మొదటి సినిమాతోనే నేషనల్ అవార్డు.. ఇప్పుడు మనసిచ్చిన అమ్మాయితో మనువు.. ఈ టాలీవుడ్ డైరెక్టర్‌ను గుర్తు పట్టారా?

Tollywood Director

పై ఫొటోలోఉన్నదెవరో గుర్తు పట్టారా? ఇప్పుడు ఇతను టాలీవుడ్ లో బాగా ఫేమస్. చాలామంది లాగే షార్ట్స్ ఫిల్మ్స్ తో తన కెరీర్ ఆరంభించాడు. యువతను ఆకట్టుకునే కంటెంట్ తో షార్ట్స్ ఫిల్మ్స్ రూపొందించి టాలీవుడ్ ప్రముఖుల మన్ననలు అందుకున్నాడు. వారితోనే క్రమంగా పరిచయాలు పెంచుకున్నాడు. ఇదే క్రమంలో ఒక మంచి సందర్భం చూసుకుని సినిమా ఇండస్ట్రీలోకి అడుగు పెట్టాడు. సరిగ్గా కరోనా కష్టకాలంలో మెగా ఫోన్ పట్టుకుని అప్పటికీ పెద్దగా గుర్తింపు లేని ఒక చిన్న హీరోతో తన మొదటి సినిమాను పట్టాలెక్కించాడు. కోవిడ్ కాబట్టి ఆడియెన్స్ థియేటర్లకు వచ్చే అవకాశం లేకపోవడంతో డైరెక్టుగా ఓటీటీలోనే తన సినిమాను రిలీజ్ చేశాడు. అంతే ఈ డైరెక్టర్ పేరు మార్మోగిపోయింది. ఎలాంటి స్టార్ క్యాస్టింగ్ లేకుండా ఒక హృద్యమైన ప్రేమకథను అద్భుతంగా తెరకెక్కించి అందరి ప్రశంసలు అందుకున్నాడు. తనలోని ప్రతిభకు ప్రతీకగా ఏకంగా జాతీయ అవార్డు అందుకున్నాడు. ఇలా టాలీవుడ్ లో ఒక్కసారిగా ఫేమస్ అయిన ఈ క్రేజీ డైరెక్టర్ త్వరలోనే పెళ్లి పీటలెక్కనున్నాడు. తన మొదటి సినిమాలో నటించిన ఒక అమ్మాయిపై మనసు పారేసుకున్న ఈ క్రేజీ డైరెక్టర్ ఇప్పుడు అదే అమ్మాయితో కలిసి వైవాహిక బంధంలోకి అడుగు పెట్టనున్నాడు. మరి.. ఈ పాటికే చాలా మందికి అర్థమై ఉంటుంది మనం ఎవరి గురించి మాట్లాడుకుంటున్నామో? యస్. అతను మరెవరో కాదు కలర్ ఫొటో డైరెక్టర్ సందీప్ రాజ్.

కెరీర్ ప్రారంభంలో పలు షార్ట్స్ ఫిల్మ్స్ ను తెరకెక్కించాడు సందీప్ రాజ్. అలాగే ఏజెంట్ శ్రీనివాస ఆత్రేయ వంటి కొన్ని సినిమాల్లో సహాయక నటుడి పాత్రలు పోషించాడు. ఇక కలర్ ఫొటో తో డైరెక్టర్ గా మారి జాతీయ అవార్డు సొంతం చేసుకున్నాడు. ఇప్పుడు తన మొదటి సినిమాలో నటించిన చాందినీ రావు అనే అమ్మాయితో కలిసి త్వరలోనే కొత్త జీవితం ప్రారంభించనున్నాడు. ఇటీవలే వీరి నిశ్చితార్థం గ్రాండ్ గా జరిగింది. డిసెంబర్ 7న ఏడు కొండల వెంకటేశ్వర స్వామి పాదాల చెంత తిరుపతిలో సందీప్ రాజ్- చాందినీలు పెళ్లి చేసుకోనున్నారని సమాచారం.

సందీప్, చాందినీ ల ఎంగేజ్ మెంట్ ఫొటోస్..

తిరుపతిలో వివాహం..

చాందినీ రావుతో డైరెక్టర్ సందీప్ రాజ్..

మరిన్ని సినిమా వార్తల కోసం ఇక్కడ క్లిక్ చేయండి