Nikhil Siddhartha: నిఖిల్ బర్త్ డే సెలబ్రేషన్స్.. యుద్ధం చేసే కత్తితో కేక్ కట్ చేసిన హీరో.. వీడియో

Nikhil Siddhartha

తెలుగులో వైవిధ్యమైన కథలతో సినిమాలు చేసే హీరోల్లో నిఖిల్ సిద్ధార్థ్ ఒకరు. కార్తి కేయ 2 సినిమాతో పాన్ ఇండియా రేంజ్ లో ఫేమస్ అయ్యాడీ ట్యాలెంటెడ్ హీరో. ఆ తర్వాత 18 పేజేస్ లాంటి ప్రేమకథతో మరో హిట్ ను ఖాతాలో వేసుకున్నాడు. భారీ అంచనాలతో పాన్ ఇండియా రేంజ్ లో రిలీజైన స్పై నిరాశ పరిచినా నిఖిల్ నటనకు ప్రశంసలు దక్కాయి. ఇప్పుడు స్వయంభూ అంటూ మరో పాన్ ఇండియా మూవీతో మన ముందుకు వస్తున్నాడు నిఖిల్. పీరియాడికల్ యాక్షన్ థ్రిల్లర్ గా తెరకెక్కుతోన్న ఈ సినిమాలో సంయుక్తా మేనన్, నభా నటేష్ హీరోయిన్లు గా నటిస్తున్నాడు. భరత్ కృష్ణమాచారి దర్శకత్వం చేస్తున్నారు. ఇప్పటికే ఈ మూవీ నుంచి రిలీజైన పోస్టర్స్, గ్లింప్స్ స్వయంభూ పై అంచనాలను పెంచేశాయి. ఇదిలా ఉంటే శనివారం (జూన్ 1) నిఖిల్ పుట్టిన రోజు. ఈ సందర్భంగా స్వయంభూ సినిమాకు సంబంధించి నిఖిల్ స్పెషల్ పోస్టర్ ను రిలీజ్ చేశారు మేకర్స్. ఇందులో కత్తి తిప్పుతున్న యోధుడి లుక్ లో నిఖిల్ సూపర్బ్ గా కనిపించాడు. ప్రస్తుతం ఈ పోస్టర్ నెట్టింట బాగా వైరలవుతోంది.

ఇదిలా ఉంటే స్వయంభు షూటింగ్ సెట్ లో నిఖిల్ పుట్టిన రోజు వేడకలను అట్టహాసంగా నిర్వహించారు. ఈ సందర్భంగా యుద్ధం చేసే పెద్ద కత్తితో నిఖిల్ తన బర్త్ డే కేక్ ను కట్ చేయడం విశేషం. ప్రస్తుతం ఇందుకు సంబందించిన వీడియో సోషల్ మీడియాలో బాగా వైరల్ అవుతుంది. స్వయం భూ సినిమాను ఠాగూర్ మధు సమర్పణలో పిక్సెల్‌ స్టూడియోస్ బ్యానర్‌పై భువన్‌, శ్రీకర్ పాన్ ఇండియా స్థాయిలో నిర్మిస్తున్నారు. ‘బాహుబలి, ఆర్‌ర్‌ఆర్‌’ వంటి చిత్రాలకు పని చేసిన కేకే సెంథిల్‌ కుమార్‌ ఈ సినిమాకు సినిమాటోగ్రాఫర్‌ గా వ్యవహరిస్తున్నారు. అలాగే కేజీఎఫ్, సలార్ సినిమాలకు సంగీతం అందించిన రవి బ్రసూర్ స్వరాలు సమకూరుస్తున్నారు. ఇప్పటికే ఈ సినిమా షూటింగ్ చాలా వరకు పూర్తయినట్లు సమాచారం. ఈ ఏడాదిలోనే ఈ సినిమా రిలీజ్ కానుంది. త్వరలోనే ఈ సినిమాకు సంబంధించి మరిన్ని అప్ డేట్స్ రానున్నాయి.

వీడియో ఇదిగో..

మరిన్ని సినిమా వార్తల కోసం ఇక్కడ క్లిక్ చేయండి.