Tamannah: నానితో స్పెషల్ సాంగ్ చేయనున్న తమన్నా ?..
భారీ అంచనాల మధ్య తెరకెక్కుతున్న ఈ మూవీ ఓ స్పెషల్ సాంగ్ ఉంటుందని సమాచారం. అయితే ఈ పాటలో నాని సరసన మిల్కీబ్యూటీ తమన్నా స్టెప్పులేయనున్నట్లు తెలుస్తోంది.
శ్యామ్ సింగరాయ్ సినిమాతో సూపర్ హిట్ అందుకున్న నాని.. ఆతర్వాత వచ్చిన అంటే సుందరానికి సినిమాతో ప్రేక్షకులను మెప్పించలేకపోయాడు. ఎన్నో అంచనాల మధ్య విడుదలైన ఈ సినిమాకు మిశ్రమ స్పందన లభించింది. ఇక ప్రస్తుతం న్యాచురల్ స్టార్ ప్రధాన పాత్రలో నటిస్తోన్న లేటేస్ట్ చిత్రం దసరా. డైరెక్టర్ శ్రీకాంత్ ఓదెల తెరకెక్కిస్తున్న ఈ మూవీలో కీర్తి సురేష్ కథానాయికగా నటిస్తోంది. ఇప్పటికే ఈ సినిమా నుంచి విడుదలైన పోస్టర్స్ ఆకట్టుకున్నాయి. ఇందులో నాని పక్కా ఊర మాస్ లుక్ లో కనిపించనున్నాడు. దీంతో ఈ చిత్రం కోసం నాని ఫ్యాన్స్ ఎంతో ఆసక్తిగా ఎదురుచూస్తున్నారు. అయితే ఈ సినిమా గురించి ఎప్పటికప్పుడు పలు ఇంట్రెస్టింగ్ అప్డేట్స్ ఫిల్మ్ సర్కిల్లో సందడి చేస్తున్నాయి. తాజాగా మరో క్రేజీ న్యూస్ ఇండస్ట్రీలో వినిపిస్తోంది.
భారీ అంచనాల మధ్య తెరకెక్కుతున్న ఈ మూవీ ఓ స్పెషల్ సాంగ్ ఉంటుందని సమాచారం. అయితే ఈ పాటలో నాని సరసన మిల్కీబ్యూటీ తమన్నా స్టెప్పులేయనున్నట్లు తెలుస్తోంది. ప్రస్తుతం తమన్నాతో చర్చలు జరుపుతున్నారని.. ఒకవేళ మిల్కీబ్యూటీ గ్రీన్ సిగ్నల్ ఇస్తే.. దసరా చిత్రంలో తమన్నా స్పెషల్ సాంగ్ హైలెట్ అంటున్నారు. నాని, తమన్నా కాంబో అదిరిపోతుందంటున్నారు ఫ్యాన్స్.
ఈ చిత్రంలో సాయి కుమార్, సముద్రఖని, జరీనా వహబ్ కీలకపాత్రలలో కనిపించనున్నారు. ఈ సినిమాకు సంతోష్ నారాయణ్ సంగీతం అందిస్తున్నారు. శ్రీలక్ష్మీ వెంకటేశ్వర సినిమాస్ బ్యానర్ పై సుధాకర్ చెరుకూరి నిర్మిస్తున్నారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.