Jr. NTR: సోషల్ మీడియాను షేక్ చేస్తున్న ఎన్టీఆర్ న్యూలుక్.. సూపర్ స్టైలీష్‏గా యంగ్ టైగర్..

Ntr

దర్శకదీరుడు రాజమౌళి తెరకెక్కించిన ట్రిపుల్ ఆర్ సినిమాతో పాన్ ఇండియా స్టార్ ఇమేజ్ సొంతం చేసుకున్నారు యంగ్ రెబల్ స్టార్ ఎన్టీఆర్. ఈ మూవీలో కొమురం భీమ్ పాత్రలో తారక్ నటనకు ప్రపంచం ఫిదా అయ్యింది. ఇటీవల ఈ సినిమా ప్రమోషన్స్‏లో జపాన్‏లో సందడి చేశారు ఎన్టీఆర్. అక్కడ అభిమానులు చూపించిన ప్రేమకు తారక్ ఎమోషనల్ అయిన సంగతి తెలిసిందే. ఇక ప్రస్తుతం తారక్ తన తదుపరి సినిమా కోసం ప్రిపేర్ అవుతున్నారు. మాస్ డైరెక్టర్ కొరటాల శివ దర్శకత్వంలో తారక్ ఓ మూవీ చేయనున్నారు. NTR30 వర్కింగ్ టైటిల్‏ తో రాబో తున్న ఈ మూవీ త్వరలోనే సెట్స్ పైకి వెళ్లనుంది. అయితే తాజాగా తారక్ న్యూలుక్ నెట్టింట వైరలవుతుంది. ఎన్టీఆర్ క్లాసీ లుక్ చూసి ఫ్యాన్స్ ఖుషి అవుతున్నారు. సూపర్ స్టైలీష్ లుక్ అదిరిపోయిందంటూ కామెంట్స్ చేస్తున్నారు.

ప్రముఖ అడ్వర్టైజింగ్.. సెలబ్రెటీ ఫోటోగ్రాఫర్ అవినా‏ష్ గోవారికర్ తన సోషల్ మీడియాలో ఖాతాలో జూనియర్ ఎన్టీఆర్ క్లాసీ లుక్ షేర్ చేశారు. అయితే అందులో తారక్.. మరింత స్టైలీష్ గా కనిపిస్తున్నారు. గ్లాసెస్.. సూట్‏లో అదరగొట్టాడు. యంగ్ టైగర్ న్యూలుక్ నెట్టింటిని షేక్ చేస్తుంది.

ఇక ఎన్టీఆర్, కొరటాల శివ సినిమా కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఈ సినిమాకు అనిరుధ్ సంగీతం అందిస్తున్నారు. ఇక ఈ మూవీనే కాకుండా.. డైరెక్టర్ ప్రశాంత్ నీల్ దర్శకత్వంలో ఓ ప్రాజెక్ట్ చేయనున్నారు. ఇప్పటికే విడుదలైన ఈ మూవీ ప్రీలుక్ అంచనాలను పెంచేసింది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.