మీకు రీల్స్ చేయడం వచ్చా? ఆ సినిమా టికెట్తో పాటు పుష్ప 2 షూటింగ్ చూసే ఛాన్స్.. పూర్తి వివరాలివే
VVIT vs VBVK అంటూ గుంటూరు కాలేజ్ క్రికెట్ టీమ్తో మ్యాచ్ ఆడింది. ఆ మ్యాచ్లో ప్లేయర్ అఫ్ ది మ్యాచ్ ప్లేయర్ సైదులు చేతుల మీదుగా 'ఓ బంగారం నీ చెయ్యి తాకగానే ఉప్పొంగిపోయిందే నా ప్రాణం' సాంగ్ రిలీజ్ చేయించింది. కాగా ఈ కార్యక్రమంలోనే ఒక బంపరాఫర్ ఇచ్చారు ప్రొడ్యూసర్ బన్నీ వాసు.
Updated on: Jan 20, 2023 | 6:10 AM
యంగ్ హీరో కిరణ్ అబ్బవరం నటిస్తున్న తాజా చిత్రం వినరో భాగ్యము విష్ణు కథ. మురళి కిషోర్ అబ్బురు దర్శకుడిగా పరిచయం అవుతున్న ఈ సినిమాలో కశ్మీర పర్ధేశీ హీరోయిన్గా కనిపించనుంది. మెగా ప్రొడ్యూసర్ అల్లు అరవింద్ సమర్పణలో జీఏ2 పిక్చర్స్ బ్యానర్పై బన్నీ వాసు ఈ చిత్రాన్ని నిర్మిస్తున్నాడు. ఈ సినిమా నుంచి వచ్చిన ‘వాసవసుహాస’ పాట, మూవీ టీజర్కు అద్భుతమైన స్పందన వచ్చింది. ఇప్పటికే షూటింగ్ పూర్తి చేసుకున్న ఈ లవ్ అండ్ యాక్షన్ ఎంటర్టైనర్ 2023 ఫిబ్రవరి 17న విడుదల కానుంది. కాగా ఈ సినిమా ప్రమోషన్లలో చిత్రబృందం బిజీగా ఉంటోంది. సినిమాను ప్రజల్లోకి తీసుకెళ్లేందుకు వినూత్న ప్రయోగాలు చేస్తున్నారు. ఇందులో భాగంగానే VVIT vs VBVK అంటూ గుంటూరు కాలేజ్ క్రికెట్ టీమ్తో మ్యాచ్ ఆడింది. ఆ మ్యాచ్లో ప్లేయర్ అఫ్ ది మ్యాచ్ ప్లేయర్ సైదులు చేతుల మీదుగా ‘ఓ బంగారం నీ చెయ్యి తాకగానే ఉప్పొంగిపోయిందే నా ప్రాణం’ సాంగ్ రిలీజ్ చేయించింది. కాగా ఈ కార్యక్రమంలోనే ఒక బంపరాఫర్ ఇచ్చారు ప్రొడ్యూసర్ బన్నీ వాసు.
‘ఓ బంగారం సాంగ్ను రీల్ చేసి గీతా ఆర్ట్స్ను ట్యాగ్ చేయండి. సెలెక్ట్ అయిన 10 మందికి, వాళ్ల కుటుంబ సభ్యులకు ఈ సినిమాను ఫ్రీగా చూపిస్తాం. అంతేకాకుండా కాకుండా వాళ్లను పుష్ప షూటింగ్కు కూడా తీసుకెళ్తాం’ అని ప్రకటించారు బన్నీ వాసు. కాగా తిరుమల తిరుపతి నేపథ్యంలో తెరకెక్కిన ఈ సినిమాకు చేతన్ భరద్వాజ్ స్వరాలు సమకూరుస్తున్నారు. విశ్వాస్ సినిమాటోగ్రఫీ అందిస్తున్నారు. మార్తాండ్ కె వెంకటేష్ ఎడిటింగ్ బాధ్యతలు నిర్వర్తిస్తున్నారు. సహ నిర్మాతగా బాబు, సత్యగమిడి, శరత్ చంద్ర నాయుడు ఎక్స్ క్యూటివ్ నిర్మాతలుగా వ్యవహరిస్తున్నారు.
#VinaroBhagyamuVishnuKatha ✨ 2nd Single #OhBangaram launched today by Man of the Match of #VBVK vs #VVIT Guntur College – Cricket Match ?
A @chaitanbharadwaj Musical #AlluAravind #BunnyVas @Kiran_Abbavaram @kashmira_9 @KishoreAbburu @adityamusic pic.twitter.com/IJXLjzIPbA
— GA2 Pictures (@GA2Official) January 19, 2023
మరిన్ని సినిమా వార్తల కోసం క్లిక్ చేయండి..
