శరవేగంగా పవన్ -క్రిష్ సినిమా షూటింగ్… స్పాట్ నుంచి లీక్ అయిన పవన్ లుక్ ..సోషల్ మీడియాలో వైరల్
పవర్ స్టార్ పవన్ కళ్యాణ్.. వరుస సినిమాలకు కమిటైన సంగతి తెలిసిందే. ఏ మాత్రం గ్యాప్ ఇవ్వకుండా అటు రాజకీయాలు, ఇటు సినిమా షూటింగ్స్ బ్యాలెన్స్ చేస్తూ వస్తున్నారు పవన్...
Pawan Kalyan : పవర్ స్టార్ పవన్ కళ్యాణ్.. వరుస సినిమాలకు కమిటైన సంగతి తెలిసిందే. ఏ మాత్రం గ్యాప్ ఇవ్వకుండా అటు రాజకీయాలు, ఇటు సినిమా షూటింగ్స్ బ్యాలెన్స్ చేస్తూ వస్తున్నారు పవన్. ఈ నేపథ్యంలో ఇటీవలే తన ‘వకీల్ సాబ్’ షూటింగ్ కంప్లీట్ చేసిన ఆయన తదుపరి సినిమాలపై ఫోకస్ పెట్టారు. ‘వకీల్ సాబ్’ షూటింగ్ ఫినిష్ కావడంతో మళయాళ సూపర్ హిట్ మూవీ ‘అయ్యప్పనుమ్ కోషియమ్’ సినిమా తెలుగు రీమేక్‌ సెట్స్ పైకి వచ్చేశారు పవన్ కళ్యాణ్. ఇటీవలే ఈ మూవీ రెగ్యులర్ షూటింగ్ ప్రారంభమైంది.
అయితే ఈ మూవీతో పాటు ప్యారలల్‌గా క్రిష్ సినిమాను కూడా పట్టాలెక్కించేసారు. పవన్ కళ్యాణ్ కెరీర్‌లో 27వ సినిమాగా ప్రేక్షకుల ముందుకు రానుంది. ఎ.ఎం.రత్నం నిర్మాతగా వ్యవహరిస్తున్న ఈ సినిమాలో పవన్ సరసన ఇస్మార్ట్ బ్యూటీ నిధి అగర్వాల్, బాలీవుడ్ బ్యూటీ జాక్వలైన్‌ ఫెర్నాండెజ్‌ హీరోయిన్లుగా నటిస్తున్నారని తెలిసింది. ఈ సినిమా మొగలాయిలా కాలంనాటి కథతో తెరకెక్కుతుందని తెలుస్తుంది. రాజకీయాల్లో ఉన్నంతకాలం గుబురు గడ్డం, మీసాలతో కనిపించిన పవన్ కళ్యాణ్.. గడ్డం తీసేసి కొత్తగా కనిపించగానే అభిమానులు తెగ షేర్ చేస్తున్నారు ఫోటోలను. అయితే లేటెస్ట్ లుక్ మాత్రం క్రిష్ సినిమా కోసమేఅంటూ వార్తలు వచ్చాయి.
ఇప్పుడు సినిమా సెట్ నుంచి పవర్ స్టార్ ఫొటో లీక్ కావడం ఆశ్చర్యానికి గురిచేస్తోంది. ఇప్పడు ఈ ఫొటో సోషల్ మీడియాలో తెగ వైరల్ అవుతోంది. త్వరలోనే ఫస్ట్ లుక్ కూడా రిలీజ్ చేయబోతున్నారని సమాచారం. పవన్ కెరీర్ లోనే హయ్యెస్ట్ బడ్జెట్ మూవీగా నిలవబోతున్న ఈ మూవీని.. దాదాపు 170 కోట్ల రూపాయల వ్యయంతో తెరకెక్కించబోతున్నారట. ఈ సినిమాకు ‘హరిహర వీరమల్లు’ అనే టైటిల్ ను పరిశీలిస్తున్నట్టు ప్రచారం జరుగుతోంది కాగా.. షూటింగ్ స్పాట్ నుంచి పవన్ లేటెస్ట్ పిక్ ఒకటి రిలీజ్ అయ్యింది. ఈ ఫొటోలో పవన్ పీరియాడికల్ లుక్ లో కనిపిస్తున్నారు. కాగా మహాశివరాతి సందర్భంగా ఈ సినిమా ఫస్ట్ లుక్ రాబోతుందని ఫిలిం నగర్ లో టాక్.
మరిన్ని ఇక్కడ చదవండి :