Murali Mohan: అందరి హీరోలకంటే ఆయన చాలా స్పెషల్.. ఇండస్ట్రీని ఎలేశాడు

Murali Mohan

తెలుగు సినీ పరిశ్రమలో సూపర్ స్టార్ కృష్ణ స్థానం అద్వితీయం. మురళీ మోహన్ గారు ఆయనతో తమ స్నేహం, కృష్ణ సినీ రంగ ప్రవేశానికి దారితీసిన సంఘటనలను తాజాగా గుర్తుచేసుకున్నారు. ఒకానొక సందర్భంలో మురళీ మోహన్ మాట్లాడుతూ, అక్కినేని నాగేశ్వరరావు, శోభన్ బాబు, తాను కుటుంబ సమేతంగా చూడదగ్గ సినిమాలలో నటించామని, నందమూరి తారక రామారావు జానపద, మాస్ చిత్రాలతో ప్రేక్షకుల మన్ననలు పొందారని వివరించారు. ఈ హీరోలందరిలో కృష్ణ ఒక ప్రత్యేకమైన స్థానాన్ని సంపాదించుకున్నారని ఆయన అన్నారు. కృష్ణ మొదటి నుంచీ యాక్షన్ హీరోగా, డేషింగ్, డేరింగ్ పర్సనాలిటీగా ప్రసిద్ధి చెందారని మురళీ మోహన్ పేర్కొన్నారు. తెలుగు సినిమాకు కృష్ణ పరిచయం చేసిన నూతన అంశాలు ఎన్నో ఉన్నాయి. ఎవరూ ఊహించని కౌబాయ్ చిత్రాలను తెలుగు ప్రేక్షకులకు పరిచయం చేసింది కృష్ణ గారే. అలాగే సినిమాస్కోప్, 70ఎంఎం వంటి సాంకేతికతలను తెలుగు తెరపై చూపించిన ఘనత కూడా ఆయనదే.. ఈ ఆవిష్కరణలతో కృష్ణ తెలుగు సినిమా స్థాయిని పెంచారని మురళీ మోహన్ కొనియాడారు.

ఇది కూడా చదవండి : Folk Song: ఎంతో అదృష్టం చేసుకుంటే నాకు ఆ పాట వచ్చింది.. యూట్యూబ్‌ను షేక్ చేస్తున్న సాంగ్

కృష్ణ కేవలం ఒక నటుడిగానే కాకుండా, తెలుగు సినిమాకు ఒక దిశానిర్దేశం చేసిన విజనరీగా నిలిచారని ఆయన అభిప్రాయపడ్డారు. మురళీ మోహన్, కృష్ణ ఏలూరులోని ఒకే కాలేజీలో సహవిద్యార్థులని, క్లాస్‌మేట్స్, బెంచ్‌మేట్స్ అని వెల్లడించారు. తొలి రోజుల్లో కృష్ణ చాలా అమాయకంగా ఉండేవారని, అద్భుతమైన రంగుతో, తెల్లగా, మంచి గిరజాల జుట్టుతో చాలా అందంగా కనిపించేవారని మురళీ మోహన్ గుర్తుచేసుకున్నారు. ఆయన జుట్టు బాగా ఒత్తుగా ఉండేదని కూడా తెలిపారు. కృష్ణ తెనాలి నుంచి వచ్చారని, అక్కడ తెనాలి కాలేజీలో ఆయన అడిగిన ఎంపీసీ గ్రూప్‌లో సీటు రాకపోవడంతో, ఏలూరులోని కాలేజీలో చేరడానికి వచ్చారని మురళీ మోహన్ వివరించారు. ఏలూరు ఆయనకు పూర్తిగా కొత్త ప్రదేశం కావడం, ఎవరూ తెలియకపోవడంతో, మురళీ మోహన్ గారి సోదరుడు ముఖర్జీ ద్వారా ఆయనకు కృష్ణ  పరిచయమయ్యారు.

ఇది కూడా చదవండి : ఇదెక్కడి మేకోవర్ రా మావ..! సూర్య ఎత్తుకున్న ఈ చిన్నారి.. ఇప్పుడు అందంలో అప్సరస..

ముఖర్జీ కృష్ణను మురళీ మోహన్ వద్దకు తీసుకొచ్చి, “మా అక్కగారి ఊరు, మీ సెక్షనే, బి సెక్షన్. మీరిద్దరూ కలిసి కూర్చోండి, కలుపుకుంటున్నండి” అని చెప్పి వారికి స్నేహాన్ని పరిచయం చేశారని మురళీ మోహన్ పాత రోజులను తలచుకున్నారు. ఆ రోజు నుంచి వారందరూ ఫ్రంట్ బెంచ్ స్టూడెంట్స్‌గా పక్క పక్కన కూర్చునేవారని, అల్లరి బ్యాచ్ అంతా వెనుక ఉండేవారని తెలిపారు. అప్పట్లో కృష్ణ కి సినిమాల గురించి పెద్దగా ఆసక్తి లేదని మురళీ మోహన్ వెల్లడించారు. అయితే, ఒక సంఘటన కృష్ణ గారి జీవితంలో కీలక మలుపు తిప్పిందని ఆయన వివరించారు. అది అక్కినేని నాగేశ్వరరావు గారి 60 చిత్రాల వజ్రోత్సవం. ఏలూరు కాలేజీ ఆడిటోరియంలో జరిగిన ఈ వేడుకకు నాగేశ్వరరావు గారితో పాటు పీకేట్ శివరాం కూడా హాజరయ్యారు. అక్కడ నాగేశ్వరరావు గారు మాట్లాడటం, ఆ వేడుకకు వచ్చిన జనసందోహం, పిల్లలందరూ ఎగబడటం వంటివి చూసిన కృష్ణ గారికి సినీ రంగం పట్ల ఒక ఆలోచన, స్ఫూర్తి కలిగిందని మురళీ మోహన్ తెలిపారు. ఆనాటి స్ఫూర్తితోనే ఆయన తెలుగు సినిమా చరిత్రలో తనకంటూ ఒక ప్రత్యేక అధ్యాయాన్ని లిఖించుకున్నారని మురళీ మోహన్ తెలిపారు.

ఇది కూడా చదవండి :నా భర్తకు తొమ్మిది మందితో ఎఫైర్.. మొత్తం బయటపెట్టిన సీరియల్ నటి

మరిన్ని సినిమా వార్తల కోసం ఇక్కడ క్లిక్ చేయండి.