Unstoppable With NBK 4: సూపర్ హీరోగా బాలయ్య.. అన్‌స్టాపబుల్ సీజన్ 4 ట్రైలర్ చూశారా? స్ట్రీమింగ్ డేట్ ఇదే

బుల్లితెర మీద బాలయ్య పండుగకు రంగం సిద్ధమైంది. తెలుగు ఆడియనన్స్ ఎప్పుడెప్పుడా అని ఎదురుచూస్తున్న అన్‌స్టాపబుల్‌ నయా సీజన్‌కు ముహూర్తం ఫిక్స్ అయ్యింది.

తెలుగు ఓటీటీ ఆడియెన్స్ ను అమితంగా ఆకట్టుకున్న టాక్ షోస్‌ లో ఆహా ‘అన్ స్టాపబుల్ విత్ ఎన్‌బీకే’ ఒకట. నందమూరి బాలకృష్ణ హోస్ట్ గా వ్యవహరిస్తోన్న ఈ సెలబ్రిటీ టాక్‌ షో ఇప్పటికే సక్సెస్ ఫుల్ గా మూడు సీజన్లు పూర్తి చేసుకుంది. ఇప్పుడు నాలుగో సీజన్ కు కూడా ముస్తాబవుతోంది. తాజాగా దసరా పండగను పురస్కరించుకుని కొత్త సీజన్ ఫస్ట్ లుక్, ట్రైలర్ ను రిలీజ్ చేశారు మేకర్స్. ఇందులో బాలయ్య.. సూపర్ హీరోగా కనిపించాడు. సుమారు నాలుగున్నర నిమిషాల పాటు ఉన్న ఈ వీడియో అభిమానులను బాగా ఆకట్టుకుంటోంది. ఇక అక్టోబరు 24వ నుంచి అన్ స్టాపబుల్ నాలుగో సీజన్ స్ట్రీమింగ్‌ కానుంది. కాగా ఈ కొత్త సీజన్ లో ఎన్ని ఎపిసోడ్‌లు ఉంటాయి? అతిథులుగా ఎందరు కనిపిస్తారు? అన్నిటిన్నా మించి సీజన్‌4 ఫస్ట్ ఎపిసోడ్‌ గెస్ట్ ఎవరన్నది ఆసక్తికరంగా మారింది.
కాగా అన్ స్టాపబుల్ సీజన్ 4 కు సంబంధించి తాజాగా ప్రెస్ మీట్ నిర్వహించారు. బాలకృష్ణ, అల్లు అరవింద్‌, అనిల్‌ రావిపూడి, తేజస్విని నందమూరిమ, రాజీవ్‌ చిలక తదితరులు ఈ కార్యక్రమంలో పాల్గొన్నారు. ఈ సందర్భంగా మాట్లాడిన బాలయ్య ఈ టాక్ షో గురిచి పలు ఆసక్తికర విషయాలు పంచుకున్నారు. అలాగే సినిమాల్లో తన 50 ఏళ్ల ప్రస్థానాన్ని గుర్తుచేసుకున్నారు.

కాగా తాజాగా విడుదలైన అన్ స్టాపబుల్ సీజన్ 4 ట్రైలర్ కు సరిపోదా శనివారం ఫేమ్ జేక్స్ బెజోయ్‌ సంగీతం అందించడం విశేషం.
ఇదిలా ఉంటే ఈ దసరాకి NBK-109 రిలీజ్‌ కావాలి. ఐతే.. ఎలక్షన్ల కారణంగా NBK-109 షూటింగ్‌ ఆలస్యం అయ్యింది. దసరాకి రిలీజ్ కుదరలేదు. ఈ నేపథ్యంలోనే సినిమా వాయిదాపడినా అన్‌స్టాపబుల్‌ షోతో ముందుకు వస్తున్నారు బాలకృష్ణ. కాగా మొదటి ఎపిసోడ్ కు దుల్కర్ సల్మాన్ లక్కీ భాస్కర్ టీమ్ అతిథులుగా రానున్నారని తెలుస్తోంది. అలాగే ఐకాన్ స్టార్ అల్లు అర్జున్ కూడా సందడి చేయనున్నాడని తెలుస్తోంది.  త్వరలోనే దీనిపై ఫుల్ క్లారిటీ రానుంది.

పండుగ సమయం వచ్చేసింది..  అక్టోబర్ 24 నుంచి కొత్త సీజన్ స్ట్రీమింగ్..

అన్‌స్టాపబుల్ సీజన్ 4 ట్రైలర్  ఇదిగో..

మరిన్ని సినిమా వార్తల కోసం ఇక్కడ క్లిక్ చేయండి.