Balakrishna: బాలయ్యతో ఉన్నఈ బుడ్డోడిని గుర్తుపట్టారా? హీరోగా ఎంట్రీతోనే టాలీవుడ్‌ రికార్డులు బద్దలు..
సినిమా హీరోల చిన్ననాటి, అరుదైన ఫొటోలు సోషల్‌ మీడియాలో ఇట్టే వైరలవుతుంటాయి. అభిమానులు కూడా వీటిని చూసేందుకు తెగ ఆసక్తి చూపిస్తుంటారు. ఇక సోషల్‌ మీడియాలో నిత్యం త్రో బ్యాక్‌ ట్యాగ్ ట్రెండ్‌ అవుతూ ఉంటుంది.
సినిమా హీరోల చిన్ననాటి, అరుదైన ఫొటోలు సోషల్‌ మీడియాలో ఇట్టే వైరలవుతుంటాయి. అభిమానులు కూడా వీటిని చూసేందుకు తెగ ఆసక్తి చూపిస్తుంటారు. ఇక సోషల్‌ మీడియాలో నిత్యం త్రో బ్యాక్‌ ట్రెండ్‌ అవుతూ ఉంటుంది. ఇందుకు తగ్గటుగానే సినిమా తారలు తమ పుట్టిన రోజు, పెళ్లి రోజు, ఇతర ప్రత్యేక సందర్భాల్లోనూ తమ చిన్ననాటి లేదా రేర్‌ ఫొటోస్‌ను సామాజిక మాధ్యమాల్లో షేర్‌ చేస్తుంటారు. అవి కొద్ది క్షణాల్లోనే వైరలవుతుంటాయి. అలా పై ఫొటో కూడా నెట్టింట వైరలవుతోంది. ఇందులో బాలకృష్ణ చేతిలో ఒక బుడ్డోడు కూడా ఉన్నాడు. చూడ్డానికి ముద్దొచ్చేస్తున్న అతను కూడా ఒక టాలీవుడ్‌ హీరోనే. సాధారణంగా ఏ హీరో అయినా ఒక సినిమాతో కెరీర్‌ ఆరంభిస్తాడు. అయితే ఇతను మాత్రం ఏకంగా సినిమా కెరీర్‌ ఆరంభించిన రోజే ఏకంగా 9 సినిమాలకు కొబ్బరికాయ కొట్టాడు. తద్వారా తన ఎంట్రీతోనే సినిమా ఇండస్ట్రీ రికార్డులన్నింటినీ తుడిచేశాడు. అయితే అదే జోరును మాత్రం కొనసాగించలేకపోయాడు. అయితే నటన పరంగా పలువురి ప్రశంసలు అందుకున్నాడు. విలన్‌గా నంది అవార్డు కూడా సొంతం చేసుకున్నాడు. అయితే అనుకోకుండా గుండెపోటుతో ఈ లోకాన్నే విడిచి వెళ్లిపోయాడు. ఈ పాటికే అర్థమై ఉంటుంది మనం ఎవరి గురించి మాట్లాడుతున్నాయో.. యస్‌. అతను మరెవరో కాదు కొన్ని నెలల క్రితమే కన్నుమూసిన నందమూరి తారకరత్న.
గతేడాది సారథి, S5 నో ఎగ్జిట్‌ సినిమాలతో అభిమానులను పలకరించాడు తారకరత్న. అలాగే 9 అవర్స్‌ అనే వెబ్‌ సిరీస్‌లోనూ నటించాడు. అయితే నటుడిగా ఉంటూనే రాజకీయాల్లోకి అడుగుపెట్టి ప్రజాసేవ చేయాలనుకున్నాడు. అందులో భాగంగా ఈ ఏడాది జనవరి 27న నారా లోకేశ్‌ యువగళం పాదయాత్రలో పాల్గొన్నాడు. అయితే దురదృష్టవశాత్తూ గుండెపోటుకు గురయ్యాడు. దీంతోన స్థానికంగా చికిత్స అందించి ఆతర్వాత మెరుగైన వైద్యం కోసం బెంగళూరు నారాయణ హృదయాలయ హాస్పిటల్‌కు తరలించారు. అయితే అక్కడ కూడా అతని పరిస్థితి మెరగుపడలేదు. 23 రోజుల పాటు మృత్యువుతో పోరాడిన తారకరత్న ఫిబ్రవరి 18 అందరినీ విడిచిపెట్టి వేరే లోకానికి వెళ్లిపోయాడు.
మరిన్ని సినిమా వార్తల కోసం క్లిక్ చేయండి..