Aditi Shankar: హీరోయిన్‏గా ఎంట్రీ ఇస్తున్న స్టార్ డైరెక్టర్ కూతురు.. కార్తీకి జోడిగా అదితి శంకర్..

Aditi Shankar

స్టార్ హీరోలు, డైరెక్టర్స్, ప్రొడ్యూసర్స్ కూతుర్లు సినీ రంగ ప్రవేశం చేసి తమకంటూ ప్రత్యేక గుర్తింపు తెచ్చుకున్నవారు చాలా తక్కువ మంది ఉన్నారు. శ్రుతి హాసన్, నిహారిక వంటి వారు హీరోయిన్స్‏గా నటించి ప్రశంసలు అందుకున్నారు. అందం, అభినయంతో… ఫిల్మ్ ఇండస్ట్రీలో తమకుంటూ ప్రత్యేక స్థానాన్ని ఏర్చుకున్నారు. ఇక ఇటీవలే మెగాస్టార్ చిరంజీవి పెద్ద కూతురు సుష్మిత కొణిదెల కూడా ప్రొడ్యూసర్‏గా మారిన సంగతి తెలిసిందే. తాజాగా మరో స్టార్ డైరెక్టర్ కూతురు హీరోయిన్‏గా మారబోతుంది. తమిళ్ స్టార్ హీరో కార్తి ప్రధాన పాత్రలో డైరెక్టర్ ముత్తయ్య దర్శకత్వంలో విరుమన్‌ సినిమా తెరకెక్కుతున్న సంగతి తెలిసిందే. ఈ చిత్రాన్ని 2డీ ఎంటర్‌టైన్‌మెంట్స్‌ బ్యానర్ పై హీరో సూర్య, జ్యోతిక ఈ చిత్రాన్ని నిర్మిస్తున్నారు. అయితే ఇందులో పాన్ ఇండియా స్టార్ డైరెక్టర్ శంకర్ కూతురు అదితి శంకర్ హీరోయిన్‎గా నటిస్తోంది. ఈ విషయాన్ని సూర్య అధికారికంగా ప్రకటించారు.

అదితి శంకర్‏కు స్వాగతం. ప్రతి ఒక్కరి హృదయాలను నువ్వు గెలుచుకుంటావు అంటూ ట్వీట్ చేశారు సూర్య. ఈ మూవీలోని అదితీ లుక్‏ను రివీల్ చేశారు చిత్రయూనిట్. అందులో అదితి పసుపు, ఆకుపచ్చ పరికిణిలో నవ్వుతూ వస్తూ కనిపిస్తున్న లుక్ ప్రేక్షకులను ఆకట్టుకుంటుంది. ఇక ఈ సినిమాలో ప్రకాష్ రాజ్ కీలక పాత్రలో నటిస్తున్నారు. ఈ చిత్రం షూటింగ్ సెప్టెంబర్ 18న ప్రారంభమవుతుంది. ఈ చిత్రానికి యువన్ శంకర్ రాజా సంగీత దర్శకుడిగా వ్యవహరించనున్నారు. అలాగే ఈ సినిమాల కార్తీతో పాటు రాజ్ కిరణ్ కూడా కనిపించబోతున్నారు. ఇప్పటికే వీరిద్దరి కాంబోలో కొంబన్ సినిమా వచ్చిన సంగతి తెలిసిందే. మరోసారి వీరిద్దరి కాంబో రిపీట్ కాబోతుండడంతో ఈ సినిమాపై ఆసక్తి పెరిగింది.

ట్వీట్..

Also Read: Karthik Deepam: నిజాలు తవ్వే పనిలో రోషిణి.. కార్తీక్ తో పెళ్ళికి ముహూర్తం ఫిక్స్ చేసిన మోనిత!

Bigg Boss 5 Telugu: బిగ్ బాస్ వేదిక పై మెరిసిన అందం.. ముద్దుగుమ్మ సిరి గురించి మీకు తెలుసా..?

Viral Video: 90 నిమిషాల పోరాటం.. ముళ్ల పందిని వేటాడబోయిన చిరుత.. కట్ చేస్తే.!