Sridevi Shoban Babu: ఓటీటీలోకి బావా మరదళ్ల బ్యూటిఫుల్ లవ్ స్టోరీ.. శ్రీదేవి, శోభన్‌బాబు స్ట్రీమింగ్ ఎప్పుడు, ఎక్కడంటే?

Sridevi Shoban Babu Ott

యంగ్‌ హీరో సంతోష్‌ శోభన్‌, కోలీవుడ్‌ నటి గౌరి జి. కిష‌న్‌ జంటగా నటించిన ఫీల్‌గుడ్‌ లవ్‌ స్టోరీ ‘శ్రీదేవి.. శోభన్‌బాబు’. చిరంజీవి పెద్దకుమార్తె సుస్మిత- విష్ణు ప్రసాద్‌ నిర్మాతలుగా వ్యవహరించిన ఈ సినిమాకు ప్రశాంత్‌ కుమార్‌ దిమ్మల దర్శకత్వం వహించారు. సాంగ్స్‌, టీజర్లు, ట్రైలర్లతో పాటు టైటిల్ క్యాచీగా ఉండడంతో రిలీజ్‌కు ముందు ఈ సినిమాపై అంచనాలు బాగానే ఉన్నాయి. దీనికి తోడు మెగా డాటర్‌ ప్రొడ్యూసర్‌ కావడంతో సినిమాపై హైప్‌ పెరిగింది. కానీ తీరా థియేటర్లలోకి వచ్చాక మాత్రం నిరాశపర్చంది. అయితే ఫీల్‌గుడ్‌ సినిమా కావడంతో యువతను ఓ మోస్తరుగా ఆకట్టుకుంది. ఇదిలా ఉంటే శ్రీదేవి డిజిటల్‌ రిలీజ్‌ కోసం ఓటీటీ ప్రియులు ఎంతగానో ఎదురు చూస్తున్నారు. కాగా తాజాగా ఈ సినిమా ఓటీటీ స్ట్రీమింగ్‌ అధికారిక ప్రకటన వచ్చింది. ఈ సినిమా హక్కులను ప్రముఖ ఓటీటీ సంస్థ డిస్నీ ప్లస్‌ హాట్‌స్టార్‌ దక్కించుకుంది. ఇక మార్చి 30 నుంచి సినిమాను స్ట్రీమింగ్ కానుంది. ఇదే విషయాన్ని సదరు ఓటీటీ ప్లాట్‌ఫామ్ అధికారికంగా వెల్లడించింది.

ఈ సినిమాలో శ్రీదేవి, శోభ‌న్‌బాబు అనే బావామ‌ర‌ద‌ళ్లుగా సంతోష్ శోభ‌న్‌, గౌరి.జి కిష‌న్ క‌నిపించారు. కుటుంబాల మ‌ధ్య ఉన్న విభేదాల కార‌ణంగా ఎప్పుడూ గొడ‌వ‌లు ప‌డే శోభ‌న్‌బాబు, శ్రీదేవి ఎలా ప్రేమ‌లో ప‌డ్డారు?త‌మ కుటుంబాలను ఏ విధంగా కలిపారన్నదే సినిమా కథ. ఈ సినిమాలో నాగబాబు, రోహిణీ కీలక పాత్రలు పోషించారు. కమ్రాన్‌ స్వరాలు సమకూర్చారు.

మరిన్ని సినిమా వార్తల కోసం క్లిక్ చేయండి..