Save The Tigers Season 2: సేవ్ ది టైగర్స్ సీజన్ 2 వచ్చేస్తుందోచ్‌.. ఓటీటీలో స్ట్రీమింగ్‌ ఎప్పుడంటే?
ప్రియదర్శి, అభినవ్ గోమటం, కృష్ణ చైతన్య, రోహిణీ కీలక పాత్రల్లో తెరెక్కిన వెబ్‌ సిరీస్ సేవ్ ద టైగర్స్. ప్రముఖ ఓటీటీ ప్లాట్‌ఫామ్‌ డిస్నీ ప్లస్‌ హాట్‌స్టార్‌లో ప్రసారమైన ఈ క్లీన్‌ ఫ్యామిలీ ఎంటర్‌టైనర్‌ సిరీస్‌కు అపూర్వ ఆదరణ దక్కింది.
ప్రియదర్శి, అభినవ్ గోమటం, కృష్ణ చైతన్య, రోహిణీ కీలక పాత్రల్లో తెరెక్కిన వెబ్‌ సిరీస్ సేవ్ ద టైగర్స్. ప్రముఖ ఓటీటీ ప్లాట్‌ఫామ్‌ డిస్నీ ప్లస్‌ హాట్‌స్టార్‌లో ప్రసారమైన ఈ క్లీన్‌ ఫ్యామిలీ ఎంటర్‌టైనర్‌ సిరీస్‌కు అపూర్వ ఆదరణ దక్కింది. భార్యా బాధిత భర్తల చుట్టూ తిరిగే ఈ వెబ్‌ సిరీస్ ఓటీటీ ఆడియెన్స్‌ను కడుపుబ్బా నవ్వించింది. ముఖ్యంగా ఫ్యామిలీ ఆడియెన్స్‌కు బాగా కనెక్ట్‌ అయ్యింది. యాత్ర సినిమాతో తో పాపులర్‌ అయిన మహీ వి రాఘవ్‌ ఈ సిరీస్‌కు క్రియేటర్‌గా వ్యవహరించాడు. తేజ కాకుమాను దర్శకత్వం వహించాడు. కిడ్నాప్‌ మిస్టరీతో మంచి ట్విస్ట్‌ ఇచ్చి మొదటి సీజన్‌ను ముగించిన మేకర్స్‌ ఇప్పుడు సెకెండ్ సీజన్‌కు ముహూర్తం ఫిక్స్‌ చేసినట్లు తెలుస్తోంది. ఆగస్టు మూడు లేదా నాలుగో వారంలో సేవ్ ద టైగర్స్ సెకెండ్ సీజన్‌ను ఓటీటీలోకి అందుబాటు తీసుకురానున్నట్లు సమాచారం.
కాగా మొదటి సీజన్‌లో తమ అద్భుతమైన నటనతో అందరినీ పొట్టచెక్కలయ్యేలా నవ్వించిన అభినవ్ గోమటం, రోహిణీ పాత్రలకు సెకెండ్ సీజన్‌లో మరింత ప్రాధాన్యమివ్వనున్నారట. వీరి రోల్స్‌కు వచ్చిన రెస్పాన్స్‌ను దృష్టిలో ఉంచుకుని మేకర్స్‌ ఈ కీలక నిర్ణయం తీసుకున్నారట. సో.. రెండో సీజన్‌లో ఆడియెన్స్‌కు మరింత ఫన్‌ ఉండనుందని తెలుస్తోంది. సేవ్ ద టైగర్స్ సిరీస్ లో జోర్దార్‌ సుజాత, గంగవ్వ, దేవియాని తదితరులు కీలక పాత్రలు పోషించారు. కాగా సిరీస్ రిలీజుపై త్వరలోనే డిస్నీ ప్లస్‌ హాట్‌ స్టార్‌ నుంచి అధికారిక ప్రకటన వెలువడనుందని తెలుస్తోంది.
మరిన్ని సినిమా వార్తల కోసం క్లిక్ చేయండి..