ఆ రోజు షూటింగ్ లో ఒక్కరు కూడా నన్ను పేరుపెట్టి పిలవలేదు.. షాకింగ్ విషయం చెప్పిన సాయి కుమార్
బాలనటుడిగా చిత్ర రంగ ప్రవేశం చేసిన సాయికుమార్ ‘దేవుడు చేసిన పెళ్లి’తో తెరంగేట్రం చేశారు.ఆ తరువాత బాపు దర్శకత్వం వహించిన స్నేహం సినిమాలో మంచి నటుడిగా గుర్తింపు సంపాదించుకున్నారు. సాయి కుమార్ కెరీర్లో ఎన్నో మరుపు రాని హిట్ చిత్రాలున్నాయి. కన్నడ, తెలుగులో ఎన్నో ఎవర్ గ్రీన్ చిత్రాల్లో ఆయన నటించారు.
ప్రముఖ నటుడు సాయి కుమార్ తన సినీ ప్రస్థానాన్ని, అగ్రతారలు అలాగే దిగ్గజ దర్శకులతో తనకున్న అనుబంధాన్ని వివరించారు. ముఖ్యంగా సూపర్ స్టార్ కృష్ణ గారితో తన తండ్రికి ఉన్న సంబంధాన్ని, తానూ కృష్ణ గారితో కలిసి పనిచేసిన మధురానుభూతులను పంచుకున్నారు. తన తండ్రి, కృష్ణ గారు, శోభన్ బాబు గారు వంటి వారు దాదాపు ఒకే సమయంలో సినీ పరిశ్రమలోకి అడుగుపెట్టారని సాయి కుమార్ వెల్లడించారు. తన తండ్రి ఎన్నో చిత్రాలకు డబ్బింగ్ చెప్పేవారని, కృష్ణ గారు కూడా ఆయనతో అనేక మంచి పాత్రలు చేయించారని స్మరించుకున్నారు. కృష్ణ గారు నటించిన విజయవంతమైన చిత్రం గూఢచారి 116లో తన తండ్రి ఫైట్లు చేశారని, ఆ సినిమా పెద్ద హిట్గా నిలిచిందని పేర్కొన్నారు.
నేను మాట్లాడిన మాట ప్రజల్లోకి వల్గర్గా వెళ్ళింది.. నా వల్ల ఆ స్టార్ డైరెక్టర్ మాటలు పడ్డారు..
తన సినీ జీవితం ప్రారంభంలో డబ్బింగ్లు చెప్పడంతో పాటు, నటుడిగా కూడా అవకాశాలు వెతుక్కున్నానని సాయి కుమార్ తెలిపారు. మురళీ మోహన్ రావు గారి దర్శకత్వంలో ఒక చిత్రంలో హోటల్ రిసెప్షనిస్ట్గా నటించానని, అది మంచి సినిమా అని గుర్తుచేసుకున్నారు. ఆ తరువాత, ఒక రోజు దర్శకుడు గోపాల్ గారు ఫోన్ చేసి అగ్ని పర్వతం చిత్రంలో విజయశాంతి గారి భర్త పాత్ర ఉందని, చేస్తావా అని అడిగారని తెలిపారు. వెంటనే అంగీకరించి షూటింగ్ కు వెళ్లగా, లొకేషన్లో ఎవరూ తనను పేరుతో పిలవకుండా “పెళ్లి కొడుకు” అని మాత్రమే పిలిచారని, ఇది తనకు ఆశ్చర్యం కలిగించిందని సరదాగా చెప్పారు. దర్శకులు రాఘవేంద్ర రావు గారు కూడా “పెళ్లి కొడుకుని రమ్మనయ్యా” అని చెప్పారని, కృష్ణ గారు వచ్చేలోపు తన షాట్లు తీయడానికి ప్రయత్నించారని వివరించారు. ఫ్రేమ్లోకి తను వచ్చినప్పుడు, “నువ్వేంట్రా?” అని కృష్ణ గారు అనగా, “వేషం వేషం అని నేను ఎప్పటినుంచో అడుగుతున్నాను” అని చెప్పానని అన్నారు.
Anand Deverakonda: అసలు ఎపిక్ సినిమా అంటే అదే.. ఆ సీన్లో కన్నీళ్లు పెట్టుకున్నా: ఆనంద్ దేవరకొండ
అప్పుడు కృష్ణ గారు గోపాల్ గారిని పిలిచి, పరుచూరి బ్రదర్స్ ను పిలిపించి, మంచి డైలాగ్స్ రాయించి, తనను సినిమాలో కొనసాగించారని సాయి కుమార్ ఆ సంఘటనను గుర్తు చేసుకున్నారు. అగ్ని పర్వతం ఒక సూపర్ హిట్ సినిమా అని తెలిపారు. తాను ముప్పలనేని శివ దర్శకత్వంలో కూడా ఒక సినిమాలో నటించానని, అలాగే ప్రముఖ నటి, దర్శకురాలు విజయనిర్మల గారి దగ్గర కూడా మంచి సినిమాలు చేశానని, ఆమె దర్శకత్వంలో పిన్ని వంటి కొన్ని మంచి చిత్రాలలో నటించానని సాయి కుమార్ పేర్కొన్నారు. శోభన్ బాబు గారితో కూడా తన సినీ ప్రస్థానంలో అనేక చిత్రాలలో నటించానని, ముఖ్యంగా పరువు ప్రతిష్ట, దోషి నిర్దోషి వంటి మంచి చిత్రాలను రామానాయుడు గారి బ్యానర్లో చేశానని తెలిపారు.
ఆ సినిమా ఫ్లాప్ అవుతుందనుకోలేదు.. ఆ దెబ్బకు 3 నెలలు ఇంట్లో నుంచి బయటకు రాలేదు
మరిన్ని సినిమా వార్తల కోసం ఇక్కడ క్లిక్ చేయండి.