SIT Movie OTT: ఓటీటీలో దూసుకెళ్తోన్న తెలుగు సస్పెన్స్ థ్రిల్లర్ మూవీ.. ఎక్కడ చూడొచ్చంటే?

SIT Movie

ఇతర జానర్లతో పోల్చుకుంటే క్రైమ్, సస్పెన్స్, హారర్, మిస్టరీ, థ్రిల్లర్ సినిమాలకు ఓటీటీలో మంచి రెస్పాన్స్ ఉంటుంది. ఇలాంటి మూవీస్ కు థియేటర్లలో కలెక్షన్లు రాకపోయినా డిజిటల్ స్ట్రీమింగ్ వేదికపై రికార్డు స్థాయిలో వ్యూస్ వస్తుంటాయి. ఈ కారణంగానే కొందరు దర్శక నిర్మాతలు తమ సినిమాలను డైరెక్ట్ ఓటీటీలోనే రిలీజ్ చేస్తుంటారు. సినిమా ప్రియుల నుంచి వీటికి కూడా మంచి ఆదరణ వస్తుంటుంది. ఇప్పుడు అలా డైరెక్టర్ గా ఓటీటీలో రిలీజైన ఒక సినిమా ఆడియెన్స్ ను థ్రిల్ కు గురి చేస్తోంది. క్రైమ్, సస్పెన్స్ థ్రిల్లర్ అంశాలు పుష్కలంగా ఉండడంతో ఆడియెన్స్ నుంచి విపరీతమైన ఆదరణ దక్కించుకుంటోంది . అదే అరవింద్ కృష్ణ, నటాషా దోషి హీరో హీరోయిన్లుగా నటించిన సిట్ (స్పెషల్ ఇన్వెస్టిగేషన్ టీం) సినిమా. ఈ సినిమాకు విజయ భాస్కర్ రెడ్డి దర్శకత్వం వహించారు. నాగి రెడ్డి, తేజ పల్లి, శ్రీనివాస్ రెడ్డి నిర్మించారు. మే 10 నుంచి ప్రముఖ ఓటీటీ ప్లాట్ ఫామ్ జీ5లో సిట్ సినిమా స్ట్రీమింగ్ అవుతోంది. ఇదిలా ఉంటే తమ సినిమా పాన్ ఇండియా వైడ్‌గా రీచ్ అయిందని టాప్ – 5లో సిట్ మూవీ ట్రెండ్ అవుతోందంటున్నారు మేకర్స్. అలాగే రెండో పార్ట్ ఎప్పుడు వస్తుందని ఆడియెన్స్ అడుగుతున్నారని దర్శక నిర్మాతలు చెబుతున్నారు.

సిట్ సినిమా కథేంటంటే..

ఇక సిట్ సినిమా కథ విషయానికొస్తే.. స్పెషల్ ఇన్వేస్టిగేషన్ టీమ్ ఓ క్రైమ్ ను ఎలా సాల్వ్ చేసిందనేది ఈ సినిమాలో చూపించారు. ఓ అమ్మాయి రేప్, మర్డర్ కేసును పోలీసాఫీసర్ అయిన అరవింద్ కృష్ణ ఎలా డీల్ చేశాడు? హంతకులను ఎలా పట్టుకున్నాడన్నదే ఈ సినిమా కథ. సినిమాలో సస్పెన్స్, థ్రిల్లింగ్, ట్విస్ట్ ఎలిమెంట్స్ పుష్కలంగా ఉన్నాయంటున్నారు మేకర్స్. మరి మీరు సస్పెన్స్, థ్రిల్లర్ సినిమాలను ఇష్టపడతారా? అయితే సిట్ సినిమాపై ఓ లుక్ వేయండి

కిల్లర్ ఎవరంటే?

మరిన్ని సినిమా వార్తల కోసం ఇక్కడ క్లిక్ చేయండి.