Akhanda Movie: ‘అఖండ’ ఫస్ట్ సింగిల్ వచ్చేది ఆ స్పెషల్ రోజునే.. డేట్ ఫిక్స్ చేసిన చిత్రయూనిట్.. ఎప్పుడంటే..
Akhanda Movie Update: నందమూరి నటసింహం బాలకృష్ణ.. మాస్ డైరెక్టర్ బోయపాటి శ్రీను కాంబినేషన్లో తెరకెక్కుతున్న సినిమా 'అఖండ'.
Akhanda Movie Update: నందమూరి నటసింహం బాలకృష్ణ.. మాస్ డైరెక్టర్ బోయపాటి శ్రీను కాంబినేషన్లో తెరకెక్కుతున్న సినిమా ‘అఖండ’. ఇప్పటికే వీరిద్దరి కాంబోలో వచ్చిన సింహ, లెజెండ్ సినిమాలు బ్లా్క్ బస్టర్ గా నిలిచిన సంగతి తెలిసిందే. దీంతో మరోసారి ఈ హిట్ కాంబో రిపీట్ అవుతుండడంతో ఈ సినిమాపై అంచనాలు భారీగానే ఉన్నాయి. దీంతో ఈ మూవీ ఆరంభం నుంచే బాలయ్య బాబు లుక్, రోల్ గురించి అనేక గాసిప్స్ సోషల్ మీడియాలో తెగ వైరల్ అయ్యాయి. ఇక చాలా రోజుల సస్పెన్స్ తర్వాత ఇటీవలే బోయపాటి శ్రీను బాలయ్య అభిమానులకు సడెన్ సర్ఫ్రైజ్ గా బాలకృష్ణ లుక్, సినిమా టైటిల్ విడుదల చేయగా.. అదిరిపోయే రెస్పాన్స్ వచ్చింది. గత కొద్ది రోజులుగా ఎన్టీఆర్ జయంతి సందర్భాన్ని పురస్కరించుకుని, నిన్న ఈ సినిమా నుంచి ఫస్టు సింగిల్ వస్తుందని అంతా ఊహించారు. కానీ అలాంటిదేమీ జరగకపోవడంతో అభిమానులు నిరాశ చెందారు.
ఇక ఇప్పుడు ఈ సినిమా నుంచి ఫస్టు సింగిల్ ను బాలకృష్ణ పుట్టినరోజు కానుకగా, జూన్ 10వ తేదీన విడుదల చేయాలనే నిర్ణయానికి వచ్చినట్టుగా టాక్ వినిపిస్తోంది. ద్వారకా క్రియేషన్స్ బ్యానర్ పై భారీ బడ్జెట్ తో నిర్మితమవుతున్న ఈ సినిమాకి తమన్ సంగీతాన్ని అందిస్తున్నాడు. ఆయన స్వరపరిచిన బాణీలు ఈ సినిమాకి హైలైట్ గా నిలుస్తాయని అంటున్నారు. బాలకృష్ణ సరసన ప్రగ్యా జైస్వాల్ నటిస్తుండగా, మరో ముఖ్యమైన పాత్రలో పూర్ణ కనిపించనుంది. దసరాకి ఈ సినిమాను విడుదల చేసే అవకాశాలు ఉన్నట్లుగా సమాచారం.
Coronavirus: కోవిడ్ సోకిన వారు నిరంతరం ఆ రెండు జాగ్రత్తలు పాటిస్తే చాలు మరణం నుంచి రక్షణ పొందవచ్చు..