Banerjee: ఎవరైనా ఆ హీరో బయోపిక్ తీయాలి.. ఎన్నో కష్టాలు, సవాళ్లు ఎదుర్కున్నాడు..
ఎన్నో సూపర్ హిట్ సినిమాల్లో నటించి మెప్పించారు నటుడు బెనర్జీ. ఎన్నో సినిమాల్లో వివిధ పాత్రలు పోషించి ఆకట్టుకున్నారు. విలన్ గా సహాయక పాత్రలు చేసి అలరించారు . స్టార్ హీరోల సినిమాల్లో నటించి ఆకట్టుకున్నారు. ఎక్కువ శాతం బెనర్జీ విలన్ పాత్రలే చేసి ఆడియన్స్ ను భయపెట్టారు.
సీనియర్ నటుడు బెనర్జీ సుమన్టీవీకి ఇచ్చిన ప్రత్యేక ఇంటర్వ్యూలో తన సినీ జీవితంలోని అనేక జ్ఞాపకాలను, ముఖ్యంగా మెగాస్టార్ చిరంజీవి ప్రస్థానం గురించి పంచుకున్నారు. 1979 నుంచే చిరంజీవిని తాను చూస్తున్నానని, ఆయన ఎంతో మంచి వ్యక్తి అని బెనర్జీ అన్నారు. చిరంజీవి ఎటువంటి సినీ నేపథ్యం లేకుండా, సొంతంగా కష్టపడి మెగాస్టార్ స్థాయికి ఎదగడం ఒక అద్భుతమని ఆయన పేర్కొన్నారు. సాధారణంగా చాలామంది హీరోలు వస్తారని, వెళ్తారని, కానీ చిరంజీవి తనదైన శైలిలో, డాన్సులు, ఫైట్ల విషయంలో ఒక కొత్త ట్రెండ్ను సృష్టించి, తెలుగు సినీ చరిత్రలో తనకంటూ ఒక ప్రత్యేక స్థానాన్ని సంపాదించుకున్నారని బెనర్జీ వివరించారు. చిరంజీవి జీవితంలోని కష్టాలు, సవాళ్లు, రాజకీయ ప్రవేశం, నిష్క్రమణ వంటి అనేక విభిన్న దశలను ఆయన గుర్తుచేసుకున్నారు. ఎవరైనా చిరంజీవి బయోగ్రఫీ తీస్తే బాగుంటుందని అన్నారు.
ఇది కూడా చదవండి : హిట్లర్ సినిమాలో చిరంజీవి చెల్లెళ్లు ఇప్పుడు ఎక్కడున్నారు.? ఏం చేస్తున్నారో తెలుసా.?
అలాగే ఆయన మాట్లాడుతూ.. 1986లో తన వివాహం జరిగిన మూడవ రోజు ఊటీలో మాస్టారి కాపురం సినిమా షూటింగ్ జరిగిందని, భానుచందర్ హీరోగా, అమల హీరోయిన్గా నటించిన ఆ సినిమాలో తాను కామెడీ విలన్ పాత్ర పోషించానని తెలిపారు. శివప్రసాద్ రెడ్డి ఈ సినిమాకు భాగస్వామి అని, ఆయన తన హనీమూన్ను కూడా అక్కడే ఏర్పాటు చేశారని సరదాగా గుర్తుచేసుకున్నారు. భానుచందర్, శరత్ బాబులతో తనకున్న స్నేహాన్ని గురించి మాట్లాడుతూ, భానుచందర్ తన చిన్నప్పటి నుంచీ స్నేహితుడని, మాస్టర్ వేణు గారి అబ్బాయి అని చెప్పారు. భానుచందర్ ఆరోగ్య స్పృహ గల వ్యక్తి అని, కరాటే వంటివి నిత్యం సాధన చేసేవారని, ఇప్పటికీ 25ఏళ్ల వ్యక్తిలా కనిపిస్తారని ప్రశంసించారు.
ఇది కూడా చదవండి :ఆయన చనిపోయినప్పుడు చాలా బాధపడ్డా.. రామ్ గోపాల్ వర్మ ఎమోషనల్ కామెంట్స్
శరత్ బాబు సినీ పరిశ్రమకు వచ్చినప్పటి నుంచీ తనకు తెలుసని, మద్రాసులో ఉన్నప్పుడు ఆయనతో పరిచయం ఏర్పడిందని బెనర్జీ పేర్కొన్నారు. తన వ్యక్తిగత విషయాల గురించి మాట్లాడుతూ, ఒకప్పుడు జిమ్ చేసేవాడినని, బాడీ మెయింటైన్ చేసేవాడినని, కానీ స్లిప్ డిస్క్ సమస్య కారణంగా ప్రస్తుతం వాకింగ్ మాత్రమే చేస్తున్నానని తెలిపారు. ప్రస్తుత తరం యువ హీరోలు చాలా ప్రొఫెషనల్ గా, అంకితభావంతో పనిచేస్తున్నారని, వారి పని పట్ల అంకితభావం అద్భుతమని ప్రశంసించారు. వెంకటేష్, రవితేజ, పూరి జగన్నాథ్ వంటి వారి సినీ రంగ ప్రవేశం గురించి ప్రస్తావిస్తూ, అప్పుడున్న బంధాలు వేరని, చిన్న, పెద్ద తేడాలు లేకుండా అందరూ కలిసిమెలిసి ఉండేవారని బెనర్జీ గుర్తుచేసుకున్నారు. నాగార్జున, మహేష్ బాబు వంటి స్టార్ కిడ్స్ తో చిరంజీవి ప్రస్థానాన్ని పోల్చి చూస్తూ, చిరంజీవి సినీ నేపథ్యం లేకుండా ఎదగడం ఒక స్ఫూర్తిదాయకమైన కథ అని బెనర్జీ తెలిపారు.
ఇది కూడా చదవండి : Trisha: విజయ్ కాదు అతనే నా ఫేవరెట్ హీరో.. ఊహించని పేరు చెప్పిన త్రిష
మరిన్ని సినిమా వార్తల కోసం ఇక్కడ క్లిక్ చేయండి.