Jawan OTT: ఓటీటీలోకి వచ్చేస్తోన్న షారుఖ్ బ్లాక్ బస్టర్ హిట్.. ‘జవాన్’ ఓటీటీ రిలీజ్ డేట్ ఫిక్స్..

Jawan

చాలా కాలం తర్వాత బాలీవుడ్ స్టార్ షారుఖ్ ఖాన్ ఖాతాలో భారీ విజయాన్ని అందుకున్న సినిమా జవాన్. ఎన్నో అంచనాల మధ్య అడియన్స్ ముందుకు వచ్చిన ఈ సినిమా ఊహించని స్థాయిలో కలెక్షన్స్ వసూలు చేసింది. ఇప్పటివరకు దాదాపు రూ.1000 కోట్ల వసూళ్లు రాబట్టింది. కోలీవుడ్ డైరెక్టర్ అట్లీ తెరకెక్కించిన ఈ సినిమా ప్రపంచవ్యాప్తంగా విడుదలై సెస్సెషన్ సృష్టించింది. విడుదలై నెలరోజులు గడిచినప్పటికీ బాక్సాఫీస్ వద్ద జవాన్ దూకుడు మాత్రం తగ్గడం లేదు. ఈ సినిమాతో అటు సౌత్ ఇండస్ట్రీ లేడీ సూపర్ స్టార్ నయనతారకు బాలీవుడ్‏లో అడుగుపెట్టింది. తొలి చిత్రానికే నార్త్ లో మంచి ఫాలోయింగ్ సంపాదించుకుంది. అలాగే ఈ చిత్రంలో దీపికా పదుకొణె గెస్ట్ రోల్ చేసింది.

బాక్సాఫీస్ వద్ద రికార్డ్స్ సృష్టించిన ఈ సినిమా ఇప్పుడు ఓటీటీలోకి రాబోతుంది. జవాన్ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ భారీ ధరకు సొంతం చేసుకుందట. బాలీవుడ్ బాద్ షా పుట్టినరోజు సందర్భంగా నవంబర్ 2న ఈ సినిమాను స్ట్రీమింగ్ చేయనున్నట్లు తెలుస్తోంది. అంతేకాకుండా థియేటర్లలో ప్రేక్షకులు చూడని సీన్స్ కలిపి ఓటీటీలో జవాన్ సినిమా ఉండబోతుందని సమాచారం. త్వరలోనే దీనిపై అధికారిక ప్రకటన వచ్చే ఛాన్స్ ఉందని టాక్ నడుస్తోంది. ఇక ఇటు థియేటర్లలో సక్సెస్ అయిన ఈ మూవీ ఓటీటీలోనూ అద్భుతమైన రెస్పాన్స్ అందుకోనుందని తెలుస్తోంది.

ఈ సినిమాలో షారుఖ్ ద్విపాత్రాభినయం చేశారు. ఇందులో తండ్రి కొడుకులుగా కనిపించి మెప్పించారు. అలాగే దీపికా, నయన్ నటనకు విమర్శకుల ప్రశంసలు అందుకున్నారు. ఇక అనిరుథ్ అందించిన సంగీతం సినిమాకు మరో హైలెట్. ఇప్పటికే అనేక సూపర్ హిట్ చిత్రాలను తెరకెక్కించిన అట్లీ.. ఈ సినిమాలో స్క్రీన్ ప్లే విషయంలో చాలా జాగ్రత్తలు తీసుకున్నారు. దీంతో ఈ మూవీని ప్రేక్షకుల ఎంతో ఆదరించారు.

మరిన్ని సినిమా వార్తల కోసం ఇక్కడ క్లిక్ చేయండి.