Akkineni Nagarjuna: 66 ఏళ్ల వయసులోనూ కింగ్ నాగార్జున జుట్టు ఇలా ఉండటానికి కారణం ఆ జ్యూస్..!
నాగార్జున మేకప్ మ్యాన్ చంద్ర.. కింగ్ ఫిట్నెస్ రహస్యాలను పంచుకున్నారు. నాగార్జున వారంలో ఐదు రోజులు మితంగా మామూలు ఆహారం తీసుకుంటారు. మధ్యాహ్నం బెండకాయ తప్పనిసరి. దంపుడు బియ్యం రైస్ మాత్రమే తింటారు. శనివారం పాంప్లెట్ చేప, ఆదివారం చికెన్/మటన్ చాలా లైట్గా తీసుకుంటారు. జుట్టు రాలకుండా ఉదయం ప్రత్యేక జ్యూస్ తాగుతారు.
అక్కినేని నాగార్జున జీవనశైలి, ఆరోగ్య రహస్యాలు ఎందరికో ఆదర్శం. ఆయన రిచ్నెస్ను పక్కన పెడితే, ఆయన ఫిట్నెస్, ఆహారపు అలవాట్లు అద్భుతం. ఈ విషయాలను ఆయన మేకప్ మ్యాన్ చంద్ర ఓ ఇంటర్వ్యూలో పంచుకున్నారు. నాగార్జున ఆరోగ్యం, నిత్య యవ్వనానికి గల కారణాలను ఆయన వివరించారు. నాగార్జున వారంలో ఐదు రోజులు మామూలు ఆహారాన్నే మితంగా తీసుకుంటారు. ఉదాహరణకు, అల్పాహారంగా ఒకే ఇడ్లీ లేదా ఒక వడ, లేదా ఒక గారె మాత్రమే తీసుకుంటారు. ఆయన ఆకలి వేసినప్పుడే ఆహారం తీసుకుంటారు, ఆకలి లేనిదే తినరు. మధ్యాహ్న భోజనం విషయానికి వస్తే, కొన్ని ప్రత్యేక అలవాట్లు ఉన్నాయి. బెండకాయ ప్రతిరోజు తప్పనిసరిగా ఉండాలి. దాంతో పాటు హాట్ చిప్స్ ఉంటాయి. ఆయన తినే రైస్ కూడా దంపుడు బియ్యం, అంటే బ్రౌన్ రైస్. ఇవి బాగా మెత్తగా, ముద్దగా ఉంటేనే ఆయన ఇష్టపడతారు. మధ్యాహ్నం భోజనంలో రసం, ఒక అరటిపండు కూడా ఉంటాయి. మొత్తంగా నాలుగైదు రకాల పదార్థాలు మాత్రమే ఆయన ఆహారంలో ఉంటాయి.
వారాంతాల్లో నాగార్జున ఆహారంలో కొంత మార్పు కనిపిస్తుంది. శనివారం రాత్రి ఆయనకు అత్యంత ఇష్టమైన పాంప్లెట్ చేపను తీసుకుంటారు. దీనిని ప్రత్యేక పద్ధతిలో తయారు చేస్తారు. ఆలివ్ ఆయిల్లో సన్నగా తరిగిన వెల్లుల్లిపాయలు, అల్లం, పెప్పర్ కలిపి, చేపపై వేసి సిద్ధం చేస్తారు. దీనికి పసుపు, అల్లం ముద్ద వంటి సాధారణ మసాలాలు వాడరు. ఈ చేపను ఒకటికి రెండు కూడా తింటారని చంద్ర తెలిపారు. ఆదివారం మటన్ లేదా చికెన్ రెండు లేక మూడు ముక్కలు మాత్రమే తీసుకుంటారు. ఆదివారం మాత్రం కాస్త ఎక్కువగా తింటారని చంద్ర తెలిపారు. నాగార్జునగారు రోజూ తప్పకుండా జిమ్ చేస్తారు.
Also Read: అందరి ముందు భార్య కాళ్లు కడిగి.. ఆ నీళ్లు నెత్తిన చల్లుకున్న తెలుగు నటుడు..
నాగార్జున ఆరోగ్యానికి, ముఖ్యంగా జుట్టు ఆరోగ్యానికి కీలకమైన ఒక ప్రత్యేక జ్యూస్ను ఉదయాన్నే తాగుతారు. రాగి గ్లాసులో నిమ్మకాయ, ఉసిరికాయ, క్యారెట్, బీట్రూట్, పటిక బెల్లం లేదా తేనె కలిపి తయారు చేసిన ఈ జ్యూస్ను పరిగడుపున తీసుకుంటారు. ఈ జ్యూస్ కారణంగానే ఆయనకు జుట్టు రాలదని, అన్నమయ్య సినిమా తప్ప ఆయన కెరీర్లో మరెప్పుడూ విగ్గు వాడలేదని చంద్ర వెల్లడించారు. ప్రెసిడెంట్ గారి పెళ్ళాం సినిమాకు మొదట విగ్గు పెట్టినా, తర్వాత తీసేశారని ఆయన గుర్తు చేసుకున్నారు. ఈ జ్యూస్ ఎవరికైనా జుట్టు రాలకుండా కాపాడుతుందని, అయితే దీనిని నిత్యం మెయింటైన్ చేయగలగడం ముఖ్యమని చంద్ర చెప్పుకొచ్చారు. చంద్ర నాగార్జునగారికి కేవలం మేకప్ మ్యాన్ మాత్రమే కాదు, స్నేహితుడిగా కూడా మెలిగారు. ఆయన కోసం అన్నీ స్వయంగా చేసి పెట్టేవారు. అవుట్ డోర్ షూటింగ్లలో చేపలు దొరికితే వండి పెట్టేవారు. వంటపై ఆసక్తి ఉన్న చంద్రకు, నాగార్జున తరచూ యూట్యూబ్లో చూసి కొత్త వంటకాల గురించి, ముఖ్యంగా దమ్ బిర్యానీ, ఫిష్ గ్రిల్లింగ్, తందూరి చికెన్ వంటి వాటి గురించి చెప్పేవారని తెలిపారు. “ఆయన హీరోగా, నేను మేకప్ మ్యాన్గా ఉండేవాళ్లం కాదు,” అని చంద్ర వారి స్నేహబంధాన్ని వర్ణించారు. నాగార్జున ఉన్నచోట తాను, తాను ఉన్నచోట నాగార్జున నీడలాగా ఉండేవారని చంద్ర భావోద్వేగంగా చెప్పారు.