Sita Ramam: సీతారామం దర్శకుడికి బంపరాఫర్‌.. పీరియాడిక్‌ డ్రామా నేపథ్యంలో భారీ సినిమా..
Sita Ramam: హను రాఘవపూడి పేరు ఇప్పుడు ఇండస్ట్రీలో హాట్‌ టాపిక్‌గా మారింది. సీతారామం చిత్రంతో ఒక్కసారిగా ఇండస్ట్రీని తనవైపు తిప్పకున్నాడీ ట్యాలెంటెడ్‌ దర్శకుడు. చిన్న సినిమాగా విడదులైన సీతారామం భారీ సక్సెస్‌ను...
Sita Ramam: హను రాఘవపూడి పేరు ఇప్పుడు ఇండస్ట్రీలో హాట్‌ టాపిక్‌గా మారింది. సీతారామం చిత్రంతో ఒక్కసారిగా ఇండస్ట్రీని తనవైపు తిప్పకున్నాడీ ట్యాలెంటెడ్‌ దర్శకుడు. చిన్న సినిమాగా విడదులైన సీతారామం భారీ సక్సెస్‌ను అందుకుంది. వారం రోజుల్లోనే ఏకంగా రూ. 50 కోట్ల గ్రాస్‌ను దాటేసి దూసుకుపోతోందీ చిత్రం. సామాన్య ప్రేక్షకుల నుంచి సినీ, రాజకీయ ప్రముఖుల వరకు ఈ సినిమాపై ప్రశంసలు కురిపిస్తున్నారు. దీంతో రోజురోజుకీ సినిమా వసూళ్లు పెరిగిపోతున్నాయి. అందాల రాక్షసి సినిమాతో తొలిసారి ప్రేక్షకులను అలరించిన హను ఈ సినిమాతో భారీగా పేరు సంపాదించుకున్నాడు.
సీతారామం ఇచ్చిన సక్సెస్‌తో హను రాఘవపూడికి వరుస ఆఫర్లు క్యూ కడుతున్నాయి. ఇప్పటికే పలువురు స్టార్‌ హీరోలకు హను కథలు చెబుతున్నట్లు వార్తలు వస్తున్నాయి. ఇదిలా ఉంటే ప్రముఖ నిర్మాణ సంస్థ మైత్రి మూవీ మేకర్స్‌ హనుతో భారీ బడ్జెట్‌ చిత్రానికి సన్నాహాలు చేస్తున్నట్లు సమాచారం. పీరియాడిక్‌ డ్రామా నేపథ్యంలో ఈ సినిమా తెరకెక్కనుందని వార్తలు వస్తున్నాయి. ఇందుకోసం టాప్‌ హీరోను అనుకుంటున్నట్లు సమాచారం.
ప్రేమ కథ నేపథ్యంలో తెరకెక్కనున్న ఈ పీరియాడిక్‌ సినిమాకు బడ్జెట్‌ కూడా ఓ రేంజ్‌లో ఉండనున్నట్లు టాక్ వినిపిస్తోంది. మరి హను తర్వాతి సినిమాలో హీరోగా ఎవరు నటిస్తారు.? అసలు ఈ సినిమా ఎలా ఉండనుంది. లాంటి వివరాలు తెలియాలంటే అధికారిక ప్రకటన వచ్చే వరకు వేచి చూడాల్సిందే.
మరిన్ని సినిమా వార్తల కోసం క్లిక్ చేయండి..