Sivakarthikeyan’s Prince: స్పీడ్ పెంచిన శివకార్తికేయన్.. ‘ప్రిన్స్’ మ్యూజికల్ ప్రమోషన్లు షురూ
తమిళ్ హీరోలు ఈ మధ్య కాలంలో తెలుగు పై మనసుపారేసుకున్న విషయం తెలిసిందే. ఇప్పటికే విజయ్ లాంటి స్టార్ హీరోలు కూడా మన దగ్గర సినిమాలు చేస్తున్నారు.
Updated on: Sep 01, 2022 | 1:21 PM
తమిళ్ హీరోలు ఈ మధ్య కాలంలో తెలుగు పై మనసుపారేసుకున్న విషయం తెలిసిందే. ఇప్పటికే విజయ్ లాంటి స్టార్ హీరోలు కూడా మన దగ్గర సినిమాలు చేస్తున్నారు. అలాగే హీరో శివ కార్తికేయన్(Sivakarthikeyan) తెలుగులో సినిమా చేస్తున్న విషయం తెలిసిందే.. వరుస బ్లాక్ బస్టర్ విజయాలతో దూసుకుపోతున్న శివకార్తికేయన్ కథానాయకుడిగా, టాలెంటెడ్ డైరెక్టర్ అనుదీప్ కెవి దర్శకత్వంలో తెలుగు, తమిళ్ భాషలలో ఏకకాలంలో తెరకెక్కుతున్న కంప్లీట్ ఎంటర్టైనర్ ‘ప్రిన్స్’. శివకార్తికేయన్ సరసన మారియా ర్యాబోషప్క కథానాయికగా నటిస్తోన్న ఈ చిత్రం ఇండియాలోని పాండిచ్చేరి, లండన్ నేపథ్యంలో రూపొందుతోంది.
ఈ చిత్రం మ్యూజికల్ ప్రమోషన్లను సెప్టెంబర్1( నేటినుంచి ) నుండి ప్రారంభించనున్నట్లు ప్రకటించిన నిర్మాతలు ఇదే రోజు ఈ చిత్రం ఫస్ట్ సింగిల్ లాంచ్ చేయనున్నారు. ఈ సందర్భంగా విడుదల చేసిన పోస్టర్ లో లీడ్ పెయిర్ వండర్ ఫుల్ కెమిస్ట్రీతో ఆకట్టుకున్నారు. ఇద్దరూ పసుపు రంగు దుస్తుల్లో వైబ్రెంట్ గా కనిపించారు. ఎస్ థమన్ ఈ చిత్రానికి సంగీతం అందిస్తున్నారు. సునీల్ నారంగ్, డి.సురేష్ బాబు, పుస్కుర్ రామ్ మోహన్ రావు సంయుక్తంగా శ్రీ వెంకటేశ్వర సినిమాస్ ఎల్ ఎల్ పి, సురేష్ ప్రొడక్షన్స్, శాంతి టాకీస్ బ్యానర్లపై ఈ చిత్రాన్ని నిర్మిస్తున్నారు. సోనాలి నారంగ్ ఈ చిత్రాన్ని సమర్పిస్తున్నారు. మరి ఈ సినిమా ప్రేక్షకులను ఏ రేంజ్ లో ఆకట్టుకుంటుందో చూడాలి.
మరిన్ని సినిమా వార్తల కోసం ఇక్కడ క్లిక్ చేయండి
