Manchu Manoj: పెళ్లిలో అన్నీ తానై వ్యవహరించిన మంచు లక్ష్మీ.. ‘ఏ జన్మ పుణ్యమో .. అక్కా’ అంటూ ఎమోషనలైన మనోజ్‌
మనోజ్‌ వివాహ వేడుకను భుజాన వేసుకుని మరీ నిర్వహించింది మంచు లక్ష్మీ. తమ్ముడిని పెళ్లి కుమారుడిగా ముస్తాబు చేయడం నుంచి పెళ్లి పనులన్నీ తనే దగ్గరుండి చూసుకుంది. ఒక మాటలో చెప్పాలంటే పెళ్లి పెద్దగా మారి తమ్ముడి వివాహ తంతును పూర్తి చేసింది.
టాలీవుడ్‌ హీరో మంచు మనోజ్‌ రెండోసారి వైవాహిక బంధంలోకి అడుగుపెట్టాడు. కర్నూలుకు చెందిన దివంగత రాజకీయ నాయకుడు భూమా మౌనికారెడ్డితో అతని వివాహం శుక్రవారం అంగరంగ వైభవంగా జరిగింది. ఫిల్మ్‌ నగర్‌లోని మంచు లక్ష్మి నివాసంలో ఈ వివాహ వేడుక జరిగింది. మంచు మోహన్‌బాబు, మంచు లక్ష్మీ, విష్ణుతో పాటు ఇరు కుటుంబ సభ్యులు, పలువురు సినీ, రాజకీయ ప్రముఖులు ఈ వివాహ వేడుకకు హాజరయ్యారు. నూతన దంపతులను ఆశీర్వదించారు. ఇదిలా ఉంటే మనోజ్‌ వివాహ వేడుకను భుజాన వేసుకుని మరీ నిర్వహించింది మంచు లక్ష్మీ. తమ్ముడిని పెళ్లి కుమారుడిగా ముస్తాబు చేయడం నుంచి పెళ్లి పనులన్నీ తనే దగ్గరుండి చూసుకుంది. ఒక మాటలో చెప్పాలంటే పెళ్లి పెద్దగా మారి తమ్ముడి వివాహ తంతును పూర్తి చేసింది. ఈ క్రమంలో అక్క గురించి మనోజ్‌ ఓ ఎమోషనల్‌ నోట్‌ షేర్‌ చేశాడు. తనని పెళ్లి కొడుకు చేస్తున్న మంచు లక్ష్మి ఫొటోను తన ఇన్‌స్టాగ్రామ్‌ స్టోరీ షేర్‌ చేస్తూ.. ‘అక్కా.. ఏ జన్మ పుణ్యమో నాది. లవ్యూ అక్క. థ్యాంక్స్‌ ఫర్‌ ఎవ్రీథింగ్‌’ అని భావోద్వేగానికి గురయ్యాడు.
కాగా మొదటి భార్యతో విడాకుల తర్వాత ప్రొఫెషనల్‌ గానూ, పర్సనల్‌ గానూ బాగా డిస్ట్రబ్‌ అయ్యాడు మనోజ్‌. ఈక్రమంలో మంచు లక్ష్మి తన తమ్ముడికి అండగా నిలిచిందట. మంచు లక్ష్మికి మనోజ్‌ అంటే ప్రాణం. ఈ విషయాన్ని తనే స్వయంగా వెల్లడించింది. మనోజ్‌ అంటే చాలా ఇష్టమని, తనను కొడుకులా చూసుకుంటానని పలు సందర్భాల్లో చెప్పుకొచ్చింది. ఇందులో భాగంగానే పెళ్లి పెద్దగా మారి అన్న పనులు దగ్గరుండి చూసుకుంది. మొత్తానికి పెళ్లితో కొత్త జీవితం ప్రారంభించిన మనోజ్‌కు అభినందనలు, శుభాకాంక్షలు వెల్లువెత్తుతున్నాయి. అలాగే మంచు లక్ష్మీపై కూడా ప్రశంసలు వస్తున్నాయి. మరోవైపు మనోజ్‌- మౌనికల పెళ్లి ఫొటోలు సోషల్‌ మీడియాలో వైరలవుతున్నాయి.
Manchu Manoj
మరిన్ని సినిమా వార్తల కోసం క్లిక్ చేయండి..