Bheemla Nayak: ‘భీమ్లా నాయక్’ మూవీలో రానా పాత్ర మిస్ చేసుకున్న ఇద్దరు స్టార్ హీరోస్ ఎవరో తెలుసా ?..
మొదటిసారి పవన్, రానా కలిసిన నటించిన ఈ సినిమాకు అభిమానుల నుంచి ఊహించని రెస్పాన్స్ వచ్చింది. ముఖ్యంగా రానా పాత్రకు మంచి పేరు వచ్చింది. హీరోకు ఏమాత్రం తగ్గకుండా పొగరుతోనే కాకుండా.. ఫ్యామిలీ పరంగా ఎమోషన్స్ చూపిస్తూ నటనతో మరోసారి మెప్పించాడు రానా.
పవర్ స్టార్ పవన్ కళ్యాణ్ నటించిన భీమ్లా నాయక్ సినిమా బాక్సాఫీస్ వద్ద సంచలనం సృష్టించిన సంగతి తెలిసిందే. గతేడాది ఎన్నో అంచనాల మధ్య విడుదలైన ఈ మూవీ భారీగానే వసూళ్లు రాబట్టింది. ఇందులో పవర్ స్టార్ జోడీగా నిత్యా మీనన్ నటించగా.. రానా దగ్గుబాటి, సంయుక్త మీనన్ కీలకపాత్రలలో కనిపించారు. మలయాళంలో సూపర్ హిట్ అయిన అయ్యప్పనుమ్ కోషియమ్ సినిమాకు రీమేక్గా ఈ మూవీ వచ్చింది. మొదటిసారి పవన్, రానా కలిసిన నటించిన ఈ సినిమాకు అభిమానుల నుంచి ఊహించని రెస్పాన్స్ వచ్చింది. ముఖ్యంగా రానా పాత్రకు మంచి పేరు వచ్చింది. హీరోకు ఏమాత్రం తగ్గకుండా పొగరుతోనే కాకుండా.. ఫ్యామిలీ పరంగా ఎమోషన్స్ చూపిస్తూ నటనతో మరోసారి మెప్పించాడు రానా.
అయితే ఈ పాత్ర కోసం ముందుగా అనుకున్న హీరో రానా కాదట. ప్రస్తుతం ఫిల్మ్ సర్కిల్లో వినిపిస్తున్న టాక్ ప్రకారం ఈ పాత్రను ఇద్దరు స్టార్ హీరోస్ మిస్ చేసుకున్నారట. ఇంతకీ వారిద్దరు ఎవరో తెలుసుకుందామా. అందులో ఒకరు మ్యాచో స్టార్ గోపిచంద్. అప్పటికే మరో సినిమాతో గోపిచంద్ బిజీగా ఉండడంతో ఈ సినిమాను వదిలేయాల్సి వచ్చిందట.
ఇక ఆ తర్వాత మాస్ మాహారాజా రవితేజను సంప్రదించాగా… డేట్స్ అడ్జట్స్ కావంటూ వదిలేసారంట. అయితే రవితేజను స్వయంగా పవన్ అడగ్గా.. నటించాలని ఉన్నా.. వేరే సినిమాలకు డేట్స్ కేటాయించానని.. సున్నితంగా తిరస్కరించారట. దీంతో ఈ ఛాన్స్ రానా వద్దకు చేరింది. భీమ్లా నాయక్ చిత్రంలో పవన్, రానా నటన ప్రేక్షకులను ఆకట్టుకుంది. ఈ చిత్రానికి సాగర్ కె చంద్ర దర్శకత్వం వహించగా.. త్రివిక్రమ్ డైలాగ్స్ అందించారు.