OTT Movie: ప్రైవేట్ ఆస్పత్రిలో వరుస హత్యలు.. ఏకంగా ఆరు ఓటీటీల్లో ట్రెండ్ అవుతోన్న సరికొత్త క్రైమ్ థ్రిల్లర్
సాధారణంగా ఏ సినిమా అయినా ఒకటి లేదా రెండు ఓటీటీ ప్లాట్ ఫామ్స్ లో వస్తుంది. కానీ ఈ సినిమా కంటెంట్ మీద నమ్మకంతో ఏకంగా ఆరు ఓటీటీల్లో స్ట్రీమింగ్ కు తీసుకొచ్చారు మేకర్స్. అందుకు తగ్గట్టుగానే ఈ క్రైమ్ థ్రిల్లర్ మూవీ ఆడియెన్స్ కు మంచి థ్రిల్ అందిస్తోంది..
గత వారం ఓటీటీల్లో పలు కొత్త సినిమాలు, వెబ్ సిరీస్ లు వచ్చాయి. తెలుగుతో పాటు వివిధ భాషలకు చెందిన సినిమాలు, సిరీస్ లు స్ట్రీమింగ్ కు వచ్చాయి. రామ్ చరణ్ పెద్ది, సింగ్ గీతం, బల్టీ, పరిమళ అండ్ కో వంటి మరికొన్ని సినిమాలు ఇప్పుడు డిజిటల్ స్ట్రీమింగ్ ప్లాట్ ఫామ్స్ పై సందడి చేస్తున్నాయి. అలా గత వారమే ఓటీటీలోకి వచ్చిన ఒక సినిమా ఇప్పుడు టాప్ లో ట్రెండ్ అవుతోంది. ఒకటి కాదు రెండు కాదు ఏకంగా ఆరు ఓటీటీల్లో స్ట్రీమింగ్ అవుతూ ఆడియెన్స్ కు మంచి థ్రిల్ అందిస్తోంది. ముఖ్యంగా ఈ సినిమాల్లోని ట్విస్టులు ఆడియెన్స్ మతిపోగుడుతున్నాయి. కొన్ని సీన్స్ అయితే మైండ్ బ్లోయింగ్ అని చెప్పవచ్చు. ఇక ఈ సినిమా కథ విషయానికి వస్తే.. ఓ ప్రైవేట్ హాస్పిటల్లో జరిగే అనుమానాస్పద మరణాలు చుట్టూ ఈ సినిమా కథ తిరుగుతుంది. ఆస్పత్రిలో జాయిన్ అయిన రోగులందరూ వరుసగా చనిపోతుంటారు. మొదట ఈ మరణాలు నార్మల్ గానే అనిపించినా మరణాలు పెరిగే కొద్దీ అనుమానాలు మొదలవుతాయి. ఎవరో ఒక సైకో కిల్లర్ పని కట్టుకుని మరి ఈ హత్యలు చేస్తున్నాడని తెలుస్తుంది. కనీసం మృతుల పోస్ట్ మార్టం రిపోర్ట్ లో కూడా ఎలాంటి ఆధారాలు దొరకకుండా ఈ హత్యలు జరగడం మరింత షాకింగ్ అనిపిస్తోంది. మరి ఆస్పత్రిలో వరుస హత్యలకు పాల్పడిన ఆ సైకో కిల్లర్ ఎవరు? ఎందుకు ఇలా హత్యలు చేస్తున్నాడు? పోలీసులు అతనిని ఎలా పట్టుకున్నారన్నదే ఈ సినిమా కథ.
ప్రస్తుతం ఓటీటీలో ట్రెండ్ అవుతోన్న ఈ మలయాళం క్రైమ్ థ్రిల్లర్ పేరు డోస్ (Dose). అభిలాష్ నాయర్ తెరకెక్కించిన ఈ సినిమాలో ‘ప్రేమమ్’ ఫేమ్ సిజు విల్సన్, అశ్విన్ కుమార్, దృశ్య రఘునాథ్, జగదీష్ తదితరులు ప్రధాన కీలకపాత్రలు పోషించారు. ప్రస్తుతం డోస్ సినిమా అమెజాన్ ప్రైమ్ వీడియో, ఆహా తమిళ్, సింప్లీ సౌత్, ఏపీ ఇంటర్నేషనల్, లయన్స్ గేట్ ప్లే, మనోరమా మ్యాక్స్ ఓటీటీ ప్లాట్ ఫామ్స్ లో స్ట్రీమింగ్ అవుతోంది. మలయాళంతో పాటు తెలుగు, తమిళం, కన్నడ భాషల్లోనూ ఈ సినిమా అందుబాటులోకి రానుంది. ఈ వీకెండ్ లో మంచి క్రైమ్ థ్రిల్లర్ సినిమా చూడాలనుకునేవారికి డోస్ సినిమా ఒక మంచి ఛాయిస్ అని చెప్పవచ్చు.
ఆరు ఓటీటీల్లో ట్రెండ్ అవుతోన్న మలయాళం మెడికల్ క్రైమ్ థ్రిల్లర్..
If you enjoy medical thrillers, don’t miss #DoseMovie on OTT👍
Slow-paced, engaging, technically impressive, and packed with good twists. Everyone performed well, especially #SijuWilson ❤️#Dose pic.twitter.com/CfoZRnyyGb
— Stephen Gabriel (@Drsiddevil) July 12, 2026
మరిన్ని సినిమా వార్తల కోసం ఇక్కడ క్లిక్ చేయండి