్స్ ప్రెషన్ చూసి కుర్రాడిలా మారిపోయాడు. ఆ రొమాంటిక్ సీన్ చూసి సిగ్గుపడుతూ ముసిముసి నవ్వులు నవ్వుకున్నాడు. అతడి పక్కన ఉన్న కుర్రాళ్లు పెద్దాయన ఎక్స్ ప్రెషన్స్ వీడియో తీసి నెట్టింట షేర్ చేయగా తెగ వైరలవుతుంది. ఆ వీడియోకు నెటిజన్స్ క్రేజీగా కామెంట్స్ చేస్తున్నారు.

డైరెక్టర్ మల్లిక్ రామ్ దర్శకత్వం వహించిన ఈసినిమాకు అన్ని వర్గాల అడియన్స్ నుంచి మంచి రెస్పాన్స్ వస్తుంది. మొదటి రోజు రూ. 23 కోట్లు రాబట్టిన ఈ చిత్రం.. నిన్న ఒక్కరోజే రూ. 21 కోట్లకు పైగా కలెక్షన్స్ రాబట్టింది. మొత్తం రెండు రోజుల్లో రూ. 45 కోట్లకుపైగా వసూళ్లు రాబట్టి.. విజయవంతంగా దూసుకుపోతుంది.

మరిన్ని సినిమా వార్తల కోసం ఇక్కడ క్లిక్ చేయండి.