Bigg Boss 6: బిగ్‏బాస్ కంటెస్టెంట్స్ వీళ్లే.. ఇక ఆట మొదలు ఎప్పటినుంచంటే..

Bigg Boss

బుల్లితెరపై బిగ్‏బాస్ సందడి మొదలు కాబోతుంది. ప్రేక్షకులు ఎప్పుడెప్పుడా అని ఎదురుచూస్తున్న బిగ్‏బాస్ సీజన్ 6 త్వరలోనే రాబోతుందంటూ ప్రోమోను రిలీజ్ చేశారు మేకర్స్. ఇక ఇప్పటికే నెట్టింట బిగ్‏బాస్ సందడి షూరు అయ్యింది. సెప్టెంబర్ 4 నుంచి బిగ్‏బాస్ 6వ సీజన్ గ్రాండ్ గా ప్రారంభం కానుంది. ఈసారి ఈ షోలోకి మొత్తం 19 మంది కంటెస్టెంట్స్ రాబోతున్నట్లుగా తెలుస్తోంది. అందులో 10 మంది అమ్మాయిలు.. 9 మంది అబ్బాయిలు ఉండనున్నట్లు తెలుస్తోంది. ఫేమస్ సెలబ్రెటీలతోపాటు.. యూట్యూబర్స్, బుల్లితెర నటీనటులు ఉండనున్నారు. అయితే ఇప్పటికే బిగ్‏బాస్ రియాల్టీ షోలోకి వెళ్లే అంటూ కంటెస్టెంట్స్ లిస్ట్ నెట్టింట చక్కర్లు కొడుతుంది. ఇంతకీ ఎవరెవరో తెలుసుకుందామా.

సోషల్ మీడియాలో బాగా ఫేమస్ అయిన గీతు ఈసారి బిగ్‏బాస్ ఇంట్లోకి అడుగుపెట్టనుంది. తన మాటలతో ఎంతో మంది ఫాలోవర్లను సంపాదించుకున్న గీతూ.. ప్రస్తుతం జబర్థస్త్ కామెడీ షోలో పాల్గోంటుంది. అలాగే.. యూట్యూబర్ ఆదిరెడ్డి కూడా బిగ్‏బాస్ ఛాన్స్ వచ్చినట్లుగా తెలుస్తోంది. బిగ్‏బాస్ రివ్యూలతో పాపులర్ అయ్యాడు ఆదిరెడ్డి.

అలాగే ఫేమస్ యాంకర్ ఉదయభాను సైతం ఈసారి బిగ్‏బాస్ ఇంట్లోకి అడుగుపెట్టనుందట. బుల్లితెర ప్రేక్షకులకు ఉదయభాను పేరు ప్రత్యేకంగా పరిచయం అవసరం లేదు. ఒకప్పుడు యాంకర్‍గా తనకంటూ ప్రత్యేక స్థానం ఏర్పర్చుకుంది. అలాగే జబర్ధస్థ్ కమెడియన్ చలాకీ చంటి కూడా బిగ్‏బాస్ ఇంట్లోకి కంటెస్టెంట్ గా రానున్నారట. ఇక జబర్దస్త్ అప్పారావు కూడా ఫైనల్ అయినట్లు తెలుస్తోంది.

ఇక బిగ్‏బాస్ సీజన్ 5లో కంటెస్టెంట్ గా అడుగుపెట్టి ఫైనల్ వరకు నిలిచింది సిరి. ఇక అప్పటినుంచి బిగ్‏బాస్ సీజన్ 6లో ఆమె ప్రియుడు శ్రీహాన్ అడుగుపెట్టనున్నట్లు వార్తలు చక్కర్లు కొడుతున్నాయి. తన ప్రియురాలు సిరిని గెలిపించుకునేందుకు అప్పట్లో శ్రీహాన్ చాలా ప్రయత్నించాడు. ఇక వీరే కాకుండా.. యాంకర్ నేహా చౌదరీ కూడా బిగ్‏బాస్ కంటెస్టెంట్ గా రాబోతుందట. ఈమె ఐపీఎల్ ప్రేక్షకులకు సుపరిచితమే. ఐపీఎల్ వ్యాఖ్యతగా పాపులర్ అయ్యింది. వీరే కాకుండా.. ప్రముఖ సింగర్ గీతామాధురి భర్త నందు, యూట్యూబర్ నిఖిల్, ఆర్జే సూర్య, యాంకర్ వర్షిణి, హీరో భరత్ సైతం బిగ్‏బాస్ ఇంట్లో సందడి చేయబోతున్నట్లు తెలుస్తోంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.