Ram Gopal Varma : ఆయన లేకుంటే ఆర్జీవీ ఇలా ఉండేవాడు కాదు.. రామ్ గోపాల్ వర్మ ఆసక్తికర కామెంట్స్..
రామ్ గోపాల్ వర్మ (RGV) జీవితంపై ఆయన ఆలోచనా దృక్పథంపై అత్యంత ప్రభావం చూపిన వ్యక్తి సత్యేంద్ర. వర్మ తన కాలేజీ రోజుల్లో కలిసిన ఈ వ్యక్తి గురించి ఇంటర్వ్యూలలో అనేకసార్లు ప్రస్తావించారు. విజయవాడలోని సిద్ధార్థ ఇంజినీరింగ్ కాలేజీలో వర్మకు సత్యేంద్ర రెండు సంవత్సరాలు జూనియర్. వర్మ సివిల్ ఇంజినీరింగ్ చేస్తుండగా, సత్యేంద్ర మెకానికల్ విభాగంలో ఉండేవారు.
రామ్ గోపాల్ వర్మ తన జీవితంలో ఎదురైన వ్యక్తుల్లోకెల్లా తన కళాశాల స్నేహితుడు సత్యేంద్రను అత్యంత తెలివైన వ్యక్తిగా గుర్తు చేసుకున్నారు. సత్యేంద్ర తన వ్యక్తిత్వంపై గణనీయమైన ప్రభావాన్ని చూపారని, ఆయనతో పరిచయం లేకపోతే తన జీవితం మరో విధంగా ఉండేదని వర్మ తెలిపారు. సత్యేంద్రకున్న తార్కిక ఆలోచన, రేషనల్ థింకింగ్, అపారమైన విజ్ఞానం, ముఖ్యంగా సినిమాలపై ఆయనకున్న అవగాహన తనను ఎంతో ఆకట్టుకున్నాయని వర్మ వివరించారు. తాను సాధారణంగా ఎవరికీ భయపడనప్పటికీ, సత్యేంద్రతో ఉన్నప్పుడు మాత్రం ఒక రకమైన ఒత్తిడిని, ఆయనను మెప్పించాలనే తపనను అనుభవించేవాడినని వర్మ గుర్తు చేసుకున్నారు. కళాశాల రోజుల్లో సత్యేంద్ర ప్రవర్తన విభిన్నంగా ఉండేదని రామ్ గోపాల్ వర్మ పలు సంఘటనలను ప్రస్తావించారు. సత్యేంద్ర తరగతి గదికి టూత్ బ్రష్ జేబులో పెట్టుకుని, హవాయి చెప్పులతో వచ్చి, చివరి బెంచ్లో కూర్చుని పక్క విద్యార్థి నోట్ బుక్ నుండి పేపర్ చింపి, పెన్తో లెక్చరర్ చెప్పే విషయాలపై మధ్యలో ప్రశ్నలు వేసేవాడని వర్మ చెప్పారు. అర్థం అయిందని చెప్పి తరచు తరగతి నుండి మధ్యలో వెళ్లిపోయేవాడని, ఈ సంవత్సరమంతా విద్యార్థులందరికీ అర్థమయ్యేలా చెప్పేందుకు నా సమయాన్ని వృథా చేయలేను అని చెప్పేవాడని వర్మ పేర్కొన్నారు.
Read More Article: Rajamouli : ఆ హీరో నా పక్కన ఉంటే ఏదైనా చేయగలను.. రాజమౌళి కామెంట్స్..
పాపియాన్ సినిమా చూసేందుకు ఊర్వశి థియేటర్కు వెళ్లినప్పుడు, కళాశాల ప్రిన్సిపాల్తో సత్యేంద్ర సంభాషణను కూడా వర్మ పంచుకున్నారు. పరీక్షలు జరుగుతున్న సమయంలో సినిమాకు వచ్చినందుకు ప్రిన్సిపాల్ ప్రశ్నించగా, కళాశాల చదువులకన్నా ఈ సినిమాలో నేర్చుకోవాల్సింది ఎక్కువ ఉందని సత్యేంద్ర బదులిచ్చారని, ఆ సమయంలో ప్రిన్సిపాల్తో వైవాదానికి కూడా దిగారని వర్మ తెలిపారు. సత్యేంద్ర తనపై చూపిన ప్రభావం అపారమని, అయితే సత్యేంద్రకు తన గురించి అంతగా గుర్తుండకపోవచ్చని వర్మ అంగీకరించారు. సచిన్ టెండూల్కర్కు తాను ఎంత దూరమో, సత్యేంద్రకు కూడా అంతే దూరమని పోల్చారు. ఒక వ్యక్తిని గుర్తుంచుకోవడం అనేది ఆ వ్యక్తి తనపై కలిగించిన ప్రభావంపై ఆధారపడి ఉంటుందని వర్మ అభిప్రాయపడ్డారు. తన చివరిసారిగా దాదాపు పది-పన్నెండేళ్ల క్రితం వైజాగ్లోని ఒక చిన్న హోటల్ గదిలో సత్యేంద్రను కలిసినట్లు వర్మ గుర్తు చేసుకున్నారు. కేవలం నాలుగు అడుగుల బై ఐదు అడుగుల గదిలో, సెల్ బయాలజీ పుస్తకాల మధ్య సత్యేంద్ర ఉన్నాడని, అయితే తాను తనను కలవడం సత్యేంద్రకు ఇబ్బంది కలిగించిందని తనకు అనిపించిందని వర్మ వెల్లడించారు.
Read More Article: Trending : ఏం పాట మావ.. 26 ఏళ్లుగా యూట్యూబ్లో ట్రెండింగ్.. మళ్లీ మళ్లీ వినాలనిపించే సాంగ్..
సత్యేంద్ర అసాధారణమైన మేధస్సును కలిగి ఉన్నారని, అయితే అది తనను ఏకాకిని చేసిందేమోనని, “ఈ వృక్షం ఒంటరిగా నిలబడింది, అది మనుషులు, జంతువులకంటే ఎత్తుకు పెరిగింది, అది మాట్లాడాలనుకుంటే వినడానికి అంతకంటే ఎత్తైన వారు ఎవరూ లేరు” అని నీషే చెప్పిన మాటలను వర్మ ఉదహరించారు. సత్యేంద్ర ఆలోచనలను, జీవితాన్ని విశ్లేషించే అర్హత తనకు లేదని, ఎందుకంటే ఆయన స్థాయికి తాను చేరుకోలేనని వర్మ స్పష్టం చేశారు.
Read More Article: Actor : అతడికి 57.. ఆమెకు 24.. కట్ చేస్తే.. నాలుగేళ్లుగా ప్రేమలో టాలీవుడ్ విలన్..