Naga Chaitanya : నాగచైతన్యకు ఉత్తమ నటుడిగా మరో అవార్డ్.. ఉత్తమ నటిగా రష్మిక.. విజేతలు వీరే..

Naga Chaitanya, Rashmika Ma

టాలీవుడ్ యువసామ్రాట్ నాగచైతన్య గురించి ప్రత్యేకంగా చెప్పక్కర్లేదు. ఇటీవలే తండేల్ సినిమాతో బ్లాక్ బస్టర్ హిట్ అందుకున్న చైతూ.. ఇప్పుడు వరుస అవార్డులు అందుకుంటున్నారు. ఇటీవలే తెలంగాణ ప్రభుత్వం ప్రకటించిన గద్దర్ పురస్కారాలలో ఉత్తమ నటుడిగా అవార్డ్ అందుకున్నారు. అలాగే ఉత్తమ నటిగా రష్మిక మందన్నా పురస్కారం అందుకుంది. తాజాగా వీరిద్దరు ఇండియన్ నేషనల్ సినీ అకాడమీ (INCA) పురస్కారాల్లోనూ విజేతలుగా నిలిచారు. దేశంలోని పన్నెండు సినీ పరిశ్రమలను ఒక తాటిపైకి తీసుకువస్తూ ఈనెల 16న ముంబైలో ఈ పురస్కారాల వేడుకను నిర్వహించనుంది ఈ సంస్థ. అయితే తెలుగు నుంచి తండేల్ చిత్రానికి గానూ ఉత్తమ నటుడిగా నాగచైతన్య.. ది గర్ల్ ఫ్రెండ్ సినిమాకుగానూ ఉత్తమ నటిగా రష్మిక మందన్న ఎంపికయ్యారు. అలాగే ఉత్తమ దర్శకుడిగా అనిల్ రావిపూడి (సంక్రాంతికి వస్తున్నాం) ఉత్తమ చిత్రంగా మిరాయ్ నిలిచింది.
ఎక్కువ మంది చదివినవి : Sekhar Kammula : ఆ సినిమా రిజల్ట్ చూసి చాలా డిసప్పాయింట్ అయ్యాను.. 6 నెలలు బాధపడ్డాను.. డైరెక్టర్ శేఖర్ కమ్ముల కామెంట్స్..

ఇక ఉత్తమ తొలి చిత్ర దర్శకుడు విభాగంలో తెలుగు నుంచి రామ్ జగదీష్ కోర్టు చిత్రానికి ఎంపికయ్యారు. అలాగే విజువల్ ఎఫెక్ట్స్ విభాగంలో మిరాయ్ విజేతగా నిలిచింది. ఉత్తమ హాస్య నటుడిగా మాస్టర్ రేవంత్ (సంక్రాంతికి వస్తున్నాం) అవార్డ్ అందుకోనున్నారు. ఇక తమిళం నుంచి ఉత్తమ నటుడిగా దుల్కర్ సల్మాన్ (కాంత), ఉత్తమ నటిగా సిమ్రాన్ (టూరిస్ట్ ఫ్యామిలీ), ఉత్తమ దర్శకుడిగా మారి సెల్వరాజ్ (బైసన్) ఉత్తమ చిత్రంగా టూరిస్ట్ ఫ్యామిలీ విజేతలుగా నిలిచాయి.

ఎక్కువ మంది చదివినవి : Tollywood : ఎన్టీఆర్‏తో మాత్రమే నా బాధలను చెప్పుకుంటాను.. అతడే నా బెస్ట్ ఫ్రెండ్.. టాలీవుడ్ హీరోయిన్..

కన్నలో కాంతార చాప్టర్ 1 సినిమాకు ఉత్తమ నటుడిగా రిషబ్ శెట్టి, ఉత్తమ నటిగా రుక్మిణి వసంత్, ఉత్తమ చిత్రంగా కాంతార చిత్రాలు నిలిచాయి. ఇక మలయాళంలో ఉత్తమ నటుడిగా సర్వమ్ మాయ సినిమాకు నివిన్ పౌలీ, ఉత్తమ సినిమాగా లోకా చాప్టర్ 1, ఉత్తమ నటిగా కళ్యాణి ప్రియదర్శన్ నిలిచాయి. అలాగే ఉత్తమ దర్శకుడిగా డొమినిక్ అరుణ్ పురస్కారం అందుకోనున్నారు. హిందీలో ధురంధర్ సినిమాకు ఉత్తమ నటుడిగా రణవీర్ సింగ్, ఉత్తమ నటిగా హక్ సినిమా యామీ గౌతమ్ ధర్ నిలిచారు. ఉత్తమ చిత్రం ఛావా కాగా.. ధురంధర్ సినిమాకు ఉత్తమ దర్శకుడిగా ఆదిత్య ధర్ అవార్డ్ అందుకోనున్నారు.

ఎక్కువ మంది చదివినవి : Trisha Krishnan : సినిమాలకు త్రిష గుడ్ బై.. వ్యాపారవేత్తతో పెళ్లి.. స్పందించిన హీరోయిన్..

ఎక్కువ మంది చదివినవి : Mrunal Thakur : అతడే నా లక్కీ ఛార్మ్.. అతడు లేకపోతే నేను లేను.. హీరోయిన్ మృణాల్ ఠాకూర్ కామెంట్స్..