Balakrishna: నెవ్వర్ బిఫోర్.. ఎవ్వర్ ఆఫ్టర్.. బాలయ్య..అనిల్ సినిమా టైటిల్ సరికొత్తగా.. ఏంటంటే..
ప్రస్తుతం మాస్ డైరెక్టర్ గోపిచంద్ మలినేని దర్శకత్వంలో సినిమా చేస్తున్న సంగతి తెలిసిందే. ఇటీవల బాలయ్య పుట్టిన రోజు సందర్భంగా విడుదలైన గ్లింప్స్ సినిమాపై
నందమూరి నటసింహం బాలకృష్ణ (Balakrishna) ఇటీవల అఖండ సినిమాతో బాక్సాఫీస్ వద్ద సంచలనం సృష్టించిన సంగతి తెలిసిందే. బోయపాటి శ్రీను, బాలయ్య కాంబోలో వచ్చిన ఈ సినిమా కలెక్షన్ల వర్షం కురిపించింది. ఈ మూవీ తర్వాత బాలయ్య తన తదుపరి ప్రాజెక్ట్స్ పై ఫోకస్ పెట్టారు.. ప్రస్తుతం మాస్ డైరెక్టర్ గోపిచంద్ మలినేని దర్శకత్వంలో సినిమా చేస్తున్న సంగతి తెలిసిందే. ఇటీవల బాలయ్య పుట్టిన రోజు సందర్భంగా విడుదలైన గ్లింప్స్ సినిమాపై అంచనాలను అమాంతం పెంచేసింది. పూర్తి మాస్ యాక్షన్ నేపథ్యంలో వీరిద్దరి కాంబోలో సినిమా రాబోతున్నట్లుగా తెలుస్తోంది. ఈ మూవీ తర్వాత.. డైరెక్టర్ అనిల్ రావిపూడి దర్శకత్వంలో బాలయ్య సినిమా చేయనున్నాడు..
ఇప్పటికే వీరిద్దరి ప్రాజెక్ట్ గురించి అధికారిక ప్రకటన సైతం వచ్చింది. ఇందులో బాలయ్యను సరికొత్తగా చూపించబోతున్నానని.. తన మార్క్ కామెడీని పక్కన పెట్టి.. యాక్షన్ నేపథ్యంలో మూవీ చేయబోతున్నట్లుగా డైరెక్టర్ అనిల్ రావిపూడి ఇటీవల ఓ ఇంటర్వ్యూలో స్పష్టతనిచ్చాడు. తాజాగా ఈ సినిమా గురించి మరో లేటేస్ట్ అప్డేట్ ఫిల్మ్ వర్గాల్లో చక్కర్లు కొడుతుంది. ఈ సినిమాకు బ్రో.. ఐ డోంట్ కేర్ అని టైటిల్ ఫిక్స్ చేయాలని భావిస్తున్నారట మేకర్స్. త్వరలోనే ఇందుకు సంబంధించిన అధికారిక ప్రకటన రానుందని టాక్. ఇందులో బాలయ్య 50 ఏళ్ల వ్యక్తిగా కనిపిస్తారని.. ఆయన కూతురుగా శ్రీలీల కనిపించనుందని టాక్ నడుస్తోంది. అంతేకాకుండా.. ఇందులో బాలయ్య సరసన ప్రియమణి.. ప్రతినాయకురాలిగా అంజలి నటించనుందని తెలుస్తోంది. ఈ మూవీ రెగ్యులర్ షూటింగ్ అక్టోబర్ నుంచి ప్రారంభం కానుందని తెలుస్తోంది.
