Megastar Chiranjeevi: మెగా అభిమానులకు బర్త్ డే ట్రీట్ ఇచ్చిన మేకర్స్.. భోళా శంకర్ వచ్చేది అప్పుడే..

Megastar

మెగాస్టార్ చిరంజీవి (Megastar Chiranjeevi) రీఎంట్రీ తర్వాత జోరు పెంచారు. చేతి నిండా సినిమాలతో పుల్ బిజీగా ఉన్నారు. ఇటీవలే ఆచార్య సినిమాతో ప్రేక్షకులను అలరించిన చిరు.. ఇప్పుడు గాడ్ ఫాదర్, భోళా శంకర్, వాల్తేరు వీరయ్య చిత్రాల్లో నటిస్తున్నారు. అటు వరుస సినిమాలు చిత్రీకరణ జరుపుకుంటుండగా.. మరిన్ని ప్రాజెక్టులకు గ్రీన్ సిగ్నల్ ఇస్తున్నారు. ఇక ప్రస్తుతం మెగాస్టార్ నటిస్తోన్న సినిమాలపై అంచనాలు భారీగానే ఉన్నాయి. ఈ చిత్రాల్లో చిరు సరికొత్త లుక్‏లో కనిపించనున్నారు. ఇదిలా ఉంటే.. మరోవైపు నెట్టింట మెగాస్టార్ బర్త్ డే సెలబ్రెషన్స్ షురు అయ్యాయి. ఆగస్ట్ 22న చిరు పుట్టినరోజు కావడంతో ఇప్పటికే సంబరాలు మొదలుపెట్టేశారు ఫ్యాన్స్. ఇటీవలే తన పుట్టినరోజు కానుకగా సినీ కార్మికుల కోసం ఆసుపత్రి నిర్మించనున్నట్లు మెగాస్టార్ ప్రకటించిన సంగతి తెలిసిందే. తాజాగా చిరు ఫ్యాన్స్‏కు స్పెషల్ సర్ ప్రైజ్ ఇచ్చారు మేకర్స్. సోమవారం చిరు బర్త్ డే సందర్భంగా భోళా శంకర్ సినిమా రిలీజ్ డేట్ అనౌన్స్ చేశారు.

భోళా శంకర్ చిత్రాన్ని వచ్చే ఏడాది ఏప్రిల్ 14న ప్రపంచవ్యాప్తంగా విడుదల చేయనున్నట్లు ప్రకటిస్తూ.. మెగాస్టార్ న్యూలుక్ పోస్టర్ రిలీజ్ చేశారు. అందులో చేతిలో త్రిశూలం లాకెట్ ఉన్న చైన్ తిప్పుతూ కూలింగ్ గ్లాసెస్ ధరించి మాస్ అండ్ స్టైలీష్ లుక్‏లో ఆకట్టుకుంటున్నారు చిరు. ఈ చిత్రానికి మోహర్ రమేష్ దర్శకత్వం వహిస్తుండగా.. తమన్న, కీర్తి సురేష్ కీలకపాత్రలలో నటిస్తున్నారు. తమిళంలో సూపర్ హిట్ అయిన వేదాళం చిత్రానికి తెలుగు రీమేక్‏గా ఈ మూవీని రూపొందిస్తున్నారు. చెల్లెల్లు సెంటిమెంట్ ప్రధానంగా ఈ సినిమా సాగనుంది. ఈ చిత్రాన్ని ఏకే ఎంటర్టైన్మెంట్స్, క్రియేటివ్ కమర్షియల్స్ సంస్థలు సంయుక్తంగా నిర్మిస్తున్నాయి.

ట్వీట్..

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.