Sharwanand: సినిమా చూసి ఎమోషనల్ అయిన శర్వానంద్.. మనసు నిండిపోయిందంటూ ట్వీట్..
మథర్ తో కలిసి థియేటర్లలో సినిమా చూసి వస్తున్న వీడియోను షేర్ చేస్తూ మనసు నిండిపోయింది అంటూ క్యాప్షన్ ఇచ్చారు శర్వానంద్. అందులో తన కుటుంబం శర్వాను అప్యాయంగా పలకరిస్తూ కనిపించారు.
ఆడవాళ్లు మీకు జోహార్లు తర్వాత శర్వానంద్ (Sharwanand) నటించిన లేటేస్ట్ చిత్రం ఒకే ఒక జీవితం. సైన్స్ ఫిక్షన్ డ్రామాగా డైరెక్టర్ శ్రీకార్తిక్ తెరకెక్కించిన ఈ సినిమా సెప్టెంబర్ 9న విడుదలై పాజిటివ్ టాక్ సొంతం చేసుకుంది. ఇందులో రీతూ వర్మ కథానాయికగా నటించగా.. అక్కినేని అమల.. ప్రియదర్శి, రాహుల్ రామకృష్ణ కీలకపాత్రలలో నటించారు. విడుదలైన మొదటి రోజే అన్ని వర్గాల ప్రేక్షకుల నుంచి మంచి రెస్పాన్స్ అందుకుంది ఈ మూవీ. అయితే శుక్రవారం తన తల్లితోపాటు కుటుంబంతో కలిసి ఈ సినిమా చూశారు శర్వానంద్. మథర్ తో కలిసి థియేటర్లలో సినిమా చూసి వస్తున్న వీడియోను షేర్ చేస్తూ మనసు నిండిపోయింది అంటూ క్యాప్షన్ ఇచ్చారు శర్వానంద్. అందులో తన కుటుంబం శర్వాను అప్యాయంగా పలకరిస్తూ కనిపించారు.
డైరెక్టర్ శ్రీకార్తీక్ తెరకెక్కించిన ఈ సినిమా తల్లి.. కొడుకుల మధ్య బంధాన్ని చూపిస్తుంది. కళారంగంలో సంగీతాకళాకారుడిగా ఎదగాలనుకున్నఓ కుర్రాడికి.. ఎదురైన పరిస్థితులు.. తల్లి మరణంతో జీవితంపై ఆశలు కోల్పోతాడు. కానీ ఓ సైంటిస్ట్ సాయంతో మళ్లీ గతంలోకి తన స్నేహితులతో కలిసి వెళ్లిన తర్వాత తన తల్లిని కలుసుకోవడం.. ఎదురైన సందర్భాలు ఈ సినిమాలో చూడవచ్చు. డ్రీమ్ వారియర్ పిక్చర్స్ బ్యానర్ పై ఎస్ఆర్ ప్రకాష్ బాబు, ఎస్ఆర్ ప్రభు నిర్మించారు. ఇక ఈ సినిమా కాకుండా.. శర్వానంద డైరెక్టర్ కృష్ణ చైతన్య దర్శకత్వంలో ఓ సినిమా చేయనున్న సంగతి తెలిసిందే. ఇందులో రాశి ఖన్నా కథానాయికగా నటిస్తోంది.
Heart is full ❤️#OkeOkaJeevitham #Kanam pic.twitter.com/vZdIHKTM8g
— Sharwanand (@ImSharwanand) September 9, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.