OTT Movie: ఇట్స్ అఫీషియల్.. అప్పుడే ఓటీటీలోకి రొమాంటిక్ లవ్ స్టోరీ.. స్ట్రీమింగ్ ఎక్కడంటే?

Premante Movie

టాలీవుడ్ ట్యాలెంటెడ్ యాక్టర్ ప్రియదర్శి పులికొండ హీరోగా నటించిన లేటెస్ట్ సినిమా ప్రేమంటే. నవనీత్‌ శ్రీరామ్‌ తెరకెక్కించిన ఈ రొమాంటిక్ లవ్ స్టోరీలో మన తెలంగాణ అమ్మాయి ఆనంది హీరోయిన్ గా నటించింది. అలాగే స్టార్ యాంకర్ సుమ కనకాల, వెన్నెల కిశోర్, హైపర్ ఆది, అభయ్ బేతిగంటి, సురభి ప్రభావతి తదితరులు ప్రధాన పాత్రలు పోషించారు. రానా స్పిరిట్‌ మీడియా సమర్పణలో పుస్కూర్‌ రామ్మోహన్‌ రావు, జాన్వీ నారంగ్‌ సంయుక్తంగా ఈ సినిమాను నిర్మించారు. నవంబర్ 21న థియేటర్లలోకి వచ్చిన ఈ రొమాంటిక్ లవ్ స్టోరీ ఓ మోస్తరుగా ఆడింది. బాక్సాఫీస్ వద్ద మంచి వసూళ్లనే రాబట్టింది. అయితే ఈ సినిమాకు పోటీగా ఏకంగా అరడజనకు పైగా సినిమాలు రిలీజ్ కావడం ప్రియదర్శి మూవీకి మైనస్ గా మారింది. ఫలితంగా ఈ మూవీ లాంగ్ రన్ కొనసాగించలేకపోయింది. థియేటర్లలో యావరేజ్ గా నిలిచిన ప్రేమంటే మూవీ ఇప్పుడు ఓటీటీలోకి వస్తోంది. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. తాజాగా ఈ సినిమా ఓటీటీ స్ట్రీమింగ్ గురించి అధికారిక ప్రకటన వెలువడింది.

డిసెంబర్ 19 నుంచి ప్రేమంటే సినిమాను ఓటీటీ స్ట్రీమింగ్ కు తీసుకొస్తున్నట్లు నెట్ ఫ్లిక్స్ అధికారికంగా ప్రకటించింది. తెలుగుతో పాటు తమిళం, మలయాళం, కన్నడ భాషల్లో అందుబాటులోకి రానుంది. ‘అందమైన వైభవాల వేడుకే కదా ప్రేమంటే’ అంటూ స్పెషల్ పోస్టర్ రిలీజ్ చేసింది నెట్ ఫ్లిక్స్.  ప్రేమంటే సినిమాకు లియోన్ జేమ్స్ అందించిన స్వరాలు హైలెట్ గా నిలిచాయి. ఇక ఈ రొమాంటిక్ మూవీకి అన్వర్ అలీ, రాఘవేంద్ర తిరున్ ఎడిటర్లుగా వ్యవహరించారు. అలాగే విశ్వంత్ రెడ్డి సినిమాటోగ్రఫీ బాధ్యతలను నిర్వర్తించారు. 

నెట్ ఫ్లిక్స్ లో ప్రేమంటే సినిమా స్ట్రీమింగ్..

ఐకాన్ స్టార్ అల్లు అర్జున్ తో సరదాగా హీరో ప్రియదర్శి, కోర్టు మూవీ టీమ్..

మరి థియేటర్లలో ప్రియదర్శి సినిమాను మిస్ అయ్యారా? అయితే ఎంచెక్కా ఓటీటీలో చూసి ఎంజాయ్ చేయండి.