OTT Movie: నది ఒడ్డున కుప్పలు తెప్పలుగా మృతదేహాలు.. OTTలో సూపర్ హిట్ క్రైమ్ థ్రిల్లర్.. ఇప్పుడు తెలుగులోనూ..

వీకెండ్ లో ఓటీటీలో మంచి క్రైమ్ థ్రిల్లర్ సిరీస్ చూడాలనుకుంటున్నారా? అయితే ఈ వెబ్ సిరీస్ మీకు బెస్ట్ ఆప్షన్. ఇదొక కన్నడ క్రైమ్ థ్రిల్లర్ సిరీస్. ఇప్పుడు తెలుగు వెర్షన్ కూడా అందుబాటులో ఉంది. కేవలం 7 ఎపిసోడ్లతో రూపుదిద్దుకున్న ఈ వెబ్ సిరీస్.. ప్రతీ ఎపిసోడ్ 20 నుంచి 22 నిమిషాల నిడివితో చాలా రేసీగా, ఇంట్రెస్టింగ్ గా సాగుతుంది. ముఖ్యంగా ఈ సిరీస్ లోని ట్విస్ట్ లు ఆడియెన్స్ కు మంచి థ్రిల్ అందిస్తాయి. అందుకే ఐఎమ్ డీబీలో ఈ సిరీస్ కు ఏకంగా 7.2 రేటింగ్ దక్కింది. ఈ సిరీస్ స్టోరీ కూడా చాలా కొత్తగా, ఆసక్తికరంగా ఉంటుంది. ఉత్తర కర్ణాటకలోని ఒక మారుమూల గ్రామం, దానికి ఆనుకుని ప్రవహించే మలప్రభ నది బ్యాక్‌డ్రాప్‌లో ఈ సిరీస్ సాగుతుంది. ఉన్నట్లుండి నది ఒడ్డున వింత పరిస్థితుల్లో వరుసగా మృతదేహాలు దొరుకుతాయి. వీటిని చూసిన పోలీసులు, గ్రామీణులు పాత మూఢనమ్మకాలు, గ్రామ దేవత శాపం, లేదా మొసళ్ల దాడుల వల్ల ఈ చావులు జరుగుతున్నాయని భావిస్తారు. ఈ మిస్టరీని ఛేదించేందుకు సబ్ ఇన్ స్పెక్టర్ హనుమప్ప రంగంలోకి దిగుతాడు. అతను గ్రామస్తుల మూఢనమ్మకాలను అస్సలు నమ్మడు.. పట్టించుకోడు కూడా. సరిగ్గా ఈ హత్యలు జరుగుతున్న సమయంలోనే సమీపంలోని ఒక పోలీస్ స్టేషన్ లో వరుసగా మిస్సింగ్ కేసులు నమోదవుతాయి. మరి వారంతా ఏమయ్యారు? అసలు ఎలాంటి ఆనవాళ్లు, గుర్తులు లేకుండా వారు ఎలా మాయమయ్యారు? నది ఒడ్డున దొరికిన మృతదేహాలు ఎవరివి? మొసళ్ల దాడివల్లే వాళ్లు చనిపోయారా? లేక దీని వెనుక ఎవరైనా ఉన్నారా? మరి పోలీసులు ఈ క్రైమ్ మిస్టరీని ఎలా ఛేదించారు? అన్నది తెలుసుకోవాలంటే ఈ ఇన్వెస్టిగేటివ్ క్రైమ్ థ్రిల్లర్ సిరీస్ చూడాల్సిందే.

ప్రస్తుతం ఓటీటీ ఆడియెన్స్ కు భయపెడుతోన్న ఈ వెబ్ సిరీస్ పేరు ‘రాక్షస’. 2022లో వచ్చిన సూపర్ హిట్ తమిళ వెబ్ సిరీస్ ‘విలంగు’ ఆధారంగా ఈ సిరీస్ ను తెరకెక్కించచారు. హిందీలో కూడా ఇది ‘జానవర్’ పేరుతో ఇది రీమేక్ కాగా అక్కడ కూడా సూపర్ హిట్ అయ్యింది. సుహాన్ ప్రసాద్ తెరకెక్కించిన రాక్షస వెబ్ సిరీస్ లో విజయ్ రాఘవేంద్ర ప్రధాన పాత్ర పోషించారు. మయూరి క్యాతరి, అప్పన్న రామదుర్గ, అవినాష్, జహంగిర్ ఎమ్ఎస్, అభిజిత్, హులుగప్ప కత్తిమని, మహాదేవ్ హడాపద్, సుష్మిత జగప్ప తదితరులు వివిధ పాత్రల్లో మెరిశారు. ప్రస్తుతం ఈ వెబ్ సిరీస్ జీ5 ఓటీటీ ప్లాట్‌ఫామ్‌లో తెగ ట్రెండ్ అవుతోంది.

ఇవి కూడా చదవండి

'కేబీసీ 18' షూటింగులో అమితాబ్‌కు గాయం.. ఇప్పుడెలా ఉన్నారంటే?

ఓటీటీలోకి వచ్చేసిన కార్తీ లేటస్ట్ యాక్షన్ స్పై యాక్షన్ థ్రిల్లర్

హీరో రామ్‌తో ఉన్న ఈ జబర్దస్త్ స్టార్ కమెడియన్‌ను గుర్తు పట్టారా?

తెలుగులో ఓటీటీలోకి వచ్చేసిన కాజల్ అగర్వాల్ కాంట్రవర్సీ మూవీ

రాక్షస వెబ్ సిరీస్ ట్రైలర్..

మరిన్ని సినిమా వార్తల కోసం ఇక్కడ క్లిక్ చేయండి.