Kalki 2898 AD: ఇట్స్ అఫీషియల్.. ‘కల్కి’ కొత్త రిలీజ్ డేట్ వచ్చేసింది.. బాక్సాఫీస్ పై ప్రభాస్ దండయాత్ర అప్పుడే

Kalki 2898 AD movie

పాన్ ఇండియా సూపర్ స్టార్ ప్రభాస్ ఫ్యాన్స్ కు గుడ్ న్యూస్.. సలార్ వంటి బ్లాక్ బస్టర్ హిట్ తర్వాత అతను నటిస్తోన్న చిత్రం కల్కి 2898 AD. ట్యాలెంటెడ్ డైరెక్టర్ నాగ్ అశ్విన్ తెరకెక్కిస్తోన్న ఈ సైన్స్ ఫిక్షన్ థ్రిల్లర్ మొదట మే 9న విడుదల కావాల్సి ఉంది. అయితే సార్వత్రిక ఎన్నికల నేపథ్యంలో సినిమా రిలీజ్ వాయిదా పడింది. తాజాగా ఈ విషయాన్ని చిత్ర బృందం అధికారికంగా ప్రకటించంది. అంతేకాదు కల్కి కొత్త రిలీజ్ డేట్ ను కూడా అనౌన్స చేసింది. జూన్ 27న కల్కి ప్రేక్షకుల ముందుకు రానున్నట్లు మూవీ యూనిట్ వెల్లడించింది. వైజయంతీ మూవీస్ సంస్థ అత్యంత ప్రతిష్ఠాత్మకంగా తెరకెక్కిస్తోన్న కల్కి సినిమాలో బాలీవుడ్ అందాల తార దీపికా పదుకొణె హీరోయిన్ గా నటించింది. అలాగే మరో బ్యూటీ దిషా పటానీ ఓ స్పెషల్ సాంగ్ లో సందడి చేయనుంది. వీరితో పాటు బిగ్ బీ అమితాబ్ బచ్చన్, కమల్ హాసన్ , రాజేంద్ర ప్రసాద్, పశుపతి వంటి దిగ్గజ నటులు కల్కి మూవీలో భాగమయ్యారు. ఇప్పటికే రిలీజ్ అయిన పోస్టర్స్, టీజర్స్ ప్రభాస్ మూవీపై మరిన్ని అంచనాలను పెంచేశాయి. ముఖ్యంగా భైరవగా ప్రభాస్, అశ్వత్థామ గా అమితాబ్ బచ్చన్ లుక్స్ అభిమానులను ఎంతగానో ఆకట్టుకున్నాయి.

కాగా కల్కి సినిమా షూటింగ్ ఇప్పటికే పూర్తయినట్లు సమాచారం. ప్రస్తుతం పోస్ట ప్రొడక్షన్ పనుల్లో చిత్ర బృందం బిజీగా ఉంటోంది. మహాభారతం వంటి ఇతి హాసాలకు సైన్స్ ఫిక్షన్ ను జోడించి నాగ్ అశ్విన్ కల్కి సినిమాను తెరకెక్కిస్తున్నట్లు సమాచారం. అందుకే ఇటీవల ఒక సందర్భంలో  ఇది దాదాపు ఆరు వేల సంవత్సరాల నాటి వెనక స్టోరీ అని హింట్ ఇచ్చారు. మొత్తానికి లేట్ గా వచ్చినా లేటెస్ట్ గా వస్తామంటూ కల్కి చిత్ర బృందం సినిమా కొత్త రిలీజ్ డేట్ ను ప్రకటించడంతో ఫ్యాన్స్ తెగ సంబరపడిపోతున్నారు.

వైజయంతీ మూవీస్ ట్వీట్..

కల్కి సినిమాలో అమితాబ్ లుక్..

మరిన్ని సినిమా వార్తల కోసం ఇక్కడ క్లిక్ చేయండి.